الموضوع: اخيرا وصلت لطرمبه البنزين بس يا خساره معرفت افكها علشان انظفها

المهم يا رجاله انا عرفت افك غطا الطرمبه بس بعد ما فكيته وفتحت الغطا وكله معرفتش اشيل الطرمبه من التنك شكلها كدا مربوطه فى التنك بس انا مش عارف مربوطه ازاى فمرضتشى اعافر معاها واشدها علشان معتدقشى هقدر اركبها تانى
المهم طبعا بعد التعب ده كلوا مش هسيبه يروح على الفاضى لازم استفيد من حاجه ببص لاقيت التنك فيه بنزين تقريبا نص الصفيحه او اكتر روحت جايب خرطوم غسيل وحطيته فى التنك من عند الطرمبه وبدات اسحب البنزين والحمد الله طلعت البنزين كلوا حوالى 10 لتر او 11 لتر واتبقى فى التنك حوالى لتر او نص لتر مش عارف اشدهم صعب اوى قولت يالا مش مهم يبقوا يطلعوا مع الجديد او اشغل الطرمبه لما اشحن البطاريهه وتشدهم بره
ده غير ان انا شربت كميه بنزين بالهبل


الدروس المستفاده بقى
طرمبه البنزين تقريبا مربوطه فى التنك ازاى معرفشى ومعرفتش افكها وشكلها لما تشوفها تخاف تلعب فيها اصل تبوظها

2- اوعى عمرك تحط بنزين من السوق السودا او تاخد بنزين من حد متعرفهوش او تاحط فى العربيه بنزين الا من عند البنزينه وبس
3- طعم البنزين وحش اوىىى وبيحرق الزور حتى الغاز بتاعه شديد اوى خدوا بالكوا محدش يجرب يشربه ولو عاوز تشده اعمل زى ما انا عملت فى الاخر هات خرطوم تخين وحطه وازاه ميه كبيره واحشر الخرطوم فى راس الازازاه ودوس عليها وافردها اعملها زى اداه شفط فعلا طلعت فكره ممتازه وجابت فايده معايا


* اهم حاجه بقى والكل كان بيشتكى منها فى المقابله ان المؤشر بيقرا غلط طلع الصراحه مش زنب الموشر الزنب زنب الطرمبه بتبقى عاليه عن التانك من تحت وعاليه عن التنك من فوق بمعنى ان لو التانك فيه حوالى 3لتر بنزين بس بيبقى منسوبهم تحت الطرمبه نفسها يعنى الطرمبه بمعنى اصح ليها قاعده من تحت معلياها عن قعر التنك ونفس الكلام راس الطرمبه عالى عن قمه التك نفسه فاعتقد لما التانك بيبقى مليان بيبقى لسه المؤشر مطلعشى لنهايته بسبب انه لسه فى حته من الطرمبه لسه لفوق عاله عن التنك شويه وهى الى بيبقى حواليها الجلده اللى بتعزل ريحه البنزين