الموضوع: سكودا فليشيا 97

انا كنت جايب علبة الدركسيون الفيكا التركى ب 300 جنيه يا بلاش و الاصلية كانت ب900 تقريبا و شوف القديمة لو هى الاصلية شوف العفشجى هيقولك عليها ايه

وانا كمان كنت جايب التركي ب 300 جنيه بس العفشجي هوا اللي هيقوللك

المشاركة الأصلية كتبت بواسطة tota_ys

انا بعت عربيتى فبريكه بره وجوه موديل 96 مكيفه وسنتر ومريات كهرباء بالعافيه ب27800
انا عايز اقولك على نصيحه بس بجد خايف حد يقولى انتى بتتجنى على العربيه دى بس هقول بقى
عربيه سحبها وحش جدا
كلها مشاكل انا كنت لما بشغل التكيف كانت الحرارة بتوصل ل110 درجة وكل كام شهر جوان وش سلندر وعملت كل حاجة علشان السخونه مافيش فيده حتى من غير تكيف كانت بتولع فى الحر
ولفيت على اكتر من ميكانيكى ولا حد فاهم فيهاحاجة لدرجة انى غيرة حساس الصباع بتاع الحرارة اللى فى الماتور وطبعا غيرت ترومستات ولاداتير صينى ركبته ومروحه 2 سرعه كل حاجة عملتها ومافيش فايدة والحل طبعا كان فى الاخر انى بعتها بسبب السخونه دى

انا هقولك بقى ليه تدفع 34 الف فى عربيه زى دى اعمل زى ما انا عملت كمل حاجات بسيطه وهات اكسنت
هى معايا دلوقتى سحب تمام اسعار قطع غيار رخيصه تكيف تلاجه وعربيه شيك وابعد عن وجع الدماغ
اما بقى لو الفليشا دى دخله دماغك اكتر من 30000 الف اوعى تدفع جنيه
لانك لو نزلت السوق بعد ما تشتريها مش هتجبلك اكتر من 28000 الف دى لو هى تمام اوى يعنى
ومافيش حاجة اسمها تاجر هيشتريها ب33000 الف دا كلام مش يخش الدماغ هيبعها بكام بقى يعنى

هو اليومين دول ال33 او 34 ميجيبوش حاجة العربيات ولعت جدا و عايز اقول لحضرتك انى جربت اكسل 1300 و كان فيها تكييف طلعت عنيا اكسيل موتور ضعيف جدا مع التكييف فتيس 4 سرعات و عايز اقولك ان لو هى و الفليشيا نفس الحالة الاكسيل هتبقى اغلى 5 الاف و بعدين مستحيل تلاقى اكسيل نضيفة العربية عفشتها زبالة مش ماسكة نفسها خالص و ثبات مفيش استهلاك البنزين بتاع الاكسيل كان اعلى بكتير و كان على طول فيه مشاكل فى الكربرتير بتاعها مع العلم ان الاكسل اللى كانت معايا كانت ماشية اقل من الفليشيا صالون و تابلوه الفليشيا تكسب طبعا صاج الفليشيا تكسب تسارع اى عربية لو مظبوتة هتبقى زى الفل و الفليشيا تسارع بتاعها انا شايفه حلو جدا تورك باور عالى جدا قطع غيار الفليشيا منتشرة جدا الاكسل انا قعدت الف فى 5 محلات على وش الفانوس ملقتوش و زرار التكييف لقيتوه و اشتريته ب 120 جنيه و التابلوه استيراد ب1000 جنيه و الفليشيا اى ميكانيكى بيفهم يشتغل فيها, السكودا عربية العمر الطويل و الهبد و الرزع شكل الفليشيا اشيك و صالونها اوسع من الاكسيل بكتير
الكسنت لو فبريكة برة و جوة و حالة نضيفة هتعدى ال40

السلام عليكم ورحمة الله وبركاته
اللهم لك الحمد على نعمك التى لا تعد ولا تحصى
اخيرااااااااااااااااااا
العربية تحت البيت الان (:
يوم عصيب يوم ملوش حل يوم مرح ولذيذ
صاحبة العربيه سيدة فاضلة من الزمن الجميل ومعها زوجها وابنها اللى كان سائق السيارة
مش حطول عليكم
عملت عقد بيع مسجل ونقل ملكية وفحص وامنت واستلمت الرخصة ووضعنا الفلوس فى البنك
وهب
العربية امام مرور العجوزة مش راضية تمشى (:
هب اللى يحب النبى ( صل الله عليه وسلم) يزق
مفيش اى استجابة
قلت لها حضرتك روحى رفضت بشده وظلت معى حتى حضر الكهربائى على فكرة هو علاء جنب ابوالحسن
جاب بطارية جديده ورحنا معاه علشان نشوف المشكلة
طلعت البطارية مفيش فقلت خلاص انا حغيرها مش مشكله وده اول صرف على السيارة
وغيرنا البطارية
وللامانه الناس طلعو زوق جدااا ورفض يأخذ منى اى فلوس ثمن البطارية وقال انا لازم اسلمك العربيه شغاله
ولسه راجع الان تعباااااااااااااااااااااا ااان جدااااااااا
بس كان يوم مضحك بشكل
ان شاء الله متابع معكم بقى علشان نشوف حنعمل ايه
طبعا هو طلب منى اغير زيت
عاوز اعرف المطلوب بالظبط ايه
علشان انا مسافر غدا ان شاء الله