عندنا شبه الموضوع ده
ربنا يصلح الحال
عرض للطباعة
عندنا شبه الموضوع ده
ربنا يصلح الحال
ازمات البنزين والكهرباء عشناها من اخر سنتين فى حكم مبارك مرورا بالمجلس العسكرى والان مع مرسى
البلد ف اخر 3 سنين مر عليها 3 حكام
و 5 رؤساء وزرا
وكل وزاره اتغيرت مش اقل من 4-5 مرات
والمشاكل هى هى..
الثوار فاهمين ان مصر مليانه فلوس وخير والمسئولين مخبينها تحت البلاطه تقريبا
والحقيقه اللى محدش راضى يعترف بيها ان مصر دولة فقيره الموارد ..كثيفه السكان
بالنسبه للكهرباء ف كل سنه فى زياده استهلاك 15% والمحطات بتتقادم وتتهالك اكتر يعنى زى اللى بيحرق شمعه من طرفين
غيروا فى المسئولين براحتكم وبرضه المشاكل هتفضل زى ماهى كام سنه
الهند وماليزيا ؟!
ومصر فقيرة الموارد ازاى يعني
عندك نهر النيل وده يخليك دولة زراعيه وانت اللى مش مهتم
25 مليار دولا حجم صادرات البتروليه فى عام 2009 وتراجع كمان
http://digital.ahram.org.eg/articles...180503&eid=175
وللعلم اسرائيل والاردن كانوا يسترودون فقط 4 % من حجم انتاج الغاز المصري
مصر تملك مناجم ذهب تضعها بين كبار مصدري الذهب
سامح فهمي: قريبا مصر ضمن العشرة الكبار لمنتجي الذهــــــــــب في العالم
بالنسبة لكونك دولة صناعيه لديك اقوى شىء تبحث عنه كل الدول الاخري القوة البشرية
فى حين ان دولة زي السعوديه او الامارات معندهمش قوى بشريه وبيسترودها
ده تكييف LG حسب بتاع التكييفات افضل الموجود فى السوق
شايف صنع فين ؟
http://nileup.com/up/uploads/nilemotors_13707767211.jpg
فبالله بطلوا الاسطوانه المشروخة بتاعت احنا بلد فقيرة دي اللى كان بيحفظهالنا الحزب الوطني ومن بعده الاخوان
انا برضه حاسس ان كل اللي بيحصل ده مفتعل بس برضه كنا مستنين رئيس علشان يوقف الكلام ده لومش عارف يوقفه يبقي يسبها
يارجالة انا مش اخوان علي فكرة لكن البلد دي واخدها ميراث 30 سنة فساد وفعلا في قيادات وناس كبيرة فالبلد مش متعاونة معاه وبتحاربه...مش قدها يسيبها طيب وليه منصبرش هو اي مشكلة نشيل الرئيس! يقضي ال4 سنين بتوعه ونجيب غيره لكن تمرد وغيره وسلاح مع الشباب الكلام ده بيؤدي لفتنة اكبر احنا في غني عنها
إحنا فى وقت مفيش حد عارف فيه مين الصح ومين الغلط وربنا يعدى الأيام دى على خير
لكن أفضل رد عجبنى ومقتنع به تماما هو اللى مش أد المسئوليه يسيبها للى يقدر عليها
مش انا بتاع الاسطونات المشروخه ..افككوا انتو من كلام ابراهيم عيسى والمسلمانى اللى شايفين ان الفلوس عندنا بالكوم واحنا اللى مكسلين نوطى ناخدها
انا عاوز افهم انت على اى اساس شايف ان صادرات مصر من المنتجات البترولية تخلينا دولة غنيه واحنا مش من دول الاوبك اصلا ورقم 19 على العالم فى انتاج البترول والغاز وهو رقم ضعيف جدا..
لدرجه ان دوله زى قطر متجيش 1\50 من مساحه مصر بتنتج ضعف كميه مصر من الغاز 100 مره.
نقبت فى الانترنت على اى حاجه تؤكدلى كلام او كلام الكذاب سامح فهمى وملقتش مصر موجوده فى اى لسته عن انتاج الدهب فى سنه خلقها ربنا
List of countries by gold production - Wikipedia, the free encyclopedia
عاوز افهم بلد زى السودان او اثيوبيا فيها الف مليار متر مكعب مياه غير مياه الامطار وانت معندكش مطر ومحيتلكس غير 55 مليار متر كعب من النيل وشايف اننا مش مستغلينه بقالنا 7 الاف سنه!
عاوز افهم فين الثروة فى شويه شعب صيع نصه مبيعرفش يقرا ويكتب ومعظمه فهلويه وحراميه
؟عندك بلد زى الصين شعبها بيشتغل شغل الجمال ومع ذلك حتى هذه اللحظه معدل دخل الفرد اقل من مصر رغم نموهم السريع جدا فى الفتره الاخيره لدرجه انهم سنوا قوانين من 15 سنه تقريبا بمنع الانجاب لاكثر من طفل واحد للاسره الواحده...لو كان كتر البشر ثروه مكانوش عملوا كده اكيد!
وبعد كده اللى عاوز يرد على بثروات مصر يجيبلى لينكات من ويكيبيديا لينا فيه ترتيب فى انتاج سلعه تجيب فلوس مش كلام مرسل
شوف المياه ,الزراعه, الثروه الحيوانيه ,التصنيع,الدهب ,البترول,السمك..اللى تحبه هاتلى ارقام اننا بنصدر منه ما يفيض عن حاجتنا وبيجبلنا فلوس وانا ارفعلك القبعه
سلام
بمناسبه ان اللى مش قدها يسيبها للى قدها...
فكرتونى بالزمالك لما كان بيشيل كل مدرب عشان خسر من الاهلى او خسر الدورى :d
خلى طموحك متناسب مع امكانياتك الاول..وبلاش نشطح باحلامنا ونفتكر اننا هنبقه البرازيل او ماليزيا فى سنتين تلاته
اية الاستهبال ده يعني ! طبعا اللى مش قادر يحكمها يسبها للي يعرف واحد جايلنا من السجن ! واحد مبيستعملش
عقله هو وجماعته لا فيهم واحد مبدع ولا كاتب ولا اديب ولا حد فيهم خد جايزة في اي حاجة !! شوية اغبية ولا بيفهموا ولا
بيعرفوا يديروا ودلوقتي ماسكين كل حاجة ! وياريتهم بيفهموا ..حتي الدستور اللى سلقوه في ليلة عملوه غلط ! وبدل
ما يخدم مصالحهم اتقلب فوق دماغهم بسبب الغباء .. وكل مصيبة تحصل يقولك هو مرسي ماله ! امال هو قاعد بيعمل
اية ! ما يحل المشاكل دى امال انا روحت انتخبته ليه ! عشان يجيبلى اخواته وقرايبه ويكوشوا على كل حاجة والدنيا ولما
يحصل حاجة يقولي ده نظام سابق !!
فضلتوا توعدوا وتفهمونا ان الحياه في عهدكوا هتبقي جنة ! وبقت نار .. الناس قتلت بعض عند الاتحادية ومرسي سايبهم
يموتوا ولسه في ناس بتطبل لواحد ساب عيالك يموتوا وعايز تحاكم مبارك عشان نفس التهمة