استفتسارات عن نيو واجا و ارجو المساعده و الأيضاح

يا أستاذ هشام هيه بص عشان متتعقدش من العربية العربية ديه الحاجات الأساسية فيها ممتازة يعني أقصد موتور عفشة صاج وسائل أمان الشكل الخارجي يعني ديه الحجات الي مينفعش تغير فيها لكن لو جت على التقفيل والحجات البسيطة دية هتتكلف كام لو عدلته بلاش يبقى الحاجة اللي تجذبك الحاجة الفرعية

الصينين وعوا للمواضيع ديه وأبتدو يخلو الحاجات الفرعية تفنشها حلو وتجذب الناس بس الأساسيات أجارك الله .

وكفاية أنها أول عربية إسلامية محترمة نفخر بها ذي مقال أستاذ ماجد وده أحد الأسباب الرئيسية اللي هيخليني أشتري عربية بروتون إن شاء الله، طبعا لأني أهم حاجة النية ديه لو أحنا مشجعناش هذه الصناعة مين اللي هيشجعهم .

احب اولااقولكم كل سنه وانتم طيبين و رمضان كريم و اشكر كل الأخوان بسبب ردودهم جميله و مساعدتهم لى و لما قرأت تعليقاتكم استفدت و انا انا بقالى فوق 8 شهور بابحث عن سيارة فى اقصى حد 90000 و دى الميزانيه اللى وضعتها المهم اول حاجه قررت اجيب ماتريكس و بعدين ابتدت اقارنها بالياريس و هوندا سيتى و بعديها لما قرأت فى المنتدى المقارنات و تقييمات و البحث فيه اكتشقت جين2 و اعجبت و قولت احسن اختيار لكن لما شوفتها فى المعرض قولا لأ انا محتاج صالون اكبر مش يناسبنى و لما شوفت فى شارع عربيتين فى مدينه نصر الفتيس المانيوال مقشر افتكرت كلامكم عن الخامات و جودة تقفيل فاتجهت ادور على بديل فلأقت اوبترا وسيراتو و صنى و فضلت سيراتو و مقتنع بها لكن عيبها بنسبالى ان كمالياتها فى المانيوال قليله و تبلوة بسيط المهم لما لأقت فى جرايد بروتون واجا من انا خامات و جودة تقفيل جيدة و فاخرة و كماليات وسعر قولت الحمد لله اخيرا بعد ما صبرت يا باسم نولت المم نزلت اتفرج عليها لأقت شكلها كلاسيك لكنه حلو وباين على جسم سيارة المتانه و بعدين جنوط 16 تحفه و لا فتت انتباهى لما ركبتها لأقت صالونها حلو وواسع لكن مش واسع زى سيراتو بس حلو و فضلت اشوف خامات و تقفيل لأتوا مقارب لسيراتو حتى ان حسيت براحه فيها عن سيراتو و ناس اللى معايا اتفقوا على كده علشان قبلها كناروحنا معرض ناشيونال موتورز و شوفنا سيراتو و كمالياتها بنسبالى حلوة اوى فقولت مش فاضل غير اعرف نوع بنزين وموتور صوت مزعج و عالى و اخبار العزل ايه و خايف اوى من موضوع ان العربيه يكون فيها حذف او بوش فى دركسيون و صوت خيط او فرامل مش قويه لأن دى تعتبر بنسبالى عيوب انما تقفيل و الخامات بعد ما شفتوها مش قلقان و يارب اكون وصلتكم صورة اللى فى ذهنى و تجربتى فى اختيار سيارة وانا منتظر ان فى اخ فى المنتدى اشترى سيارة انه يقولى على تقييمه و تجربته لكن للاسف لحد الأن لسه و بردوا بدور على عربيات تانيه زى الوبترا لكن لسه مش عارف و لا اجيب سيراتو و خلاص على العموم خير ان شاء الله و يمكن تاخير دة يفيدنى

واضح ان حضرتك متردد جداً و متهيألي ان حضرتك لسه برده مش عارف تقرر

و الله يا استاذ محمد انا فعلا متردد لكن مش جدا انا محتار لأنى الواجا حلوة لكن لسه جديده فمش عارف اداؤها اخبارة ايه و الوحيد اللى ممكن يفيدنى اللى شتراها لما اعرف يبقى اقدر احدد هاجيبها ام لا لكن انا مش عارف اخبارها ايه لأن لسه مفيش حد جربها زى جين 2 و قال رأيه فيها و دة اللى مخلينى منتظر و زى ما قالت انا منتظر الأخ hass_fin اللى عمل موضوع كل مايهمك عن الواجا الجديدة لسة مستلمها امبارح منتظر تقييمه عليها ودة اللى هيخلينى اقدر اقرر
و شكرا على اهتمامك وردك
و بردوا انا قرأت تقييم عنها تحفه لكنه مواصفات فقط و موجود هنا للى يحب يقرأه لكن مكتبش عن تجربه اداء سيارة
http://www.cars-club.com/vb/t28546.html

اقتباس:

---

المشاركة الأصلية كتبت بواسطة bassem_sams

و الله يا استاذ محمد انا فعلا متردد لكن مش جدا انا محتار لأنى الواجا حلوة لكن لسه جديده فمش عارف اداؤها اخبارة ايه و الوحيد اللى ممكن يفيدنى اللى شتراها لما اعرف يبقى اقدر احدد هاجيبها ام لا لكن انا مش عارف اخبارها ايه لأن لسه مفيش حد جربها زى جين 2 و قال رأيه فيها و دة اللى مخلينى منتظر و زى ما قالت انا منتظر الأخ hass_fin اللى عمل موضوع كل مايهمك عن الواجا الجديدة لسة مستلمها امبارح منتظر تقييمه عليها ودة اللى هيخلينى اقدر اقرر
و شكرا على اهتمامك وردك

---

الواجا من زمان موجودة في مصر وال جديدة مافرقتش حاجة عن القديمة غير شوية تغيرات

استاذ باسم ههههههههه اولاً انا اسمي مؤمن مش محمد

بس انا عايز اقولك علي حاجة اداء العربية الواجا انا اعتقد انه حيكون زي الجين 2 ليه علي اساس انا الموتور و احد و العفشة واحده و الجير واحد فا مفتكرش حيكون في اختلاف خالص في الاداء و حتي في قطع الغيار بتاع الموتور هي هي و دا عن سؤالي في التوكيل علي موضوع فرق قطع الغيار فقط في الشكل بس يعني الفوانيس او الاكصدام بس و الحاجات دي هو دا الفرق بين العربيتين

اسف جدا يا استاذ مؤمن و تاكد انى غلطت فى قرأة الأسم و يشرفنى اهتمامك وردودك عليا و شكلى لسه ما افطرتش فأعذرنى:chef:

اقتباس:

---

المشاركة الأصلية كتبت بواسطة bassem_sams

اسف جدا يا استاذ مؤمن و تاكد انى غلطت فى قرأة الأسم و يشرفنى اهتمامك وردودك عليا و شكلى لسه ما افطرتش فأعذرنى:chef:

---

ياراجل انت بتقول ايه دا انا بهزر معاك اوعي تكون زعلت مني و الله انا بهزر ..... بس انا عايزك تشوف كدا الي انا كتبتهولك في المشاركة الي فاتت و ان شاء الله تقدر تقرر و انا طمنطك من موضوع قطع الغيار

اقتباس:

---

المشاركة الأصلية كتبت بواسطة Powert

الواجا من زمان موجودة في مصر وال جديدة مافرقتش حاجة عن القديمة غير شوية تغيرات

---

شوية التغييرات دي هي الآتي
موتور مختلف
شكل مختلف
صالون مختلف

بس .......... هما شوية تغييرات بسيطة على الماشي


و الله العظيم أنت عسل يا باورت ......... و بحبك و بحب مشاركاتك

انا بس فى حاجه مش فاهمها .... ازاى العفشه فى الواجا 2 زي الى فى الجين 2 ؟؟؟.... اذا كانت المساعدين عندى مختلفه عن الى فى الجين 2 ؟؟؟ و الواجا 2 ..... هى هى زى الواجا القديمه مع اختلاف الموتور !!