الموضوع: سؤال بخصوص امبوليزر النيسان 2013

المشاركة الأصلية كتبت بواسطة jep2050

الاخوة الاعزاء
عاوز اسال سؤال لمختص وواحد مجرب الموضوع
انا اعرف الامبوليزر سيستم لو اتعمل مفتاح نسخه عند بتاع المفاتيح مش بيشتغل مع العربيه
هل حد جرب الموضوع دا ؟؟؟؟؟؟؟ ارجو الافاده
وفعلا فيها امبوليزر سيستيم ولا المعررض بيشتغلنى على شان اشترى وبيلعبوا على الناس
وشكرا.


ارجوا سرعه الرد لانى نازل احجز بكره ان شاء الله

اولا مبروووك عليك الحجز ويارب تستلم على خير وفى اقرب وقت
بالنسبه لموضوع الامبوليزر فعلا العربيه فيها النظام ده سواء للسوبر صالون او ال ex صالون
لان جميع الفئات واحده فى الموضوع ده
وعن تجربه انا عملت فعلا مفتاح احتياطى فى حاله ضياع المفتاح الريموت لاقدر الله يكون معايا نسخه اخرى لكن المفتاح هيفتح معاك العربيه بس وبعد اقل من دقيقه هيشتغل الانذار بتاع العربيه وهو انذار مع صوت كلاكس العربيه وهيفصل تقريبا بعد 3 مرات
ماتقلقش المعرض كلامه سليم 100*100
حاول حضرتك تحجز من معرض او توكيل لنيسان زى اوتو ايجيبت او السبع وتحجز اكتر من لون علشان اللى هيجى الاول

المشاركة الأصلية كتبت بواسطة jep2050

شكرا جزيلا على الاهتمام بكلامى
ومعلش سؤال اخير
1- اخبار مشكله الفرامل ايه الى الناس راعبانى منها
2- اخبار التكيف ايه زى القديمه ولا تعبان
3 الثبات زى القديمه ولا اقل

وشكرا

بص حضرتك حاول تستمتع بالعربيه انتا بتشترى جديد وده ليه طعم تانى
اما عن سؤال حضرتك
1- مشاكل الفرامل بنسبه مش بسيطه فى شكوى متكرره من نظام الفرامل وده واضح من مشاركات الاعضاء المحترمين وعرض مشاكلهم وخاصه مع الفرامل لكن مع توكيل محترم زى اوتو ايجيبت لو فى مشكله لا قدر الله بيتم حلها وفورا لانهم متفهمين الموضوع ده بس لا تفترض السوء ممكن تكون المشكله تم حلها مع الاجيال الجديده المصنعه وده مايميز نيسان انهم بيسمعوا مشاكل عملائهم وبيدرسوا نقاط ضعفهم فمن الممكن ان يكون تغلبوا على النقطه ديه وانشاء الله مش هيكون عندك مشاكل
2-التكيف كويس ومعقول فى اوقات الحر انا بالنسبالى مقيمه بنسبه 85% هو برضه مش زى التويوتا ولا الهوندا بس انا مش عارف بالنسبه للصنى الشكل القديم هو كان عامل ايه
بس بصفه عامه هو كويس اهم نقطه عدم تشغيله غير بعد صيانه الالف
3-الثبات اقل من الشكل القديم وده راجع الى علو الشكل الجديد وتغير الشكل نهائيا وضعف الصاج عن الصاج الخاص للشكل القديم
بس عندى سؤال لحضرتك انتا ليه سألت عن العيوب اللى حضرتك سمعت عنها وماسألتش عن مميزات العربيه
خصوصا ان كل واحد فينا بيشترى عربيه جديده اكيد فى حاجه كويسه عجبته فيها
تحياتى..