ربنا يسترها علينا جميعا
عرض للطباعة
ربنا يسترها علينا جميعا
طيب ما تقولوا حاجة للناس المحترمة عشان تستفاد فى المواقف اللى زى دى الواحد نفسوا كانيطلع قليل الادب للاسف
شوف حضرتك ..
انا وصلت لقناعة أننا عايشين في غابة يسكنها بعض الحيوانات لذا ..
- أنا بأمشي بعربيتي مشغل التكييف حتي لو في عز الشتا و قافل الازاز و بعتبر نفسي ماشي في حديقة حيوانات مفتوحة بأتفرج و انا ساكت
- الحاجة الثانية أني بأفكر بشكل جدي أني أمشي من الغابة دي و أروح أي بلد محترمة أو فيها ناس محترمة الي أن يقضي الله أمرا كان مفعولا
المحترم مالوش عيشة في البلد دي
والله كلام صح وكمان الردود ..
كلامك زي الفل وفعلا المحترم مبيعرفش ياخد حقه لانو بيتعامل مع ناس معنجهاش ادني حدود الاحترام والعقل بس الموضوع مش كدا بس الموضوع بيبدا من اول ما تنزل الشارع مش من اول ما تتعرض لموقف
بيبدا من الدوشه بتاعت الموتسكلات والكلاكسات وصوت الشكمان المزعج والاغاني المزعجه والخايله الي بيعملهالك في المرايه وهو ماشي وراك متبقاش عارف تيجي يمين ولا شمال والتكاتك والميكروباصات وحتي الناس الي ماشيه في الشارع مش فاهمين حاجه بيعدو الشارع بضهرهم وبيعدوه بالطول مش بالعرض الخلاصه تتلخص انك مجرد نزولك الشارع بتتعرض لضغط نفسي شديد
يا باشه ولا تحرق دمك انا لما كانت عربيتي لسه جديده بأكيسها نزلت قبل الفطار بنص ساعه افول بنزين و انا خارج من البنزينه بلف الميدان جت وحده ست بكارنز و مركبه اكصدام نيكل و كانت طيره و جيه من مفرق راحت هوب بيسه العربيه جامد في الباب الوراه خلت الميجان لفت حولين فسها و لبستين في صف عربيات راكن
بعد مانزلت و مصدوم و مش عارف اقول ايه ده انا مكملتش شهرين و الباب ادمر و باقي العربيه عاوز سمكره حزام لقتها بتزعق و تقلي خليك مكانك هطلبلك النجده و هي معندهاش الهوا في عربيتها اصلا و لقيت اصحاب العربيات الوقفه بيتخنقو فيا انا عشان في عربيات اتبهدلت كمان رحت طلبت النجده و جم و س و ج و رسي الموضوع ان الست الغلطانه و اتفقنا انها تدفع نص تلفياتي و نص تلفيات العربيتين التنين الرمتني عليم و انا النص التاني و رحنا النيابه و اتنازلتلها و اتفقني بع ما اخلص تصليح اجيب فواتير و نتحاسب و انا مدتش خوانه عشان هي منقبه و جزها بدقن و في الاخر بعد ما اتنازلت عشان الست متتبهدلش مشفتش وشها ولا وش جوزها و شلت انا الليله كلها بعربيتي و عربيه فورد و 128 و حزبيالله و نعم الوكيل و لما قفشت جزها في مره في الصلاه و مسكته قدام الناس قلتله في الفلوس قلي يا د.عمرو حضرتك متلعتش قد قلامك معانا و تردت في التنازل و كمان غيرت الباب مش سمكرته قلتله انا تردت في التازل علشان كنت موصر اخد فلوس قبل ما اتزازل و ده حقي ولما الست عيطت صعبت عليا علشان متبتش و تتبهدل فااتنازلت و انا غلطان اصلا و سبتو و مشيت
في اي دوله محترمه في العالم مكنش حصل كده بس تعمل ايه في جهل الناس
للاسف الشاب المحترم و مع كثره تعرضه للمواقف اللي زي دي
مصيره يفقد احترامه و يلجا للبلطجه هو كمان
التفاحه السليمه في وسط مقلب الزباله لازم تفسد
ميكلموش بس يعرفه غلطه بس
الموضوع بيكون على حسب الحالة المزاجية ليك ... مع كل موقف على حدة ... بمعنى ...
واحد كسر عليا بالعربية .... موقف عادى بيحصل كتير جدا .... بس عندى مشاكل فى الشغل ... متخانق مع المدام ... اخر الشهر و مش معايا فلوس ... الواحد بيكون عصبى و عنده استعداد يتخانق مع طوب الارض
واحد جاى من ورايا لسبب انا مش عارفه حتى الان ... و فضل يشتم بالكلاكس و بالاب و بالام و بهدلنى شتيمة .... و انا ولا كانوا قال حاجة ... و ياصباح برود الاعصاب الى كان نازل عليا فى الدنيا .... كنت خارج من عند الدكتور و قالى ان ربنا كرمنى و طمنى من حاجة فى صحتى كنت خايف منها جدا
انا بحاول اوصى نفسى بالهدوء و بالصبر ... و بوصى الى حواليا يفكرونى بكلامى لما بكون متعصب
و بعدين انا عارف ان ربنا مش بينسى حد ... و الى شتمك و بهدلك عربيتك ده ربنا حاخدلك حقك منه
اخر خبطة ليا ..... راجع من المرور و كنت برخص العربية و بفحص .... و بعد يوم طويل فى الشمس .... الطريق كان واقف علشان فيه حادثة .... و جينا عند الحادثة بالظبط ... واحد راح جاى جرى من ورايا و راح معرض ادامى و وقف !!!!
ياعم يلا الطريق زحمة ... و هو عمال يشوحلى بايده ... علشان كنت حخبطه .... انا اتنرفزت و لفيت الدركسيون على الاخر علشان اعدى من شماله ..... فكسرتله الفانوس الشمال الخلفى ....
من غير كلام ... ركنت و نزلت اشوف الى كسرته ... لحقنا الظابط الى كان واقف فى الحادثة ... و قالنا اتفقوا مع بعض و اتراضوا ..... برضوا من غير كلام ... قلت للراجل ثمن الفانوس كام علشان ادفعوا ....
الراجل اتصل بمحل قطع غيار و قالى فانوس الصنى 2008 ب 180 جنيه .... اديته 200 جنيه و قلتله انا مسامح فى ال20 .. الراجل اصر انه يردلى ال20 جنيه و قال انا مش حاخد اكتر من حقى
انا عاوز اقول ان الراجل طلع محترم ... و انا الى اتسرعت و حاولت اتخطاه .... و لو كنت صبرت 20 ثانية .. كان هو مشى لوحده او الظابط كان حييجى يمشيه
ربنا يهدينا جميعا