الموضوع: أعمل ايه علشان اتأكد أن الكاميرا اللي اشتريتها سليمة ؟

السلام عليكم ..

اولا جزيل الشكر لهذا المنتدى الرائع وكل اللي فيه بجد ناس أكثر من رائعيين .. وبيكون دايما وشه حلو على اي حد :-)
لن أنسى ابدا انه من سنتين وانا بفكر اشتري عربية كان موقع النايل موتور من اهم الحاجات اللي ساعدتني على اتخاذ القرار.. والحمد لله ماندمتش ابدا وربنا في وقتها رزقني بناس فعلا كانو بيقدموا المساعدة بكل اخلاص وحب ...
دلوقتي انا في انتظار وصول الكاميرا nikon d3200 عملت اوردر بيها من خلال شركة شمس ستورز وهتتبعتلي شحن لأني مش من سكان القاهرة .. فأنا كنت حابب اخد رأيكم في أمرين :
الاول مين اتعامل مع شمس استورز قبل كده والناس دي اخبارها ايه ؟
ثانيا الكاميرا اللي اشتريتها كانت ضمن عرض .. يعني هيا جاية ومعاها كارت 16 جيجا وكلين كت وشنطة وفلتر.. وانا مبتدأ جدا في عالم التصوير.. بمعنى اخر مامسكتش كاميرا احترافية قبل كده.. فإيه اللي أعمله بحيث اتاكد ان الكاميرا سليمة ومافيش فيها حاجة معيوبة ؟
في انتظار ردودكم :-)

طالما جديدة مافيش حاجة تقريباً تتعمل ، إتأكد بس من ترقيم الصور إنها ماصورتش صور كتير ، يعنى مثلاً لو إتفتحت قبل كدة للتجربة أو لأى سبب هتكون عاملة 10 - 20 صورة مثلاً ، إنما مش ممكن تكون عاملة 1500 صورة مثلاً
وشغلها على ال High Burst Mood شوف شغالة تمام ولا لأ
بس غالباً إن شاء الله مافيهاش حاجة طالما جديدة

بالنسبة لشمس هم كويسين وهم تقريباً المحل الوحيد اللى بيدى ضمان (حقيقى) ، بس هم غاليين ، أغلى بحوالى 20% من محلات تانية زى الكينج وكريم ستورز والناس دى ، المحلات التانية أرخص وبيقولولك معاك ضمان بس 99% مش هتعرف ترجعلهم أى حاجة ، النقطة الأخيرة إن الكاميرات ال DSLR وعدساتها صعب جداً جداً تلاقى فيها عيب صناعة ، فالبتالى إختيار السعر الأحسن حتى مع عدم وجود ضمان حقيقى ممكن يكون فكرة كويسة ، أنا شخصياً بعمل كدة ، وإنت تقدر تقرر لنفسك حسب فرق السعر مغرى مثلاً ولا مايستاهلش بالنسبة لك