استفتسارات عن نيو واجا و ارجو المساعده و الأيضاح

استفسارات بخصوص نيو واجا جديده اللى نزلت عند عز العرب بموتور كامبرو
ارجو المساعده:
1- بالنسبه لعزل صوت اخبارة ايه
2- نوع البنزين المستخدم
3-ضمان عليها خمس سنين
4-نوع الباور
5-العربيه شوفتها عاليه لكن العفشه ناعمه ام خشنه
6-هل المصابيح فيها اضاءة زينون
7-هل صوت النذار يمل يعد تعدى سرعه ال 120 اما مجرد تنبيه
8- هل كاوتشات من نوع جيد و لا تعمل ازعاج
9-هل توجد مشاكل فى زوايا تحتاج لضبط او مشاكل فى المساعدين تكون خليجى و محتاجه تتغير بمساعدين للخدمات الشاقه
10-اعتقد انها مصنوعه من خامات فاخرة و تقفيل ممتاز هل هذا صحيح
11-الفتيس المانيوال ام الأتوماتيك افضل فيها
12-الماتور كامبرو هل مناسب للواجا و هل توجد فيه مشاكل
13-ما فائده شداد
14-عيوب الواجا ما هى اذا وجدت
اتمنى من الأخوة و مساعدتى على الأجابه على هذه الأستفسارات
و جزاكم الله كل خير

انت باستفساراتك دى لاتقبل الرد الا من اللى راكبها فقط لان استفساراتك دقيقة جدا

بس انا ممكن ارد عليك فى حاجة واحدة

بالنسبة لخامات الصالون هى لا فاخرة و لا سيئة دى عادية جدا
بالنسبة للتقفيل انا شايفه سيئ للغاية و لا يليق باسم بروتون نهائيا
الموديل القديم افخم و احلى من الجديد بمراحل

شكرا يا استاذ احمد على ردك و اهتمامك و احب اقولك انا بأسأل الأسئله دى لأنى بقالى فترة كنت محتار فى عربيات لحد ما استقريت على سيراتو المانيوال لكن حاسس انهم منفضنها فى كماليات و لما لأقيت الواجا جديده بسعر ارخص و كماليات حلوة روحت شوفتها عجبتنى لكن مش كنت عارف عنها حاجه فلما دورت فى المنتدى لأقيت ناس اشتكت منها فى انها بتحدف يمين مش عارف دى حاله استثنائيه على اساس انها كانت مستعمله و لا ده عيب فى العربيه و ماتور جديد اللى ركب فيها هو نفسه بتاع جين و دى حاجه جميله لكن قرات ان ناس بتقول صوته عالى و كمان لما جيب ال 130 بيأخذ وقت عقبال مايجيب سرعه اعلى فكنت عايز اطمن عليها فى موضوع الحدفه و مساعدين و فرامل و موتور و دركسيون مع الوقت ممكن يعمل بوش
و ارجو انى اكون وضحت الفكرة

انا شايف ان السيراتو الاوتو الكاملة اغلى بحوالى 13000 بس تقفيل احلى من الواجا بكتير
بس المبلغ موش قليل برضه

انا حاسس ان الوجا الجديدة متأفلة فى الصين الشكل القديم احلى و افخم وتقفيلة انظف
وكمان الامكانيات اللى بيقلوها 140 حصان و الحجم و الجنوط و الصالون المجهز بوسائئ الرفاهية دى و ب 85000 الف للمنوال و 89000 للاوتوماتيك حاجة تقلق
لو شليف ان السيراتو قليلة فى الكامليات ممكن تشوف الاوبترا
عن تجربة للاتنين زى بعض بس الاوبترا كامليتها اكتر
و لو مقلق من اى عيوب سمعت عنها فى الاوبترا كلها اتحلت فى 2007/ 2008 وانا مشترتهاش غير بعد متأكدت ان 2008 مفيهاش عيوب

أنت ليه مبتفكرش في الجين 2 يا باسم؟ مش في إختيارتك أنا قبلتك على منتدي الكيا وكنت في نفس الحيرة بتعتك بس أنا شبه إستقرات عل لجين 2 إن شاء الله

اولاً يا سيدي الفاضل خامات التابلوه عادية .....
ثانياً التقفيل معقول و مش وحش اوي يعني ( التقفيل الداخلي ) لكن انا معجبنيش لون الفرش الي في الابواب
ثالثاً العربية موتورها زي موتور الجين 2 110 حصان 1600
رابعاً العربية البور بتاعها هيدروليك
خامساً العفشة هي هي بتاعت الجين 2 ( و لا يوجد بها فردين ماسكين الشاسيه زي الجين 2 )
سادساً العربية فوانيس عادية و ليست زيننون
سابعاً الكاوتش المستخدم في النيو واجا Silver Stone نفس اللي مستخدم في الجين 2 ( 195\65\ٌ15 )
ثامناً العربية بها فوجات ورا و قدام
تاسعاً لايوجد مثبت سرعة ( اتوماتيك او مانيوال )
عاشراً الفرامل ABS+EBD
مميزات النيو واجا عن الجين تو

اولاً يوجد دورج في التابلوه ( وده راجع انها عربية سيدان و ليست اسبور زي الجين 2 )
ثانياً الانطباع كلاسيكي في التابلوه
ثالثاً الكاسيت يوجد به MP3 و Audio

ملحوظة : التقفيل بتاع العربية كويس جداً بالنسبة لسعر العربية في حاجات في نفس الفئه و مفيهاش كل الاماكانيات دي و التقفيل مش اد كدا و بنقول عليها حلوة و خطيرة

حاجة كمان اخيرة طبعاًً كل الكلام دا منقول عن طريق ذهابي الي Showroom بتاعت عز العرب و مشاهدي الشخصية للسيارة و من هنا احب افول ان دا تقيمي الشخصي للسيارة و لايعبر الا عن رأي الشخصي لها .....

اقتباس:

---

المشاركة الأصلية كتبت بواسطة hisham132

انا حاسس ان الوجا الجديدة متأفلة فى الصين الشكل القديم احلى و افخم وتقفيلة انظف
وكمان الامكانيات اللى بيقلوها 140 حصان و الحجم و الجنوط و الصالون المجهز بوسائئ الرفاهية دى و ب 85000 الف للمنوال و 89000 للاوتوماتيك حاجة تقلق
لو شليف ان السيراتو قليلة فى الكامليات ممكن تشوف الاوبترا
عن تجربة للاتنين زى بعض بس الاوبترا كامليتها اكتر
و لو مقلق من اى عيوب سمعت عنها فى الاوبترا كلها اتحلت فى 2007/ 2008 وانا مشترتهاش غير بعد متأكدت ان 2008 مفيهاش عيوب

---

الزملاء الاعزاء،

أولا أسف على التدخل فى الموضوع- فأنا لا أملك بروتون- و لكن لفت نظرى التعليق بعاليه حول القدرة الحصانيه للسيارة. أعتقد أن 140 حصان رقم كبير جدااااا لسيارة 1.6 ليتر. للتأكد من القدرة الحصانيه الحقيقية- بعيدا عن الاعيب الوكلاء- يرجى التحقق من قدرة الموتور بالكيلو وات (KW) ثم ضربها فى معامل التحويل (و توجد موضوعات كثيرة عن هذا الموضوع فى الموقع) للحصول على القدرة الحصانيه الصحيحه.

اقتباس:

---

المشاركة الأصلية كتبت بواسطة OldVic

الزملاء الاعزاء،

أولا أسف على التدخل فى الموضوع- فأنا لا أملك بروتون- و لكن لفت نظرى التعليق بعاليه حول القدرة الحصانيه للسيارة. أعتقد أن 140 حصان رقم كبير جدااااا لسيارة 1.6 ليتر. للتأكد من القدرة الحصانيه الحقيقية- بعيدا عن الاعيب الوكلاء- يرجى التحقق من قدرة الموتور بالكيلو وات (KW) ثم ضربها فى معامل التحويل (و توجد موضوعات كثيرة عن هذا الموضوع فى الموقع) للحصول على القدرة الحصانيه الصحيحه.

---

يا سيدي الفاضل العربية 1600 سي سي و 110 حصان \ 6000 RPM و عزم الدوران 148 نيوتن \ متر عند 4000 RPM

اقتباس:

---

المشاركة الأصلية كتبت بواسطة momenhamdy

يا سيدي الفاضل العربية 1600 سي سي و 110 حصان \ 6000 RPM و عزم الدوران 148 نيوتن \ متر عند 4000 RPM

---

ردى كان على البوست الموجود فى الاقتباس.