عملت تجديد شامل للموتور للفيليشيا

**islamagdi** · 11-06-2013 03:42 PM

الف مبروك العمرة وربنا يباركلك في العربية

**Mostafa.Ramdan** · 11-06-2013 04:06 PM

المشاركة الأصلية كتبت بواسطة koko2002

بص انا الصراحة مروحتش للخراط بس هو بعتلي ورقة مع الميكانيكي اللي فاكره منها ان الصبابات كانت بتقع من مكانها يعني مكانتش محكمة فعشان كده كانت بتطلع زيت للبوجيهات فهو غير الصبابات وعمل حاجة اسمها قواعد ودليل وروديه وأخد 175 جنيه غير تمن الصبابات بالنسبة للتليين انا قعدت 200 كيلو مجبش أكتر من 60كم/ساعة بس الصراحة مقدرتش امسك نفسي العربية عايزة تجري فدلوقتي بامشي على 80 بالكتير وخايف الا اكون كده خربت الدنيا .. بالنسبة للمروحة مش عارف اصورها بس ممكن اوصفهالك .. هي بتاعة الفيليشيا 1600 سي سي زي ما قولت قبل كده .. شوف المروحة الأصلي بتاعتك هتلاقيها مش بتغطي الا حوالي ربع الريداتير انما المروحة دي (أو أي مروحة كبيرة بالمناسبة مش شرط فيليشيا) بتغطي الريداتير كله وبكده عمر مؤشر الحرارة ما يوصل النص ابدا

طيب ياريت حضرتك تقولنا كنت جايبها منين وكانت عامله كام ؟؟

**koko2002** · 11-06-2013 04:57 PM

المشاركة الأصلية كتبت بواسطة mostafa.ramdan

طيب ياريت حضرتك تقولنا كنت جايبها منين وكانت عامله كام ؟؟

كنت جايبها من شارع صلاح الدين فاسكندرية وكانت عاملة 200 جنيه وبالنسبة لتركيبها بمنتهى السهولة هي ليها شاسيه فايبر عملت فيه 4 خرم بالشنيور .. وأربع مسامير طوال بصامولة وانسى الكلام بتجيب تيار هوا يبرد المية حتى لو كانت بتغلي صدقني عمرها ماجبت النص حتى مع التكييف

**koko2002** · 11-06-2013 05:00 PM

المشاركة الأصلية كتبت بواسطة المنسي

الخراط عمل لك طقم رودية وده الشغل الصح ومن الواضح على كلامك ان الميكانيكى ده بيفهم وبالنسبة للتليين المفروض انه كان يحرق صفيحتين بنزين والعربية عنده على السلانسيه وبعد كده تمشى بيها على 60 وبعد فترة التليين تدخل فى مرحلة تفتيح الموتور
بالنسبة للمروحة هحاول انزل اشوفها فى الوكالة واشوف ايه الفرق بينها وبين اللى فى 1300 لانى عندى احساس ان القواعد بتاعتها مختلفة
ومتنساش تتابعنا كل شوية وتقول لنا اخبار العربية ايه وربنا يديك خيرها ويكفيك شرها

يعني ايه تفتيح الموتور وبيبقى ازاااااااي ؟؟؟؟

**aw2100** · 12-06-2013 12:21 AM

مبروك على عمرة الموتور وحاول ماتقرص على الموتور فى الغيار او فى مطلع يعنى سايسة وبالنسبة لمروحة ال 1600 سرعة واحدة ولا سرعتين ؟
وبالنسبة لخراط وش السلندر عملته فى صلاح الدين ولا فين ؟؟