هعمل عمليه . أرجوا دعائكم

**m_elkhishin** · 12-06-2013 05:37 PM

اللهم رب الناس اذهب البأس اشف وانت الشافي لا شفاء الا شفاؤك شفاء لا يغادر سقما

**koheya** · 12-06-2013 06:02 PM

اللهم اشف انت الشافى لا شفاء الا شفاءك شفاء لا يغادر سقما.اسال الله الكريم رب العرش العظيم ان يشفيك ويعاقيك ويجعل هذا البلاء فى ميزان حسناتك.

**matrix_it** · 12-06-2013 07:03 PM

ياريت تطمنا عليك بعد الشفاء ان شاء الله

**monamize4** · 12-06-2013 07:51 PM

بالشفا ان شاء الله يا باشا و تقوم بالسلامة و افضل من الاول باذن الله

**mxz911** · 19-06-2013 08:03 PM

سلام عليكم

قبل كل شئ الحمد لله
شكرا جزيلا جدا ليكم . شكرا لكل من دعالى سواء فى الموضوع او خارج الموضوع . شكرا لكل من حاول ان يطمأن عليا او سابلى رقمه فى الموضوع .المنتدى ده فعلا بيتى التانى والاعضاء اللى فيه اخوه

الحمد لله انا رجعت . الحمد لله ....انا بجد وانا بكتب الموضوع أول مره مكونتش عارف انا هرجع ولا لأ
احساس رهيب ان الواحد يكون داخل على حاجه خطيره
احساس رهيب انك تكون حاسس ان دى ممكن تكون اخر لحظات حياتك
كل لحظه حسيت بيها وانا داخل اوضه العمليات مش قادر انساها
بكائي وانا داخل اوضه العمليات وبسيب اهلى وصحابى مستحيل انساه

الحمد لله انا عملت عمليه خطيره جدا وهيه كانت حاله شبه نادره عملت العمليه مع استاذ دكتور جراح محمد وائل سمير . وبعد العمليه جالى استاذ دكتور ممدوح سلامه اكبر جراح فى مصر جه يشوف حالتى .

الحمد لله عملت العمليه يوم 12 - 6 وطلعت منها على الرعايه المركزه وخرجت منها تانى يوم وبعدها فضلت محجوز كام يوم فى المستشفى لمتابعه حالتى والحمد لله كانت النتيجه كويس والعمليه نجحت تمام

لو أى حد محتاج أى حاجه فى موضوع العمليات يقولى انا ممكن اساعده بحكم الخبره الكبيره اللى اخدتها من كتر ما لفيت على دكاتره وكلهم من اكبر الدكاتره فى مصر