الموضوع: العربيه شغاله باتين فلتر بنزين شوفتوا الجنان اللى العربيه مسسبهولى يا جدعان

بص يا كبير اللي تحت ده هو الاساسي بتاع العربية وده اللي يتغير
اللي انت مركبه في الامام ده زياده

يا معلم مانا قلتلك امبارح اكشف على العربية من ورا ، لان فيه عربيات شفتها بالفلتر ورا و عربيات تانيه بيبقى قدام و فيه بيبقى فيه الاتنين
على العموم هى مش حاجه وحشه دى حاجه كويسه ، بس انت الصح تغير الاتنين بعد ما تنزل البنزين المشكوك فى امره . وتغير الفلاتر و بعدين تفول يا معلم ...
بس متنساش قبل ما تنزل البنزين تتصرف فى جركن او حاجه فيها بنزين تملا بيها بعدكده علشان توصل بالعربيه لبنزينه لأن البنزينات مبترضاش تطلع فى جراكن
وربنا معاك

الحكايه وما فيها
العربيه دى كانت مع واحد قبلك نقدر نقول بيستخسر او ملوش فى الابيزا قوى
العربيه فيها فلتر ورا كبير معدن تمنه لا يقل عن 40 جنيه بيتغير على فترات طويله وده لان الابيزا اى موديل بعد 94 نسبه انضغاطه 9:1 يعنى بتاخد بنزين 91 مش اقل من كده فنسبه الشوائب اقل من ال80 والكلام ده مكتوب على غطا التنك فى اول موديل لل94
الفلتر اللى قدام ايو 5 جنيه اللى بيركب للعربيات اللى طلمبه البنزين بتاعتها قدام ويكون شكله شفاف ومعفن وبلاستيك وعليه سهم يبين المدخل والمخرج وده بيتغير باستمرار على فترات قريبه لانه مرحله فلتره واحده بس وهى اللى بتحوش كل الشوائب
هل وجود فلترين للبنزين ميزه ولا عيب ؟
1-طبعا عيب خطير لانه نسبه ضغط طلمبه البنزين بيقل مع وجود فلترين فى الدوره ومفيش حاجه اسمها فلتر على راجع البنزين الفلاتر كلها على اللى خارج من الطلمبه ورايح للكربراتير او الرشاشات لو انجكشن رباعى النقاط
2-ومفيش حاجه اسمها طلمبه بنزين تتسد من البنزين لان مفيش جواها مداخل ضيقه ممكن تتسد بعكس الرشاشات وبكات السلانسيه بتاعه الكربراتير
طب والعمل ؟
1- هتغير الفلتر اللى ورا بفلتر محترم لان معنى ان فى فلتر قدام ان الفلتر اللى ورا ده بقاله سنين وخلاص فقد وظيفته فى تنضيف الشوائب
2- هتشيل الفلتر اللى قدام ترميه وتوصل خرطوم البنزين دايركت على الكربراتير ولو الخرطوم قصير تقدر تاخد بزبوز الفلتر المعفن اللى انت شيلته وتعمل بيه توصيله لخرطوم تانى باتنين افيز
3- اتاكد ان الفلتر القديم اللى اركب ورا ماتسببشى فى تراكم شوائب قبله مع ان الموضوع ده نادر الحدوث وده عن طريق ان تفتح كونتكت بعد ما تركب الفلتر الجديد وتشيل خرطوم البنزين اللى داخل على الكربراتير وتحطه فى جركن فاضى هتلاقى ضغط الطلمبه بيزق البنزين ويملا الجركن شوف قوه الضخ وهل فى فواصل هوا ولا الموضوع انسيابى
ملاحظات مهمه جدا
1- المفروض ان طلمبات بنزين الابيزا فى التنك وعلى ذلك هتكون كهربا مع مفتاح الكونتكت
2- لو انت طلمبطك قدام بس كهربا برضه ينفع تكشف عليها بانك تفتح كونتكت
3- بعض الطلمبات بتكون فى جسم المكنه ودى نادره وبتكون مع لفه عمود الكرنك وحركه الكامه وده مش هينفع تكشف عليها للاسف لانها مش كهربا بس اطمن لان الطلمبه دى حيوانه وحماله اسيه ومش سهل انها تبوظ
يارب اكون افدتك ولو بمعلومه صغيره