العربيه جالها سكته

**alielazizy** · 07-06-2013 10:28 PM

السلام عليكم
انا جايب نيسان 2006 اوتوماتيك من اسبوعين ولم استخدمها الا في حدود 100 كم ومن كام يوم بادورها لقيت البطاريه نايمه اخدت توصيله من جاري دارت من اول لقطه وبعد يومين تكرر نفس الموضوع ولكن عند التوصيل بالبطارية تشتغل سارينة الانذار والعربيه ماتدورش حاولنا وغيرنا كابل الوصله والبطاريه مفيش فايده العربيه مابتنطقش ممكن يكون العيب فين
ولكم الشكر مقدما

**KoKyKa** · 07-06-2013 10:40 PM

بطارية

**kazamodia** · 07-06-2013 11:23 PM

اعتقد ده نظام الحماية بتاع نيسان nats
ربنا يستر لو هو هضطر تروح التوكيل بقا وونش وكده

**WessamRaafat** · 07-06-2013 11:25 PM

روح لواحد بتاع بطاريات يقيسهالك ويشيك على شحن الدينامو بالمرة
لو العيب في البطارية غيرها و ريح دماغك...خصوصا لو جافة

**exact** · 08-06-2013 01:44 AM

حكاية الانذار دي يبقى العربية فيها نظام قطع كهربا... محتاج كهربائي يلف لك ورا المكان بتاع فصل الكهربا

**nodey** · 08-06-2013 06:57 PM

نصيحة لوجه الله
بدل ما تلف علي الكهربائية بتوع العربيات وكل واحد يفتي ويشيل ويقص ويخر بالدنيا ونخسر بعد كدا زيادة
روح التوكيل علي سطحه وهما ادي بتكنولجيا انتاجهم ويقدروا يحلو المشكلة بكل سهولة حتي لو هتكلفك شوية
مجرد راي

**amr011111** · 10-06-2013 03:25 PM

البطاريه كانت عندك نايمه علشان مش بتخرج بالعربيه كتير
ولما انت خدتلها وصله من بطاريه تانيه معملتش مشوار طويل علشان تشحن مع نفسها وبالتالى كل مره هتدور العربيه هتلاقيها نايمه
الحل انك تروح لكهربائى يقيس شحنها ولو قليل تحطها على التونجر عنده وبالتوفيق

**alielazizy** · 11-06-2013 12:37 AM

السلام عليكم
شكرا للجميع وبارك الله فيكم جميعا
فعلا طلعت المشكله في البطاريه عايزة تتغير مع انها لسه في الضمان
وعندي استفسار لخبراء الصني البائع قال ان ريموت السياره فقد وانا حاليا باستعمل المفتاح وسألت علي الريموت في التوكيل قالوا ان ب640 جنيه وانا شايف انه كتير شويه ياتري ممكن الاقي حل لحكاية الريموت بره التوكيل
وشكرا للجميع مره اخري