رينو لوجان وعيوب صناعه قاتله

**mmh666** · 08-06-2013 09:29 PM

أنا عربيتى 2011 و عاملة 42 ألف كيلو
لسه حالا مجرب الموضوع ده و المشكلة مش موجودة عندى
مش غريبة دى شويه
البى إم بتاعتى مطلعتش مضروبة
اللى مش عاجباه العربية يبيعها و يحط فلوسها فى البنك و يركب بربحهم تاكسى العاصمة فى مشاويره... أهو منه مواصلة نضيفة و منه يريح نفسه من وجع دماغ اللوجان

**Ahmed Selim** · 08-06-2013 09:56 PM

و بناء على طلب الجماهير...........الصور من كتالوج عربية تويوتا أوريون موديل 2011 ( لو مش عارف أوريون دور على جوجل)

**Ahmed Selim** · 08-06-2013 10:24 PM

المشاركة الأصلية كتبت بواسطة aboamina

طبعا انت بتتكلم بسخرية عشان فاكرنا بنعيب في العربية وخلاص .... لكن انا اقسم لك بالله انه فعلا العيب كان بيظهر في عربيتي من وقت للتاني واول مرة اعرف انها مشكلة مكررة لما شوفت الموضوع , وانا قاصد من تعليقي الاولاني اني احذر ملاك اللوجان من المشكلة دي (ده طبعا لو بتظهر عند اي حد) لانها في وقت من الاوقات حسيت اني مش عارف اسيطر على العربية وانا بجري في طريق سفر...متهيألي دي ميزة من مميزات المنتدى هنا اننا ننقل خبراتنا لبعض وننبه بعض للأفضل والأمن يعني مش التريقة على عربيات بعض وبرضه مش التقليل من رأي بعض.
ربنا يباركلك في عربيتك ويكفيك شرها

يا باشا الموضوع مش مستاهل........

أنا جبتلكم صور من عربية لو أتباعت فى مصر هتتباع مش أقل من 600 أو 700 ألف جم (الأوريون أعلى من الكامري اللى هي سعرها فى مصر لو أتباعت هيكون فى حدود ال 450 ألف على أقل تقدير)

و الناس محذرة فيه من سوء إستخدام دواسات الأرضية علشان متعوقش دواسات البنزين و الفرامل.........يعني دي مش مشكلة.......ده سوء إستخدام.

لو أنت شايل الدواسة و بتحصل معاك يبقى حقك تروح التوكيل و متمشيش إلا و هي متصلحة لأن دي أرواح ناس.

بس مكونش أنا حاطط حاجة بتعيق عمل دواسة البنزين و بشتكي أنها مش شغالة صح.

**محمد جلال** · 18-06-2013 07:11 PM

لو عملنا استطلاع لملاك اللوجان علشان نشوف العيب ده منتشر لا اعتقد هيكون منتشر الا بعض حالات فردية وده اكيد عيب صناعة يبقى الاستاذ اللى فى الفيديو ما رحش التوكيل لانه لو كان راح التوكيل وقلب الدنيا كان اختلف الامر اكيد

**Mzeid** · 18-06-2013 07:44 PM

الموضوع دة حصل مرة واحدة بعد الخروج من الصيانة في مركز خدمة و بعد كدة مفيش اي حاجة حصلت

**crayvor** · 19-06-2013 11:09 AM

طب ليه ماشلش الدواسة قبل ما يجرب؟ وياريت أي حد بيتكلم ف العيب ده يبعتلنا فيديو بالموضوع!!

واللي عنده العيب ده ماطلعش ليه علي حماية المستهلك ورفع قضية؟

أنا دايما لما بعمل كيك داون بادوس للآخر!! عمري ما شفت الحاجات دي الصراحة!

**Johnny82** · 27-06-2013 06:55 PM

انا اعتقد الدواسة مش بتعلق بنزين لان الحتة الاخيرة دى مش بنزين دى مجرد رايش فى الدواسة (اعتقد موجود فى اى عربية عادية)
انا عمرى ماحصلت معايا الموضوع دة وعامل 40000