يا أستاذى الفاضل
انا معاك ان كان فى حاجات كتيير كانت بتحصل قبل الثورة , بس مكنش بالجاحة دى , وكان حتى اللى بيطلب منك حاجة بيطلبها بأدب وباإحترام , حتى لو مش حقه
دلوقتى بيطلبوا حاجات مش حقهم وبالعافية وبالبلطجة , وجدع قوله لأ
عرض للطباعة
ازاى بس
الثورة سبب مباشر للخراب اللى احنا فيه
رغم ان اهدافها نبيلة ومحدش يختلف عليها
بس الطريقة اللى حصلت بيها دمرت وخربت البلد وبقت حياتنا أسوأ من الأول بكتير
ومشاكلنا زادت وكبرت
مهو من يوم جمعة الغضب المجيده قضينا على حاجه اسمها شرطة وقضينا على مصر اللى نعرفها
ومع حرق الإقسام
وتحطيم وحرق سيارات الشرطة على شاشات التليفزيون
خلاص المجرمين اخدوا الضوء الأخضر يعملوا اللى هما عاوزينه
ده ميمنعش ان كتير من ضباط الشرطة كانوا ولازالوا بيعتبروا نفسهم فوق البشر وفوق القانون
والبلد بتاعتهم لوحدهم ... رغم اختلافى معهم بس اللى حصل من كل الأطراف كان غلط
واللى بيدفع التمن هما المحترمين فقط فى الشعب ده
اللهم ارفع مقتك وغضبك عنا
اللهم ارفع عنا البلاء
للاسف المشاكل دى موجوده من قبل الثورة
يمكن بعد الثورة و خصوصا مع الانفلات الامنى زادت الحكاية شوية
ربنا يلطف بينا و يعدى الايام دى على خير
هيه فعلا المشاكل زادت بلا شك بس والله الواحد بيحاول يتفائل وربنا يسترها علينا والواحد مبقاش عارف هو بيضحك على نفسه ولا هيه ده الحقيقة وشكرا
وأدى مثل تانى : الزمان الساعه 10.5 مساءا المكان امام فرع حلوانى الجهاد فى المعرض الدائم أمام جهاز مدينه 6 أكتوبر جيت داخل أشترى حاجه ومافيش اساسا بشر فى هذا المكان فى هذا التوقيت لاقيت عيل طالع من وسط الشجر بيقولى أمسحلك العربيه يابيه ؟ قلتله أمسحها ( يابنى ) بالحرف الواحد قلت بسترززق قالى بس انا باخد فى المسح 10 جنيه ؟ قلتله كــــ............. ديــــــ............... أم اللى يقولك امسح العربيه وشيلنى زنب ومشيت الناس اللى زى دولت وغيرهم كتير معجبين اوى بالثوره علشان ماحدش بيقولهم انتم بتعملوا ايه
لا كان فى ثورة ..ولا دياوله . !! دى شوية مظاهرات باعداد كبيرة اختلط فيها الحابل بالنايل .. حتى تنحى مبارك وبقيت قواعد نظامه كما هى تنتقم من الشعب .!! وطبعا اللى اداهم الفرصة حكام أكثر ضعفا ورخاوة فى مواجهة الفساد (سواء المجلس العسكرى او الاخوانجى اللى بيحكمنا بالصدفة ) .. وداخلية بقيت كما هى بظباطها الفاسدين ضعيفى البنينان وضعيفى التدريب . (ناهيك عن العساكر والامناء )
كويس انك رجعت بيتك بدون خسائر
العيب فى الشعب واخلاقه الفاسدة الى سببها التعليم الفاشل الى بنتعلمة
والى السبب فية مبارك لان نظام التعليم الفاشل دة من ايام مبارك ......... وجية مرسى كمل على نفس النظام لانه محاولش يغير حاجة
كل حاجة فى مصر ماشية نفس الطريقة القديمة مع فرق انه لم يعد هناك شرطة ولا امن ولا يحزنون
مفيش حاجة اتغيرت غير ان الشعب طلع اسوء ما فية لانه معدش فى رادع لة ومعدش بيخاف من حاجة
للاسف وللاسف وللاسف احنا محتاجين دكتاتور تانى لان الشعب معدش يمشى غير بكدة
شعب عايز يتحكم بقانون الطوارئ ويضرب على قفاه فى أقسام الشرطة غير كدة مينفعش
تقولة خد كرامتك وحقوقك الانسانية وكن محترم ............ يقولك لأ احنا فى ثورة وكل واحد يعمل الى هو عاوزة
و هيا ايه علاقة الثورة بى تصرفات ناس عايزة الحرق و كمان الحوار ده من زمان مش جديد