الموضوع: الفرش القماش بتاع الكراسى مبقع هل من حل ؟؟؟

المشاركة الأصلية كتبت بواسطة hamid20

التكلفة كام ؟؟؟

60

عموما لو الفرش جلد او قطيفة ممكن تشيل اى بقعة من انك نجيب ليفة اسفنج ناعم وتبلها ماء +صابون+سبرتو
ولكل كوب ماء ملعقة صغيرة صابون سائل وملعقة كبيرة سبرتو(ماتخافوش بيطير بسرعة)
وتبل الاسفنجة بيهم وتعصرها وتسيبها فوق البقعة لمدة 10 دقايق وبعدين تدعك بيها البقعة وكدة تكون خلاص ان شاء الله
لباقى انواع الاقمشة
اول حاجة اما البقعة عندك دهنية (زيت ..شحم..او)
تجيب فرشة اسنان ومعجون حلاقة او فوم حلاقة او معجون اسنان(معجون اسنان مش معجون جيل )
وتحط ملعقة معجون (اى واحد ) +5 ملاعق ماء
وتمزجهم مع بعض وتدعك البقعة كويس اوىىىىىى
وتمسحهم بفوطة مبلولة كويس بعد الدعك لمدة 10 دقايق ولا حاجة
ان شاء الله البقعة تروح (ممكن تروح تدريجى يعنى اول مرة تروح شوية سيبها تنشف خالص وبعدين جرب تانى )

او بقعة بودر جافة زى بقعة اسمنت او جبس او طباشير او...
دى سهلة بل قماشة او اسفنجة وامسح البقعة لو مطلعتش سيب القماشة عليها شوية علشان تطلع البقعة
وجرب تانى
او بقعة صلصة شيكولاتة اى حاجة (يمكن كنت بتطبخ فى العربية ولا حاجة هههههه)
دى من اصعبهم بتحتاج مزيل بقع كميائى هاتة من اى سوبر ماركت كبيير وشوف
او بقعة عصير او بيبسى
دة بتجيب ماية دافية وتحط لكل كوب ملعقة صغيرة خل ابيض وتدعك البقعة بفرشة اسنان والبقع هاتطلع ان شاء الله

لو الطرق دى ما نفعتش يبقا عليك ومركز تنظيف بقا

للامانه ليس مجهودي ومنقول ولا اتذكر من اين نقلته لكن وجدته في ارشيف عندي