ممكن تاخدى عربية من تاجر غالية شوية وتكون نضيفة (وممكن لا طبعا )
وممكن عربية من صاحبها ويكون سورى في الكلمة معفن، تكتشفى ان العربية عايزة كاوتش وبطارية ودبرياج و شغل في العفشة ووو و
في نوعية ناس لما بيكون عامل حسابه انه هيبيع العربية بيقعدها سنة الاول معاه ما يصرفش عليها جنيه لحد ما تجيب اخرها ، وده اسوأ حد ممكن تشتري منه العربية ، ده بعد التاجر اللى بيبيع عربيات معيوبة في دواخلها طبعا
فموضوع التاجر ده مش على اطلاقه
كمان غالبا وبكرر اقول غالبا مش دايما، اللى معاه عربية بيبيعها بنفسه ، بيبقى يا اما عربيته مش حلوة ومفيش تاجر راضى ياخدها غير بتراب الفلوس ، او هو من النوعية اللى مش سهل يفرط في الحاجة وكدة كدة هتلاقيه بيبالغ في سعر العربية واكتر من التاجر كمان
من الاخر
في كل الحالات لازم نكون فاهمين كويس اوى او معانا حد فاهم كويس اوى وامين ، ولو بتشترى العربية حتى لو من ابوك ، اكشف عليها برضه، ولازم نبقى عارفين رينج اسعار الموديل ده ايه في السوق ونحكم على حالة العربية ونشوف ايه اللى ناقصها ونبقى عارفينه من الاول ونقدر سعر العربية بناء عليه ، ولو العربية فيها حاجة في الاساسيات نصرف نظر عنها تماما مهما كان السعر مغري
في كل الحالات برضه مش مع التاجر بس ، ما يغركش شكل العربية من برة ولا نضافتها ولا كمالياتها ، لازم الكشف يتم على اساسيات العربية الاول وبعد كدة الفرعيات
ربنا يوفقك وتلاقى عربيتك
المفضلات