غلطت غلطة موت ومختش بالي من امبير الحرارة

**FreeMind** · 24-08-2008 02:45 PM

امبارح انا كنت راكب العربية ماشي ومشغل التكيف اخدت بالي ان امبير الحرارة علي وصل 90 فضلت ماشي محطتش في بالي شوية التكيف فصل فطفيتو كملت مشي والحرارة لسة حولين 90 المهم وصلت البيت طفيت العربية وفتحت الكبوت لقيت تانك الردياتير تقريبا فاضي مليتة وسبتاها تبرد
دلوقتي كل ما ادور من غير مدوس بنزيت تبطل ولو دوست ودارت ورجعت شلت رجلي من علي البنزين تبطل حتي لو العربية مشية وشلت رجلي من البنزين وانا دايس دبرياش تبطل وحاسس ان العربية صوتها عالي وكمان بتتهز جامد عن الاول مش عارف دة من اية انا شكيت ان الموتور جوناتو ضربت بس بصيت علي الشكمان ملقتش مية ولا دخان ابيض وكمان الزيت شفت العصايا مش لون الطحينة

ياتري ممكن يكون الموتور جاب وش سلندر ولو كدة العربية تمشي وهية جيبة وش
ياتري اية السبب ياشباب العربية بتاعتي مو90

**bee** · 24-08-2008 02:52 PM

المشاركة الأصلية كتبت بواسطة FreeMind

وصلت البيت طفيت العربية وفتحت الكبوت لقيت تانك الردياتير تقريبا فاضي مليتة وسبتاها تبرد

انا مش عايز افهم من كلامك انك زودت والعربية مش دايره وسخنة ومفيهاش ميه :S
اوعى تكون عملت كده

**shoudy2005** · 24-08-2008 02:58 PM

مش لازم علشان تكون جايبه وش سلندر تنزل ميه من الشكمان ده ممكن تكون فى بدايتها من العيوب صوت محرك عالى سخونه شديده مع نقص مستمر فى الميه صوت تقطيع فى المحرك ساعات العزم بيضعف و ساعات بيزيد فاجأه جرب تزود ميه و تاخد مقاس الموشر و تمشى بيها مشوار لمده 30 دقيقة و شوف مؤشر الحراره و لما تبرد افتح غطاء الرادياتير مفروض متكونش نقصت و اكشف لو فيه تسريب لو كل حاجه سليمه يبقى احتمال جوان فقط و فى بعض الحالات تقفيع فى وش السلندر و حتحتاج مسح

**Akram** · 24-08-2008 03:01 PM

المشاركة الأصلية كتبت بواسطة bee

انا مش عايز افهم من كلامك انك زودت والعربية مش دايره وسخنة ومفيهاش ميه :S
اوعى تكون عملت كده

لو كنت عملت كده يبقى انسى , الموتور جاب وش سلندر و ممكن البلوك كمان يحصله حاجة ,
اما لو مكنتش عملت كده و زودت المية و الموتور داير , يبقى دي مشكلة في كهرباء الموتور ,
بس يا ريت تقول عربيتك نوعها ايه.

**KoDaK_Gti** · 24-08-2008 03:03 PM

المشاركة الأصلية كتبت بواسطة bee

انا مش عايز افهم من كلامك انك زودت والعربية مش دايره وسخنة ومفيهاش ميه :S
اوعى تكون عملت كده

ربنا يستر وميكنش عمل كده فعلا

**hazem_khidr** · 24-08-2008 03:44 PM

يا جماعه
لو هو مزود ميه و ساب العربيه لحد ما تبرد خالص مافيهاش مشكله
انما لو حاول يشغلها بعد ما حط الميه حتجيب الوش حتي لو بعدها بساعتين.
المهم دلوقتي يا ريت تقول
لون الزيت ايه؟؟
طلع المقياس و شوف لون الزيت ايه؟؟؟؟؟
لو طحيني يبقي جابت جوان

**FreeMind** · 24-08-2008 03:56 PM

هو انا طفيتها شوية بعدين دورتها وحطيت مية
بس هيا بيتعمل كدة من قبل ما ازود مية
يعني قعدت فترة عشان تدور بس ممكن تكون الحالة سائت بعد المية

هية نوعها بيجو 205

**Adham** · 24-08-2008 03:59 PM

الصبح و العربية باردة افتح غطار الردياتير و زود مياة
و بعدين خللي حد يدور العربية و بص عالردياتير
لو لقيت المياة بتقلب برة الردياتير زي ماتكون بتفور, تبقى العربية جابت جوان, لو لقيت المياة بتتشفط لتحت مع زيادة الار بي ام يبقى مافيش جوان و لا حاجة

**FreeMind** · 24-08-2008 04:26 PM

هو اللي بيحصل زي ماقال shoudy2005 تقريبا انا هنزل اجرب اللي قولت علية ياادهم وهوافيك بالاخبار

**FreeMind** · 24-08-2008 04:49 PM

انا نزلت فتحت غطاء الردياتير نفسو من غير ما ادور العربية لقيت المية بتنزل من فتحة الغطاء ودة اعتقد عشان مستوي المية في التانك بعدين دورت كل ما ازود بنزين المية تفور اكتر وتقع علي الارض بس بيتهيئلي دة طبيعي عشان سرعة ترمبة المية بتزيد مع سرعة الموتو ولا اية
معلش اعذوروني لو في خطاء في كلامي انا لسة جديد في عالم العربيات

ياترة لو فعلا جوان دي بسيطة