مشكلتين فى عربيتى وعاوز رائيكم لو سمحتم

**ah-elgendy** · 09-06-2013 06:05 PM

انا معايا اوبل فيكترا 99
1- مشكله الحراره وانا ماشى بالعربيه بلاقى موشر الحراره تحت ال 90 بشويه وفجاه الاقى الموشر بزيد لحد ما تعدى ال 100 وتتدخل ع الشروط الحمراء بقف بالعربيه بلاقى حراره الموتور عاديه واول ما افصل العربيه واشغل ع طول الاقى الموشر رجع لتحت ال 90 ومش معقول تكون برديت فى ثانيتين انا مغير سوتش اصلى و مغير صباع الحراره هاتجنن
2- انا كنت غيرت نصف موتور اللى تحت والفاتوره ضاعت منى مش لاقيها اعمل ايه علشان اثبت ان الموتور بتاعى لما اجى ارخص
ياريت يا جماعه تساعدونى

**فادى محمد** · 09-06-2013 06:43 PM

1-نظف الرادياتير واتاكد ان ترموستات الكوع بتفتح وتقفل
2-ارجع للتاجر وهات منه صوره من الافراج الجمركي للموتور

**hilal** · 09-06-2013 06:49 PM

المشاركة الأصلية كتبت بواسطة فادى محمد

1-نظف الرادياتير واتاكد ان ترموستات الكوع بتفتح وتقفل
2-ارجع للتاجر وهات منه صوره من الافراج الجمركي للموتور

آسف يا أستاذ فادي
كتبت التعليق قبل ما أشوف تعليقك
طبعا لا يفتى ومالك في المدينة

**ashourashour** · 09-06-2013 06:57 PM

شوف الاراضي

ادام المكنه مبتسخنش

انا فهمت من كلامك ان المؤشر اللي بيخرف

لو ترموستات الكوعه في مشكله المكنه هتسخن ! و بالمثل الريدياتير لو مسدود المكنه هتسخن برضو

ولا اه ؟

**medo111** · 09-06-2013 07:14 PM

وممكن تكون واخده هوا عندي لما كانت بتبقي واخده هوا كانت الحراره بتخرف لان سعات الهوا بيبقي عند الساعه فالحراره بتقل وسعات يتحرك الهوا ويبقي مكانو مايه فا الساعه تقرا مظبوط

**ashourashour** · 09-06-2013 07:22 PM

المشاركة الأصلية كتبت بواسطة medo111

وممكن تكون واخده هوا عندي لما كانت بتبقي واخده هوا كانت الحراره بتخرف لان سعات الهوا بيبقي عند الساعه فالحراره بتقل وسعات يتحرك الهوا ويبقي مكانو مايه فا الساعه تقرا مظبوط

لو في هوا المكنه تسخن لكن العداد يقرا اكتر من المكنه !! ???

**ah-elgendy** · 09-06-2013 10:44 PM

انا بشكركم ع ردكم بس انا مليش اوى فى الميكانيكا بس الرديادير ده جديد اروح لكهربائى يبص ع الارضى وانا كنت عرفت من الميكانيكى ان عربيتى متشال منها الترموستات وكوعه الميه مفتوحه ع طول ده غلط ع العربيه ولو حد يعرف ميكانيكى كويس يقولى انا ساكن فى شبرا

**romiobasha** · 09-06-2013 11:43 PM

مش عارف ليه عندى احساس الطلمبة بتاعت الميه محتاجه تتغير لو مغيرتهاش من زمان
حاول تكشف على التقليب بتاعها

**micky2010** · 10-06-2013 12:06 AM

بص يا باشا على دوره المياه كويس كوتش مقطوع خرطوم مقطوع غطاء القربه غيره بواحد تانى تجربه بس انا كان عندى الحوار ده كان الكوعه بتاعت الرداتير منفسه الوصله من الرداتير للماتور غيرتها الحراره اتظبطتت انا من شبرا كده كده انا بكره عند الميكانيكى لو حابب تيجى تشرفنى

-

الموضوع: مشكلتين فى عربيتى وعاوز رائيكم لو سمحتم

LinkBack

أدوات الموضوع

عرض

-

-

-

-

-

المواضيع المتشابهه

قررت أنزل واشترى فلتر سبور لعربيتى الـ 128 وعاوز بقا رائيكم فى شوية نقط

مشكلتين ظهروا فجأة فى عربيتى ام 11

عايز رائيكم لو سمحتم في السيارة دي

مشكلتين وعاوز الحل سيراتو 2010

مشكلتين بخصوص عربيتى النوبيرا

الكلمات الدلالية لهذا الموضوع

المفضلات

المفضلات

ضوابط المشاركة