نوبيرتي : ارتفاع حرارة الموتور ولكن ثبوت المؤشر

عربيتي نوبيرا 2 اوتوماتيك 2001 للتذكره مؤشر الحراره بيثبت قبل النص بشويه وعمره متحرك من ساعة مجبت العربيه ولا زاد عن كده

اول مدور العربيه بياخد حوالي 5 : 6 دقايق ويبدأ يرتفع لغاية ميوصل قبل النص بشويه ويوقف وميتحركشي اكتر من كده حتي لو مشغل التكييف .

بس لاحظت مره انه دوران المراوح مش قد كده يعني المراوح مش شديده ومايعه في دورانها . ونادراً اصلا لما اشوفها شغاله بتبقي صدفه .... بس سكت وطنشت علشان المؤشر مبيرتفعشي عندي .

هل المراوح ليها كذا سرعه علي حسب حالة سخونيه الموتور ولا هي بتدور بسرعه واحده عاديه ؟؟؟؟؟؟؟


تاني ملاحظه انه المياه بتقل بس بمعدل بطييييييييء يعني ممكن نص القربه تفضي كل 9 او 10 خروجات بالعربيه . ومش لاقي تسرييب ظاهر في اي شيء .

هل ده طبيعي ولا ممكن انكش في ايه ...... علشان انا فاضي و نفسي اخترع

حضرتك اولا عندك تسريب في دورة المياة لازم تروح عند حد يكبس الدورة ويشوف التسريب فين .
ثانيا :المراوح ليها سرعتين السرعة الاولي عند وصول درجة حرارة المتور 93c وبتشتغل عند السرعة العالية عند درجة حرارة 97 c وشكرااا

فيه فرق بين صباع الحراره و حساس الحراره

صباع الحراره بيبقي راكب تقريبا تحت البوبينه و وظيفته يخلي مؤشر الحراره يقرأ في لوحه العدادات .

حساس الحراره ( حساس الكولانت ) و ده وظيفته انه بيدي اشاره للكمبيوتر لتشغيل مراوح التبريد .

و ده بيتكشف عليه بالاسكانر .

انت لما شفت المرواح شغالة بطئ مليون ف المية التكييف مكنش شغال

لو انت عايز تشوف المراوح شغل التكييف وهتلاقي سرعة المراوح العالية لانه زي ما قال الاخ النوبيرا ليها سرعتين ف المراوح

اما حوار نص القربة دا بتقول كام خروجه يعني مشوار قد ايه وكام كيلو وبالليل ولا النهار والمدة قد ايه حدد اكتر مش موضوع مشوار وبس عشان اقدر افيدك لو كان ف تسريب ام لا

اما مؤشر الحرارة من اكبر مميزات النوبيرا من وجه نظري هي دورة التبريد فوق الرائعة ومعني ان المؤشر يعدي النص يبقى عندك مشكلة ف العربية ولازم تقف مباشرة وتابع اما المراوح فصلت او المية قلت جدا

ف اسواء ظروف الجو ف مصر لو دورة التبريد حلوة وشغالة تمام عندك المؤشر مش هيعدي النص خالص بس ايه هتلاقي الموتور بيطلع نار لو فتحت الكبود والمراوح شغالة (دا العادي بتاع النوبيرا)

وبالتوفيق ان شاء الله