الموضوع: عيبين يخلوك تطفش من اللوجان

المشاركة الأصلية كتبت بواسطة zeekas15

العربيه موديل 2010 وفيها عيبين يقرفوك من العربيه والمشكله انهم مش ظاهرين بصفه دايمه اقدر اقول احيانا قليليه بس بيحصلوا.................
العيب الاول : المرشدير مبجيش من اول مره بس ده مش دايما زى مقولتلكوا ورد التوكيل العربيه زى الفل ورقم الشاسيه بتاع العربيه مش من ضمن العربيات المعيوبه بتاعة عضة الفتيس ونصحونى انى ادوس دبرياج واستنى 3 ثوانى ... يعنى صباح الفل حسيت ساعتها انى راكب عربيه كارواااااااا بحمار
العيب التانى : هو تعليق الار بى ام وروحت للتوكيل 5 مرات والمفاجأه ان من ضمن المرات تم تغيير البوابه والعيب لسه بيظهر بس بردوا مش دايما والتوكيل مردش بس هما لايصين ومش عارفين يعملوا ايه وفهمت من مهندس الصيانه انى حلها اما تحصيل هو انى ادوس دوسة بنزين فى الهوا بس سببها مش معروف ... اتاكدت ساعتها انى راكب عربيه كارو بس المرادى ماشيه من غير الحمار

واخير كذب من قال اشترى زيرو عشان تهرب من خوازيق المستعمل
مع ارق تحياتى لعشاق اللوجان الللى شايفينها زى الجيتا و احيانا زى البى ام

مشكلة المارشدير دى التوكيل وجدلها حل ..لو بتروح المقطم ..جرب روح توكيل العبور ..كل الاعضاء هنا بيشكرو فيه اكتر
موضوع الار بى ام ده انا مش فاهم سببه ..بس لو حضرتك عندك مشكلة و لسه فى ضمان ما تسكتش علليها و متسبش حقك ..اى ماركة فى الدنيا وارد ان يحصل معاها كده

و اخيرا ..لا اعتقد ان الاعضاء هنا شايفين اللوجان جيتا ولا بى ام ..اللوجان سيارة اقتصادية و كلنا هنا مقتنعين بكده

روق كده و ان شاء الله محلولة