الموضوع: نفسى اعرف مين حط امتحان العربى للثانويه

من كل المتحان لو دول اللى محدش عرف يحلهم ايه المشكله؟
يا ساده امتحان الثانويه العامه بتاعنا ضايع و يتجاما شفنا ناس جايبين فوق ال ١٠٠٪ و بيشيلو مواد او بيسقطو فى اعدادى هندسه

الصح مش كل الناس تجيب ٩٠-١٠٠٪ طيب هنفرقهم ازاى و هتلاقو مجاميع القبول للكليات بتزيد بغبا .... دا اللى بيجيب ٩٠ مبيلحقش تجاره يا عالم!
الصح ان الامتحان ييجى مثلا ٥٠ اى حد ذاكر يحله و ٣٠٪ اصعب سنه بس يتحل و ١٠٪ اصعب سنه و يتحل و اخر ١٠٪ ميحلوش الا العباقره و محدش يطلع يعيط و الوزير يطبطب و يقولهم هنعيد توزيع الدرجات ... ماهو كده بيظلم اللى حل السؤال

انا متعاطف مع الاخوه اللى ولادهم فى ثانويه عامه لانهم داخلين على نفس نظام اللى شايفينه من كزا سنه بس فى رايي النظام ده فاشل و لازم يتصلح .... فاكرين ايام اواخر التمانينات لما الاول على الجمهوريه بيجيب ٨٨٪ و طب بتاخد من ٨٤٪ و هندسه من ٨٠٪ ؟

الامتحان الصح كش المفروض ان كل الناس تقفله و تحله صح كله

الصراحة يعني لو الأمتحان كان صعب فعلاً المفروض يكون هو ده الطبيعي بعد كده في أمتحانات كل المراحل لكل المواد..
يعني اللي يجيب 70% يكون هو البوب..
لكن يعني أيه يعني الناس اللي بتجيب فوق الـ100% في الثانوية دول...و غالباً معظمهم بيبقى فاشل في حياته العملية بعد كده..
أنا مع أن الأمتحانات تيجي صعبة و نسبة الأسئلة السهلة و المباشرة تكون لا تتعدى الـ20 أو 25 % بالكتير..
و اللي أخد أو حتى جرب أمتحان أي شهادة دولية هيبقى فاهم أنا بقول ايه..

أهو امتحان الانجليزى جه كويس على الاخر
كل اولياء الامور أخدوا نفسهم شويه والامور تمام
يعنى اللى حط امتحان الانجليزى راجل مبيفهمش؟
ده سؤال للى حط امتحان العربى ,الجهبذ , اللى حلف ليعقد الطلبه
ويوريهم يعنى ايه ثانويه عامه ويعنى ايه عربى !!!!!!