:afterboom::afterboom::afterboom::afterboom:
عرض للطباعة
:afterboom::afterboom::afterboom::afterboom:
محدش شاف matantawy
:)
شوفتوا النهارده هايم على وجهه في الشوارع بيدور على نقطه بنزين مش لاقي وعمال يقول
(النهضه حلوه مفيش كلام ..... النهضه حلوه اه يا سلام)
هايم !!!!! ونهضة !!!!! وبنزين
أوباااااااااااااا
http://cdn.alwafd.org/images/news/1265822529sdf1319.jpg
وما زال البحث جاريا .................................... :)
يارب تلاقوه
من يوم ما غير المساعدين ونفسيتوا عاليت علينا
من تواضع لله رفعه
:)
???????????????????????
انا جييييييييييييييييييييت :shine[1]:
الف شكر على سؤالكم يا جماعة والله :embarrassed:
انا كان معادى السبت فعلا بس كنت متبهدل خميس و جمعة، المنبه رن 7:30 قفلته و اتقتلت نمت بصراحة :Copy of majd(2):
النهاردة بقى الحمد لله روحت و من غير ما احجز :guitarplay1: 8:10 كنت قدام غبور العبور لقيت صف ما شاء الله كنت انا رقم 9 !! 8:20 فتحوا الباب نركن العربيات و ناخد رقم و نتستنى
رقمى جه الحمدلله و روحت للمهندس قلت له انا حاجز مساعدين RB اخد اسمى و سأل لقاهم فعلا موجودين و بإسمى الحمد لله :B4_388:
استلم العربية و طلعت استنيت بتاع ساعة مفيش حاجة غير ان العربية اترفعت و فنى بص عليها من تحت و مشى !! :whtauwant:
بعد الساعة دى لقيت المهندس بينده رقمى :B4_564:
و كاااااانت الصاعقة !:waaaht:
قاللى المساعدين دول متغيرين !! :waaaht::waaaht::waaaht:
تنّحت و قلتله نعم؟ امتى و ازاى؟؟ :Copy of majd(4):
قاللى فى صيانة الالف، قلت له لأ المهندس قاللى مش موجودين و على ذلك عملت شكاوى و روحت و جيت !! :angry06::angry06::angry06:
طلعت فى الاخر -ما شاء الله- غلطة غير مقصودة من المهندس:_Alshmokh08[1]:
اخدت عربيتى و مشيت و هعمل شكوى فى المهندس بتاع صيانة ال1000 و الحمدلله فاكر اسمه (مراد):10_9_133:
و دى صور المساعدين اللى راكبه، انا صورتها قبل ما اروح عشان اتأكد انهم اتغيروا
انتا بتهزر ولا بتكلم بجد وانتا ازاى صدقت كنت صمم على تغييرهم
وشوف الفرق بين الجداد والقدام علشان تعرف ان متغيرش حاجة عندك
http://s24.postimg.org/s4lzmgw9t/IMAG0154.jpg
وشوف الموضوع ده
http://www.nilemotors.net/Nile/350586-a.html
يا باشا انتا شايف الصورة اللى انتا منزلها وصورة المساعدين الجداد والله ما فى حاجة اتغيرت عندك وسجل شكوى حالا لان مركز العبور زاد فيها اوى
فعلا الجداد عاملين زى دانة المدفع لكن اللى متركبين عندك وعندى رفعين اوى
ويا اخى كان المهندس بلغك بالتغيير
طيب اكتب فى الورقة اللى بتاخدها منهم ان تم التغيير لان لازم برده يثبتها فى كتيب الصيانة او الورقة الصفرا اللى بتخدها منهم
وشوف ده الجديد وباين اووى انه موش اللى فى عربيتك
http://www7.0zz0.com/2013/06/10/10/862742938.png
استغفر الله العظيم :s انا مش هخلص من الموال ده ولا ايه :@
هبقى اكلم 16101 و اشوف ايه ممكن يتعمل، و لو حد راح ركب مساعدين جداد يا ريت يصورهم !
شوف كده علشان ممكن نروح مع بعض
أوك انا كلمتهم بالفعل ومنتظر الفرج :) ويا ريت ياجماعة حد ينزل صور المساعدين ويكون ركبهم برده احتياطى
-على فكره أنا أول ما ركبتها حسيت أكني مركب مثلا جنط 17 العربيه نشفت جامد
-وبعدين أنا غيرتها عشان مطبات الهواء فبعد التغيير بقيت أدور على مطبات الهواء في الطرق و بخش فيها بسرعات عاليه و النتيجه تغيير 180ْْ درجه.
- و التغيير مختلف عن حكايه تربيط العفشه ده ظاهر وواضح جدا
-القديم مفيش فيه الكاوتشه اللي عامله زي السوسته دي لكن هو عنده المساعدين فيها ممكن يكون نوع جديد
-أنا قصدي أنه لازم هيحس بالتغيير لان الفرق كبير لازم هو اللي يحس بالتغيير في الأداء غير كده هو غيرهم ليه يعني ؟!
-القديم كان من غير الكاوتش السوسته دي + لازم صاحب العربيه يحس بالتغيير.
-هم ليه هينصبوا عليه أنا كذا مره أغير حاجات من غير تعب و بتتغير بدون مشاكل دول بالصدفه غيروا لي القطمه من غير ما أطلب و للأسف تغيير ملهوش لازمه لو كنت أعرف قبل التغيير كنت رفضت
انا سؤالى محدد هل ده المساعد الجديد
http://www7.0zz0.com/2013/06/10/10/862742938.png
وانا كنت بدخل العربية وبيطلع من عندهم حاجات بايظة كتير واخرها بوظوا سنتر العربية وصلحته بره
-لأ مش ده المساعد الجديد ده مختلف
-السنتر بيبوظ لوحده عشان نوع ردئ و الحكايه دي معروفة و بطاريات الريموت باظت بعد سنه مثلا و لقيتها نوع ردئ جدا فغيرها ببطاريات ياباني والصراحه عمرهم م بوظوا حاجه أنا روحت بتاع 5 صيانات كله تمام
طيب معلش يا جماعة انا عضو جديد وبرضه غيرت المساعدين من المتابعة هنا على الموقع.. هبقى اصور اللي انا غيرتها واوريهالكم
لكن بالنسبة للاحساس بالاختلاف .. حاسس بيه لكن مش قوي لأني مش كتير بيركب حد عندي ورا
اللي خايف منه ان ظهر ناس بتقول ان المساعدين الجداد اشتكى منها بعض الناس بعد كام الف كيلو !!
مش انا اللي بقول .. عضو كان معاكم هنا اسمه كان اسمه ibizaman وانا كلمته وهو اشتكى من الموضوع ده خصوصا انه كان غيرها متأخر
انا عن نفسي معايا هاتش باك 2013 وحاسس ان فعلا الجديدة انشف بس مش فارقة كتير معايا لأني نادرا ما حد بيركب ورا معايا
على اي حال انا مبسوط بالعربية بس لازم نعترف انها عربية خفيفة ومنتوقعش منها اكتر من هدفها
والله يا جماعة انا نفسي انبسط بالعربية بس كل شوية اسمع كلام سواء من المنتدي او في العادي ان اد ايه انضحك علينا .. حاجة تزعل
خصوصا اني بعد ما اشتريت من تلات اشهر كده نزلت البيجو ال 301 وبنفس السعر وشكلها اوسع واحسن وعوامل امان اكتر
يا باشا والله انتا معاك عربية ما شاء الله احسن من البيجو ميه مرة
يا باشا موتور 301 هو نفس موتور 307 متخيل انتا حجم ال 307 صغير ازاى وحطينه على 301 والله عﻻبية فاشلة بكل المقاييس غير صيرا قليلا وكما عودنا الاوربى الخطير بمشاكل الفتيس يا راجل دا حتى البيجو المانيوال كتير اوى بغيروا طقم دبرياج على 30.000
استمتع بعربيتك
هيونداى حلوة :)
واقولك على حاجة بيع العربية موش هتخسر فيها وهتلاقى الناس اللى كانوا بيشتموا فيها هما اول من بيشتروها :) وهات البيجو لو هتستريح
ملحوظة ( شوف كم الشتايم اللى هينزل يرف على المشاركة دى كمان شوية ههههههههههههههههههههههع
انضحك علينا ازاى ان شاء الله؟ العربية لا يعيبها غير المساعدين و التوكيل بيغيرهم و المشكلة فى شوارعنا الزبالة، غير كده العربية فيها عوامل امان على قد تمنها
و ماتورها موفر بنزين، بس للأسف الزحمة مش مبينة الموضوع ده، انما انا فى مرة على طريق الاسماعيلية و انا رايح غبور العبور جبت استهلاك 5.4 l/100 km
و كومبيوتر محترم و فتيس كويس و فى فئات فيها ايموبلايزر كمان و اير باج و abs
انما بيجو بقى نزلوا بالمستوى جدا و انا ركبتها فى معرض العربية رخيصة اوى ازاى كده !! و تابلوه معجنيش بصراحة و كام حركة كده غبية تدل على استرخاص جامد اوى
متسمعش كلام اى حد و استمتع بعربيتك و اجرى بيها و استغل الفتيس الستيبترونيك و حس بكل مليم انت دافعه فى العربية عشان اللى فيها، مش عشان هى بلد صنعها ايه انت مش هتناسب البلد
هههههههع
فعلا سحب العربية من الحاجات المفرحة لكن مش عارف هي ازاي موفرة انا دايما قاري في الكمبيوتر مكتوبلي اني بستهلك حداشر ونص في الميت كيلو
انا صابر وبقول يمكن بعد ما اخلص خمستلاف توفر اكتر
انا مش معاك ان البيجو ال 301 خامتها وحشة الصراحة العربية شكلها شيك جدا، لكن معاك مية في المية ان اكيد هتكون تقيلة
والله يا جماعة اصل من الحاجات اللي مزعلاني كمان ملهاش علاقة بالعربية على قد ما ليها علاقة بغبور وطريقة انه بيفضي العربية من كل المميزات
زائد احكيلم اكتر موقف عكنن عليا من سمير ريان ... انا شاري العربية على اساس انها هاي لاين والراجل السيلز اكدلي ان فيها اي بي اس وبعد ما اشتريتها محستش بالاي بي اس ، فكلمت غبور وعرفت ان عربيتي مفيهاش اي بي اس
من ساعتها ويمكن عشان كدة واخد الموضوع بحزن شوية ..
انا اسف اذا كنت بنقلكم احساس مش كويس تجاه العربية. بس انا صممت عليها من الاول عاجبني شكلها وسحبها وهي في الاول والاخر عربية شبابي وهي في المجال ده احسن عربية في السحب والمناورات.. بس كمان سنتين كده هغير الجنوط ان شاء الله ل 15 او 16 و اكيد هتكون شكلها افضل و يمكن اثبت
حضرتك دى سواقة داخل المدينة فى الزحمة، انا فى الزحمة بجيب اكتر من كده كمان لأنى معظم الوقت واقف و مشغل تكييف طبعا و بطلع متر و اقف تانى و هكذا، ده "اسوأ" استخدام للعربية للأسف بس هنعمل ايه
عاوز تحس بالاستخدام و التوفير خدها على طريق مفتوح او كوبرى اكتوبر و هوا فاضى بليل مثلا و صفّر عداد الاستهلاك و ابدأ طريقك و خلى لمبة الeco تفضل منورة على طول، هتجيب 6.5 و 6 كمان على المدى الطويل، انما داخل زحمة المدينة و طبعا تكيف عالعالى العربية مفيش فى ايديها حاجة تعملها غير انك تطفيها و تستحمل الحر بس ده لو الطريق واقف تماما لأن مش صح تطفى و تدور كتير فى وقت قصير، حد كان قال كده بس مش فاكر قال كده ليه
بالنسبة لسمير ريان متسكوتش حضرتك و ترجعلهم تطلب تعويض او يغيروا العربية و اى شئ، ده كده تهرييييييييييييييج !!! و بصراحة سمير ريان انا مش بحبه ابدا، انا جبت من معرض الطارق محترم جدا جدا ما شاء الله
ال301 انا شوفتها فى معرض زى ما قلت و حسيتها من جوة رخيصة شوية بس دى اّراء عادى
بس بجد ماتسكتش على سمير ريان وإلا حضرتك هتبقى سبب ف انه يستمر فى الغش طول ماهو شايف الناس ساكتة عن حقها
عندك حق بس اصل الموضوع كده بقاله فترة وانا كلمت جهاز حماية المستهلك وردوا عليا ان مادام مفيش ورق مش هنعملك حاجة ..
هو مضحكش عليا في السعر لأن ده نفس التمن لنفس الفئة من غبور .. لكن هو ضحك عليا في مواصفات الفئة دي او هو نفسه مش فاهم من غير قصد ... لكن على اي حال هروحله رغم ان كده مر شهرين يمكن يعترف بغلطته لما يلاقيني بزعقله وسط الزباين
على اي حال انا مبسوط اني معاكم هنا علشان اتابع معاكم اخبار اداء العربية.