حجم صادرات البترول من جريدة اقتصادية الاهرام الاقتصادي وده كان فى عصر النهب عصر مبارك
الذهب برده جريدة الاهرام الاقتصادية وبرده عصر النهب مبارك
جريده الاهرام الاقتصادى بالنسبه لى مش مرجع موثوق منه للمعلومات..زى ما قلتلك مصر كانت ف المركز ال 19 ودلوقت بقت ال 28 كمان يعنى تقريبا دولة لا تنتج البترول وبنحتاج نستورده
النيل اعتقد مش محتاج رابط لمصدر اننا عندنا النيل !
اه بس محتاج رابط اننا من الدول اللى عندها وفرة فى المياه ..من اغنى دول العالم فى المياه او فى القائمه يعنى
امريكا معندهاش بترول بناءا على تقييمك اننا مش اعضاء فى الاوبك :)
امريكا من يوم ما بدعوا البترول وهى بتتبادل المركز الاول فى انتاج البترول مع السعوديه
https://en.wikipedia.org/wiki/List_o...oil_production
الصورة لتكييف LG ومكتوب عليها MADE IN SAUDI ARABIA
ده معناه ان الناس بدئت تنوع مش بس معتمدين على البترول
واحنا فى مصر بنجمع عربيات بملايين زى الفئه السابعه من البى ام
دبي امارة تجاريه صح بس بقت تجاريه كدا من الباب للطاق ولا فى ادارة ذكية بتدير الاماراة وتانى مرة الامارة مفيهاش بترول
اماره مفيهاش بترول بس فى دوله وحكومه غنيه بغباااء..ياريت تجيبلى امثله ناجحه بموارد محدوده فى بلاد فقيره..دبى فى الامارات مهما كان يعنى مش فى زيمبابوى
عندك السويس وبورسعيد معملتهش زي دبي ليه وانت مكانك افضل تربط العالم ببعضه بين الشرق والغرب !
السؤال ده تسأله لمبارك لكن على اى حال انت بتتكلم اننا ممكن نبقه دوله غنيه..اشطه ..موافق..لكن انا بتكلم اننا حاليا معندناش مصادر دخل عشان كده مش مهتم اووى بالنقط بتاعه الامارات واليابان والقوه البشريه دى
وتيجي بعد كل ده تقولى اصلا دولة فقيرة الموارد !!!!
عندك موارد طبيعيه فى سيناء من منظار خلابة تستخدم فى الجذب السياحي
عندك بترول وترتيبك 19 زي ما انت قلت
عندك مناجم السكري للذهب
عندك نهر النيل وهبه ربنا سبحانه وتعالى لينا
عندك قوة بشريه مهوله تستخدم فى الصناعه
عندك قناة تربط بين المحيطات
نحمد ربنا على فضله لولا الثروات دى مكنش باه فى مصر اصلا ..لكن رايى انها متكفيش تخلى دولة من 90 مليون اغلبهم جهلاء وهمج يبقوا دوله مرتاحه
كل ده نلاقى عندنا ايه بقى
بطاله بطاله بطاله فقر جوع
عايشين على مصانع عبدلناصر يعني من اكتر من 60 سنه
ومحدش بعده حاول يطور غير السادات وملحقش
رئيسنا ملتحي الا تكبرون :aloha::bump1:
مقدرش اقارن رئيس بسلطات غير محدوده حكم 18 سنه بحاكم بقاله سنه فى ظروف مختلفه تماما وعلى كل حال مصر فى عهد جمال عبد الناصر ده كان ضاربها السلك والموظفين كانوا بياخدوا اجازه عشان يطولوا جناح فرخه يتغدوا بيه