كيفية تغيير بطارية نيسان صنى 2011 أوتوماتيك؟

**Hesham1970** · 07-06-2013 09:56 PM

السادة خبراء الصنى: احتاج لتغيير البطارية, و اريد شراء النوع الجاف. فهل من نصيحة فى النوع و الامبير (الاصلى 44 امبير) فهل اجيب 44 ولا 55 احسن؟ هل يوجد شروط معينة للتغيير؟ هل سأحتاج لكود لأى أجهزة ذى الكاسيت مثلا؟ معلوماتى انه افك السالب الاول ثم الموجب و التركيب يكون بالعكس, انا كده صح؟ و لكم وافر الشكر على المساعدة.

**KoKyKa** · 07-06-2013 10:25 PM

انت كدة كدة حتغير عند بتاع البطاريات

عموما هات نوع اسم أية سئ ديلكو

عن تجربة ضمان و كفاءة

المهم لازم تبقى عارف كود الكاسيت.

وهاتها 55 أمبير عشان لو حبيت تركب ائ أجهزة فئ العربية زئ إنذار أو وحده رفع تبقى كويسة

**exact** · 08-06-2013 01:43 AM

هات اقصى امبير تقدر تجيبه مع مراعاة المكان اللي هتركب فيه

**mr_green** · 08-06-2013 01:50 AM

إيى سى ديلكو ماشى كويسه لكن أنصح بعدم تغير الأمبير عشان مايحملش زيادة على الدينامو

مش عارف إيه لازمة كود الكاسيت أنا ياما غيرت بطاريات فى موديلات مختلفة ماسمعتش عن موضوع كود الكاسيت

كل إللى أعرفه إن بعد التغيير هاتعيد ظبط الساعة و المحطات إللى مسجلها على الكاسيت لا أكثر و لا أقل

**khaledshaheen** · 08-06-2013 03:46 PM

[size="7"]انا ركبت فارتا ألمانى أصلى 70 أمبير ومافيش مشكلة بالنسبة لتعلية الأمبير بالعكس ده أفضل عشان الكهرباء بتاعة العربية تكون واخده راحتها مش يادوب على الأد وخلاص أهم حاجة شوف ضمان البطارية عشان ده مهم جدا لو فيها حاجة ساعات مبيرضوش يرجعوها وفيه حاجة اسمها نسبةإستهلاك البطارية ساعات بيشيلها من عمر البطارية ساعة الشراء لكن فارتا بصراحة قاللى ان لو فيها حاجة حيغيروها بواحدة جديدة بدون حساب نسبة الإستهلاك ولا دفع أى رسوم والحمد لله معايا بقالها سنتين مافيهاش أى مشكلة والحمد لله

**exact** · 09-06-2013 04:13 AM

الأمبير ليس له اي علاقة بالتحميل على الدينامو... الفولت هو المؤثر... وكل اما الامبير زاد اصبحت البطارية اعلى قدرة ولا يحدث لها استنزاف مما يؤدي لإطالة عمرها