الموضوع: صيانه سزوكي التو

طيب العربية عاملة كام الف ؟؟ و ايه نوع الزيت اللي محطوط و اسمه عشان اقدر اقولك امتي الزيت الجاي و ايه الانواع اللي يفضل استتخدامها

و عامة العربية مش محتاجة حاجة دلوقتي غير ظبط زوايا لو بتحدف منك و ترصيص لو فيه رجة خفيفة في الدريكسيون من سرعة 80 او 90

و ميفضلش تغسلي الموتور كتيير و يفضل ميتغسلش اساسا الا كل فترة كبييرة عشان الحساسات و الكهربا لكن باقي العربية عادي

بخصوص البطارية معرفش لسه بتنزل جافة و لا لأ لكن لو جافة مش محتاجة صيانة لو سايلة هتلاقيها فيها زي 6 مسامير و ديه تبقي محتاجة صيانة كل شهر او شهر و نص بمعني

و تتابعي مستوي المية في القربة كل فترة خاصة في الحر ده و يكون مستوي المية علي علامة Full و لو نقصت زوديها بمية مقطرة مش مية من الحنفية عشان الصدأ و الاملاح و المية المقطرة يمكن شرائها من محطات البنزينات او محلات البطاريات و اليوت و تخلي بالك العبوة مكتوب عليها مية مقطرة لأن فيه عبوة شبهها لكن فيها مية نار و ديه خطر طبعا

و فلتر الهوا يتنفخ بالهوا المضغوط كل 2000-3000 ك

ولما تقوللنا العربية عاملة كام الف ك احتمال نضيف صيانات تانية