أفتونى ياداتشوية

**ابو عبد الفتاح** · 11-06-2013 12:23 AM

فى الحقيقة معايا مبلغ كدة 20 ألف وكنت عايز اشترى عربية اشغلها تاكسى (ملاكى بس حشغلها)
المهم المبلغ اللى معايا مايجبش شاهين خالص
الكل بيتكلم فى 25.000 وانت طالع
والرخيص منها هلكان وتعبان
ماقدميش الا الرينو والداتشا
ومش عارف ليه ميال للداتشا شوية
المهم
أنا قلقان من حاجات بسمع عنها فى الداتشا والرينو عموما
أولا : مسألة ان العربية كبالن مش كورونا وخاصة ان فيه واحد جارى عنده رينو 12 وقاللى بالحرف ان العربيات دى عايزة معاملة خاصة يعنى فى الملفات تمور الفتيس ولو غلطت مرة وخدت الملف على غيار اعرف انك جبت كبالن ...ودى مسألة بتقرفنى وتحسسنى انى مقيد دة غير انه قاللى ان الكبالن كدة كدة بتبوظ بسرعة رهيبة .........
ثانيا : واحد عفشجى قاللى ان العربية الداتشا مش اى حد يسوقها وفى ناس كتير كانت واخدة على عربيات معينة ولما نزلت للداتشيا او الرينو ماعرفتش تتعامل معاها
ثالثا : فيه ناس تقوللى ابعد عن الداتشيا كدة من غير ابداء اسباب
انا بس عاجبنى انها رخيصة وتتشبه التاكسى كتير وشغالة فى حلوان زى الفل
ولو جبت واحدة غاز خالص وكانت نضيفة حوفر كتير جدا وحتأدى الغرض
مش عارف اعمل اية
أرجوكم أوضحوا لى الصورة واخبرونى بالحقيقة
وجزاكم الله خيرا

**ابو عبد الفتاح** · 18-06-2013 04:21 PM

شىء غريب جدا
اكتر من اسبوع ومفيش رد واحد
سبحان الله

**mohsen128** · 22-06-2013 02:31 PM

معلش ياباشا الموضوع لسه ظهرلي دلوقتي ،، بس انت لو بتتكلم على الداتشا العادية الي شغاله تاكسي في حلوان العربية ممتاز وطبعاً قطع غيارها موجوده في حلوان كتير لان العربية منتشره هناك وفعلا هتأدي معاك الغرض وكمان هتوفر من فلوسك مبلغ تقدر تظبط بيه العربية لو فيها حاجه ، موضوع كبالن وفتي الصنيعيه فكك منه ، توكل على الله العربية اعتماديه جداً وقطع غيارها معمره . بس حاول تشوف حاجه نظيفه عشان متتعبكش ونصيحه اخويه لو ناوي تشغل العربية اركبها انت متئمنش حد غيرك يركبها الكلام ده عن تجربه والله المستعان

**ابو عبد الفتاح** · 24-06-2013 11:16 PM

المشاركة الأصلية كتبت بواسطة mohsen128

معلش ياباشا الموضوع لسه ظهرلي دلوقتي ،، بس انت لو بتتكلم على الداتشا العادية الي شغاله تاكسي في حلوان العربية ممتاز وطبعاً قطع غيارها موجوده في حلوان كتير لان العربية منتشره هناك وفعلا هتأدي معاك الغرض وكمان هتوفر من فلوسك مبلغ تقدر تظبط بيه العربية لو فيها حاجه ، موضوع كبالن وفتي الصنيعيه فكك منه ، توكل على الله العربية اعتماديه جداً وقطع غيارها معمره . بس حاول تشوف حاجه نظيفه عشان متتعبكش ونصيحه اخويه لو ناوي تشغل العربية اركبها انت متئمنش حد غيرك يركبها الكلام ده عن تجربه والله المستعان

الف شكر يا أخى
سؤال اخير
حضرتك ركبت العربية دى واتعاملت معاها ؟

**mohsen128** · 25-06-2013 02:06 PM

حضرتك ركبت العربية دى واتعاملت معاها ؟

انا معايا داتشا نوفا ،، وبكلمت على الداتشا العادية لاني وانا بدور عشان اشتري عربيتي اتعرض عليه كذا عربية الداتشا العاديه ، وياباشا القرار قرارك انزل بنفسك وشوف الاسعار واماكن قطع الغيار واسئل السوقين الي ركبنها تاكسي وهما منتشرين في حلوان .بس هتتعب شويه وهتعرف كل حاجه عن العربية ديه وربنا يكرمك بعربية حالتها كويسه عشان ما تتبهدلش مع الصنيعية , بالتوفيق في الشراء

**ابو عبد الفتاح** · 26-06-2013 11:34 AM

المشاركة الأصلية كتبت بواسطة mohsen128

انا معايا داتشا نوفا ،، وبكلمت على الداتشا العادية لاني وانا بدور عشان اشتري عربيتي اتعرض عليه كذا عربية الداتشا العاديه ، وياباشا القرار قرارك انزل بنفسك وشوف الاسعار واماكن قطع الغيار واسئل السوقين الي ركبنها تاكسي وهما منتشرين في حلوان .بس هتتعب شويه وهتعرف كل حاجه عن العربية ديه وربنا يكرمك بعربية حالتها كويسه عشان ما تتبهدلش مع الصنيعية , بالتوفيق في الشراء

شكرا لك وبارك الله فيك

الموضوع: أفتونى ياداتشوية

LinkBack

أدوات الموضوع

عرض

المواضيع المتشابهه

أفتونى أعزكم الله

أفتونى يا حبراء أسعار ال a5

الكلمات الدلالية لهذا الموضوع

المفضلات

المفضلات

ضوابط المشاركة