مشكله فى النور ابيزا 94

**matrix012** · 09-06-2013 12:13 PM

السلام عليكم ورحمة الله وبركاته
انا طبعا متأسف عن الفتره الى فاتت لظروف صحيه
وطبعا ندمان علشان مروحتش المقابله بس فعلا انا بنزل الشغل بالعافيه ومش بقدر اشتغل قوى كمان
معلش انا عندى مشكله غريبه شويه وهيا
لما بدوس فرامل النور الشمال بينور هوا والاشاره الشمال كمان الامايه والخلفيه واكيد الى فى الجمب
ولما بدى اشاره شمار بتشتغل عادى لحد ما بدوس فرامل النور مش بيلد ده بيفضل منور
وانا معملتش اى حاجه فى الكهربا من قريب ولا من بعيد ومش عارف الحل ايه اكيد فى حاجه ملمسه فى حاجه تانيه ومش عارف اجيبها منين ؟؟
وحاجه تانيه احتمال يكون ليها يد فى الموضوع ده
انا اوقات كتير لما بخرج من العربيه وباجى اقفل الباب بتكهرب ( استاتيك ) احنا فى الصيف يعنى مش لابس صوف ولا حاجه مش عارف اعمل ايه والانيل انى معرفش كهربائى كويس علشان اروحله هيا مره واحده بس روحت ايام زمان علشان اركب الكلاكس والراجل قعد يدور ويدور ويدور على المكان رغم انه لو مشى على الصوت كان وصل المهم انه كان مدهول ومش كويس ياله ما علينا لو حد يعرف كهربائى كويس ( غير رشاد الى فى الحرافيين علشان بييجى متأخر قوى ) يقولى
وشكرا

**nesr6060** · 09-06-2013 12:35 PM

بص يا باشا انا اتقرصت كتير من حوار الكهربا ده وكل مشاكلى فى الكهربا على طول بتكون بسبب الفيوزات وبتضرب عندى كتير اوى فدور وشوف يمكن تلاقى عندك فيوز ضارب ولا حاجه وظبطه

**mahmoud ghanem** · 09-06-2013 12:54 PM

الف سلامة وربنا يطمنا عليك دائماً وان شاء الله تتعوض ونشوفك المقابلة القادمة

تحياتى

**hossamalsadik** · 09-06-2013 09:49 PM

نتمنى لك الشفاء العاجل ودوام نعمة الصحة
المشكله عندك تلامس أسلك
أول حاجه دور وعمل تست على الفيش الخاصة بالفوانيس الخلفيه
ظبط سولكها وتأكد من أنها غير متلمسا واكشف على اللمض كويس ممكن تكون وحده محروقه وملمسه وحصلت عندى واكتشفتها وغيرتها 3ج بس

وطبعا لو الكهربائى هيكتشف ده بسهوله

**Karim Ibiza** · 09-06-2013 10:20 PM

1000 سلامة عليك يا درش

من الواضح أن النور عندك بيسّري
هتلاقي سلك ارضي من سلوك الفوانيس مش مربوط كويس
راجع علي كابلات الفوانيس زي ما حسام قال
وان شاء الله بسيطة