عرض للطباعة
بسم الله الرحمن الرحيم
الان سعر اسبيرانزا a516 من أبو الفتوح ب 79 الف جنيه مصرى
http://www.carswalk.com/a516/Speranza_A516.jpgوتصفيات
لانهم كمان شالوا الاسبيرانزا a516 من الموقع الرئيسى لاسبيرانزا أبو الفتوح
طبعا سعر مبالغ فيه جدا
دى بقت أغلى من الاسبيرانزا m11 و m12
ده غير انها بنفس تمن اسبيرانزا انفى اول فئه
مين اللى هيفكر يشتريها بالتمن ده ؟
بامانه العربيه دي من انضف العربيات اللي في فئتها
ومش خساره فيها السعر
يعني السيراتوا
والالنترا قربوا علي 200000
80 بالامكانيات دي تعتبر ببلاش
خسارة العربية دة يوقفها
هو اتوقفت لان الانفى هى الشكل الجديد لل a516
ولان ال a516 موقوف انتاجها من 2011 فى الصين
يعنى ابو الفتوح مش هيعرف يمدد وقت استيراد قطعها و تجميعها فهو خلص المخزون اللى عنده و بعدين فكر انه ينزل الانفى
يعنى الانفى موجوده فى الصين من 2011
خسارة والله العربية دي هية ال كانت الفرخة الي بتبيضلة دهب كل شوية وهيخسر جامد من بعد ايقاف تصنيعها وانا فعلا شفت انة شالها من الموقع من يومين ونسيت اعمل موضوع هنا وياريت الانفي تعوض حصة ال 516 رغم اني ماعتقدش انها هتبقي زيها
والله انا لحد دلوقتي مشوفتش الانفي اطلاقا ماشية في الشارع و اعتقد ان نصيبه في الكحكة قل بعد ما بقيت اشوف الامجراند و البي واي دي كتييييييير أوي في الشارعاقتباس:
المشاركة الأصلية كتبت بواسطة m i d o
مش عارف هو ليه عمل كده و مش شايف ان دي سياسة تعطيش للسوق لان الناس قربت تنسي ان في حاجة اسمها اسبرانزا
وكمان 620 مش موجوده اصلا من سنتين كاملين ... وبغض النظر علشان موضوع السعه اللتريه ؟
اقتباس:
المشاركة الأصلية كتبت بواسطة akmm
ال a620 موجوده
لسه شايفها من شهرين فى المصرية للسيارات
هى اتشالت من موقع اسبيرانزا ابو الفتوح
بس موجوده
بس الله اعلم ممكن ينزلوا شكل جديد منها
لانى شوفتلها صو من 2011 لشكل جديد روعه اتمنى انه ينزل مصر زى مانزلوا الانفى و النيو تيجو
اتفق معا حضرتك تمامااقتباس:
المشاركة الأصلية كتبت بواسطة shetoshandasa
أنا شايف إن الانفي أحسن من ال 516 .. من حيث جودة الخامات المستخدمه والشكل والموتور والسعر كمان والكماليات .. وأنا من ملاك ال 516 .. طبعا عربيه ممتازه ولاغبار عليها لكن أنا شايف إن ال 516 أصبح شكلها قديم في وسط الموديلات الجديده لكن الإنفي ماشاء الله ممتازه عنها .. وكمان صيني مستورده .. وبالسعر والكماليات دي أنا شايفها صفقه رابحه جدا وأتوقع لها إنتشار كبير وسعرها هيغلى بعد فتره .. الحاله العامه للبلد دلوقت هيا اللي مخليه الناس تتأخر في أخد قرار الشراء مؤقتا .. لكن مع تحسن الأوضاع ف البلد بإذن الله العربيه دي هتمسح عربيات تانيه كتير من السوق أولهم اللانوس والفيرنا مع إحترامي لجميع ملاكهم لكن سعرهم مقارنة بشكلهم وإمكانياتهم يخرجوهم بره المنافسه الطاحنه ف الفئه السعريه دي واللي بتسيطر عليها بجداره الإسبرانزا بموديل 516 و إم 11 يليها البي واي دي والبريليانس وأخيرا إنضمت الجيلي إيمجراند للمنافسه .
انا لا اتفق معا حضرتك في بعض النقاط اولا محرك ال 516 احسن بكتير من محرك الانفي و الانفي مستوردة لانها اول دفعة وبس الدفعات القادمة تجميع محلي والانفي انا شايف انها مفيش منافسة بينها وبين الامجراند اطلاقا لان لحد دلوقتي ماشفتش غير واحدة بس انفي مركونة جمب عمارة وانا راجع بيتي وماشفتهاش خالص لا في طنطا عندنا ولا في القاهرة عشان كل يوم انا في القاهرة عشان كليتي وكل يوم بشوف حوالي 7 ولا 8 امجراند و بالنسبة للفيرنا اصلا انتاجها هيتوقف في شهر 7 مش هيبقي في فيرنا تاني و الي خلي الناس تثق في ال 516 انها دخلت مشروع تاكسي وانتشرت جامد ودة اعطي ثقة للناس انما الانفي مدخلتش تاكسي وناس كتير مقلقة منها و علي فكرة الانفي انا كنت مستني نزولها بفارغ الصبر لاني كنت عاوز اشتريها اوي بس للاسف لان المحرك 1500 و العربية مفيهاش فيمية الي انا عاوزة ضروري اتجهت للامجراند وقلت مش مشكلة 1500 مش مهم السحب عشان الفيمية لاكن طلع برضو مشاكل في تكييف العربية وناس كتير اشتكت منها فقلت خلاص الخيرة فيما اختارة الله وهرجع لاختياري الاول الاسبرانزا ام 11 ومستني نزولها ان شاء الله عشان اجيبها و اسف علي الاطالةاقتباس:
المشاركة الأصلية كتبت بواسطة bassemali
الفيميه ده مش مشكله على فكره .. ممكن تركب نوع نظيف وشفاف عشان المرور ب 1000 جنيه كل الحكايه .. لكن أنا مش معاك إن موتور ال 516 أحسن من الأنفي .. انا شايف موتور الأنفي إقتصادي أكتر ف البنزين ودي نقطه مهمه جدا ف الأيام القادمه تجعله أفضل من موتور ال 516 وبعدين الموتورين من نفس الشركه AVL النمساويه ..وأتفق معاك جدا إن ال m11 أحسن من الإيمجراند والإنفي وال 516 ... أما نقطه الإنتشار دي فزي ماقولت إن الحاله ف البلد مش مخليه حد يشتري ولا يبيع وإحنا على أعتاب ثوره تانيه .. وتقبل تحياتي .اقتباس:
المشاركة الأصلية كتبت بواسطة M I D O
اية موضوع الفيمية الشفاف دة ؟؟ ومحركات اسبرانزا كلها عموما من شركة avl النمساوية لاكن محرك ال 516 كان سعة لترية اكبر وبيطلع هورس باور اعلي علي حساب استهلاك البنزين الي انا شخصيا شايفة ممتاز 7 لتر 100 كيلو الانفي بقي قللو الهورس باور وقللو السعة اللترية عشان يعطي استهلاك بنزين اقل بس في المقابل المحرك 1500 صغير و العربية كبيرة المفروض اصلا تنزل 1800 نفس ال 516 كانت المفروض تبقي 1800 بس ال 1600 كان ممشيها تمام عشان كدة انا شايف ال 516 احسن من الانفي في كل حاجة عدا الشكل الانفي تتفوق و السوق حاليا في مصر زاد عن الاول بكتير لو بتابع تطورات السوق كل شهر علي ايجي سبيد هتشوف ان معدلات البيع زادت عن 2012 بس الناس متجهة للامجراند نظرا لاسم غبور فقط لا اكثر و الام 11 احسن منهم كلهم في كل حاجة عدي الوسع الداخلي .. وتقبل مرورياقتباس:
المشاركة الأصلية كتبت بواسطة bassemali