الموضوع: استفسارات تخصوص فكترا 95 اتومتيك 2000 cc

ايه يا جماعه ده
59 مشاركه ومفيش ولا رد (هو انا نزلت صحرا ولا ايه؟؟؟؟)
عموماً انا هقلل الاسئله شويه
يعني ممكن تنسوا السؤال الثامن الخاص بالفرامل عشان الحمد لله المشكله اتحلت وكان فعلا ماستر فرامل عمومي واتغير والعربيه بقت تمام واشتريت تيل جديد نوع اسباني اسمه روودويل بـ 130 جنيه وان شاء الله هشتري طنابير جديده عشان اللى موجوده عاوزه تتغير وهركبهم مع بعض
عشان اخلص من حدوته الفرامل دي خالص وافوق للباقي
مستني مساعدتكم بقى وبلاش تحسسوني اني دخلت ارض الاشباح

المشاركة الأصلية كتبت بواسطة mhkorayem

عندي حبه استفسارات بخصوص الـ فكترا 95 اتومتيك 2000 cc ومستني مساعدتكم
1- عاوز اعرف هو ماشر الحراره الطبيعي بتاعه كام لو التكيف مطفي ولما يشتغل
بدون تكييف من 90 : 95 طبيعى جدا و بالتكييف من 90 : 100 طبيعى و من غير ما حد يغلبنى و يتعبى و يتعب قلبى
2- الميه بتنقص بشكل جامد يعني كل يومين كده لازم ازودها حبه حلوين ده ممكن يبقى ايه
الطبيعى ان بخر المية كل يومين فى الايام الشديدة الحر تنقص حوالى نص كباية مية و اختبار بسيط جدا تتطمن بية على الدورة و هو ان العربية و هى سخنة تجيب فوطة و تحطها على الحرطوم التخيين اللى جنب فلتر الهواء و تدوس بية على الخرطوم - لو لقيت الخرطوم منفوخ اوى و ناشف يبقى الدورة مكبوسة و لو لقيت الخرطوم طرى يبقى فى تسريب ضغط فى الدورة و الكلام دة هيبان اكتر و العربية مطفية و هى سخنه اكتر بكتير من ان العربية تكون دايرة و هى سخنة ( الخلاصة العربية سخنه و مطفية )
3- لو عاوز حد يكشفلي على دوره الميه بالكامل ويشوف لو فيها تسريب ولا لأ ويصلحه ان وجد وينضفلي الدوره بالكامل من الصدأ ويغير الميه بميه خضرا اروح لمين يكون محترم وفاهم شغله من غير ما اقعد اقول له اعمل ايه ومتعملش ايه (يفضل في نطاق مصر مدينه نصر ومصر الجديده والقاهرة الجديده)
بتوع القاهرة هيفدوك
4- هل نقص الميه او عدم نضافه دوره المياه له اي تاثر على ارتفاع درجه حراره العربيه في حاله تشغيل التكيف فقط
اكيد طبعا
5- مجموعه السيور بتتغير كل كام الف
الدينامو كل 50 الف و الكتينه زييه بس الاحسن الاتنين على 40 الف لان السيور بقيت خامتها زبالة
6- ايه نوعيه السيور النضيفه اللي ممكن الواحد يجيبها وهو مطمن
جيتس للاتنين او حاجة اسمها جراب و دة فى علبة حمرا
7- اجيب منين قطع غيار اوبل من مكان موثوق فيه عشان مشتريش حاجه مضروبه
بتوع القاهرة هيفدوك
8- لما الفرامل فجأه وبدون اي مقدمات تحس انها ضعيفه جدا تكاد تكون مش موجوده ده له اي اسباب تانيه غير انه يكون ماستر الفرامل
دخل العربية توكيل و افحصها علشان مش طالبه اشتغالات

معلش بقى طولت عليكم بس محتاج ارائكم بقى عشان الواحد يعرف يعمل ايه

بالنسبة لقطع الغيار ممكن في شارع شمبليون
1- شركة سرور ت 25758011
2- شركة امريكان ستار (39 و 46 شارع شمبليون ت: 25791402 - 25791403 - 25777408)
3- محل في التوفيقية اسمه عواد (46 ش سليمان الحلبي ت : 25754924)
4- الشيماء في التوفيقية (12 شارع سيد درويش (ذكي سابقا) - التوفيقية) تيليفون 25752001

المشاركة الأصلية كتبت بواسطة khaabas

هاااااااااااااااا متريح دماغك وتبيعها يا برنس ههههع

حاولت كتير في الموضوع ده
بس والدي مصمم ميفرطش فيها ابداً
واضح ان الخطه الاخيره اني البسهاله في شجره واخليها متنفعش ببصله
بهرج طبعاً ربنا يخلهاله ويخاويها هههههههههههه

المشاركة الأصلية كتبت بواسطة tananybasha

معلشى
بكرة ارد عليك
احسن انا فاصل النهارده خالص

منتظر ردك يا باشا

1000 شكر لـ cayman69300 ومعلش تعبتك معايا
بخصوص الفرامل الحمد لله اتحلت وكانت ماستر فرامل عمومي وغيرتوا خلاص
درجه حراره العربيه كده تمام جداً من غير التكيف المشكله بقى عندي لما بشغل التكيف بتعدي الـ 100 فبقفل التكيف على طول مش عارف المشكله في ايه
هحاول اشوف دوره الميه وربنا يعمل اللي فيه الخير