فك طرمبة بنزين ميجان وطريقة تغيير الموتور بالصور

السلام عليكم
بالنسبة لأعراض تلف موتور عوامة البنزين اللى هو بيسحب البنزين من التانك ويضخه عبر الخراطيم وصولا للرشاشات
بتسمع صوت صفارة والعربية دايرة بتبقى من موتور العوامة وهتفضل ماشى بيه عادى
فى بداية تلف الموتور العربية لما يقل البنزين هتقطع منك كل شوية
بعدين الموتور هيفصل خالص

عوامة البنزين موجودة فى العربية ورا تحت الكنبة الخلفية يمين مباشرة ( المقعد الخلفى الحتة اللى بنقعد عليها اليمين )

عشان نفكها هنحتاج طقم ألانكيه نجمة
مفتاح خاص بفك غطاء العوامة ( أنا استعملت مفك وبقيت أخبط على أطرافها فى اتجاه دائرى بس نصيحة محدش يعمل كدا ولازم تشترى المفتاح بتاعها دا لو الميكانيكى فكهالك مش هياخد أقل من 50 جنيه اعتبر نفسك اشتريت بيها مفتاح وهيبقى معاك على طول تفكها وقت متحب بس أنا للأسف مش متوافر عندى المفتاح دا )

ياريت لو هتفكها متكنش العربية مفولة بنزين عشان ميقعش منك بنزين كتير وانت بتفكها وتركبها وتاخد راحتك بس أنا عربيتى كانت مفولة بنزين [IMG]file:///C:%5CDOCUME%7E1%5CMOHAMM%7E1%5CLOCALS%7E1%5CTemp%5 Cmsohtml1%5C03%5Cclip_image001.gif[/IMG]
أول حاجة
إفتح باب العربية اليمين الخلفى
فك الكنبة ....حط إيدك بين ضهرية الكنبة وبين القاعدة اللى بنقعد عليها وشدها لورا هتطلع معاك
آدى الصورة بعد ما فكينا الكنبة هنلاقى فيها غطاء ليه مسمارين إلان كى نجمة والفرش فيه كلبسة نخلعها لقيت تحت الكنبة لب وفول سودانى وفلوس حديد بتاع 9 جنيه وإبر خياطة ودبابيس
https://imageshack.us/scaled/large/703/dsc01868v.jpgUploaded with ImageShack.us
دا الغطاء نفكه بالألانكي النجمة
https://imageshack.us/scaled/large/402/dsc01869cj.jpgUploaded with ImageShack.us
https://imageshack.us/scaled/large/690/dsc01871z.jpgUploaded with ImageShack.us
بعدين نخلع الغطاء البلاستيك دا راكب ضغط ممكن سن من سنونة يتكسر وانت بتخلعه بس عادى يعنى لا تقلق
https://imageshack.us/scaled/large/593/dsc01872iu.jpgUploaded with ImageShack.us
هنلاقى الطرمبة بالشكل دا نشيل الفيشة بتاعتها ليه ودان كدا بنرفعها لفوق ونسحبها لورا وتحاول تنضف التراب الكثيف اللى حواليها ممكن تجيب خرطوم مياه وتخلى حد يفتحلك وتغسلها متخفش المياه هتنزل تحت العربية من فتحة معينة بس خلى بالك المياه ترشها فى المنطقة اللى فيها الطرمبة بس وتخلى حد يقفلك الحنفية وبعدين تشيل الخرطوم لأنك لو جيت تشيله بصورة عفوية المياه هتنزل جوا العربية نفسها ودى مشكلة :
https://imageshack.us/scaled/medium/708/dsc01876bj.jpgUploaded with ImageShack.us
https://imageshack.us/scaled/medium/266/dsc01875i.jpgUploaded with ImageShack.us
زى ما أحنا شايفين فى الصورة السابقة الفيشة فيها 4 فتحات يعنى أربع أطراف

طرفين منهم لعوامة البنزين
وطرفين لموتور الطرمبة مفيهاش أى اندهاشة كهربائية بسيطة جدا :grinder:
بعد ما فصلت الفيشة
أرجع تانى للصورة دى فيه خرطومين واصلين للطرمبة زى الخراطيم اللى بتركب فى فلتر البنزين بالضبط وبتتفك بنفس الطريقة
شايفين الحتة اللى لونها أخضر وأحمر فى بداية كل خرطوم دى عبارة عن زرار بتضغط عليه وبأى مفك تزيح الفيشة لورا هتطلع معاك بس خد باااااااااااااااااااااااا لك فيه شوية بنزين محترمين هيطلعوا فلا تندهش ولا تقلق البنزين سيبه يقع مكان الفول السودانى واللب ههههههه وهو هينزل تانى لأن الحتة اللى فيها الطرمبة لو بصيت قدامها هتشوف الأرض اللى هى الحتة اللى معدى منها الخراطيم دى رايحة لفلتر البنزين ومنه للموتور
https://imageshack.us/scaled/medium/855/dsc01874i.jpgUploaded with ImageShack.us
بعد ما شلنا الخراطيم دى نحاول نركنها على جنب لأنها كانت بتعاكسنى ومضايقانى وأنا بفك
طبعا أنا فكيت عن طريق
جبت مفك عادى وفضلت أخبط على السن بتاعه من فوق عشان أعرضه وأقلل من حدته عشان ميكسرش الأحرف بتاع الغطاء بتاع الطرمبة وبقيت أدق عليه بكماشة عكس أتجاه عقرب الساعة لحد ما فكت معايا
بس نصيحة لوجه الله اشترى المفتاح عشان متبهدلش الغطاء
نخلع الغعطاء
هتلاقى الطرمبة نطرت لفوق حاجة بسيط كدا شدها بإيدك بحنية وفى الآخر تطلعها بزاوية عشان العوامة فهتحتاج تميلها كدا وأنت بتطلعها وطبعا الطرمبة بتبقى مغمورة فى البنزين هيطلع معاها شوية بنزين كويسين
دى شكل الطرمبة والعوامة باينة جدا حتة الحديد اللى فيها حتة بلاستيك أو فلين أسود دى https://imageshack.us/scaled/medium/29/dsc02226b.jpgUploaded with ImageShack.us
https://imageshack.us/scaled/medium/819/dsc02231h.jpgUploaded with ImageShack.us
وبيبقى فيه جوان جلد بالشكل دا نخلى بالنا منه قوى قوى بيبقى تحت الطرمبة وهو اللى بيعزل البنزين إنه ميتسربش برا بعد ما تقفل الغطاء
https://imageshack.us/scaled/modthum...dsc02212vj.jpgUploaded with ImageShack.us
تمام قوى لحد كدا أحنا دلوقتى عايزين نفك الموتور نفسه ودا عشان نفكه محتاجين أول حاجة ::
نفك العوامة
نبص فى الصورة دى كدا فيه أربع سلوك هنفك أول سلكين من على إيدنا اليمين اللى هما بتوع العوامة
السلوك دى راكبة بكلبسة نحاس كدا هتحتاج دبوس رفيع عشان تفكها بيبقى فيها لسان بتدخل الدبوس تحت اللسان وترفع اللسان دا وتشد السلك هيتفك معاك http://img211.imageshack.us/img211/3287/dsc02222o.jpgUploaded with ImageShack.usفى نفس الصورة اللى فوق دى يا جماعة لو بصيتوا أعلى الصورة شمال هتلاقونى فاكك سوستة دى بتبقى راكبة فى النص تحت الغطاء بتاع الطرمبة بس ملهوش لازمة أنكم تفكوه أنا شلتها كدا وخلاص
العوامة نفسها بقى بتبقى راكبة من تحت ليها 2 مجرى كدا بتركب فيهم هنلاقى ليها فيه لسان بلاستيك كدا هتشده بإيدك لورا بمنتى السهولة وتزيحها لتحت هتطلع معاك بالشكل دا وهى بسيطة جدا الواضح أن فكرة عملها بتعتمد على مقاومات بحيث إن كل ما بتطفو مع ارتفاع البنزين فيه موصل نحاسى بيمشى على تراك كدا فبتتغير المقاومة والعربية تعرف العربية فيها قد إيه بنزين دا تحليلى المتواضع يعنى لأنى مش شايف فيها أى فكرة غير كدا وهى بسيطة جدا
https://imageshack.us/scaled/medium/853/dsc02210q.jpgUploaded with ImageShack.us
https://imageshack.us/scaled/modthumb/441/dsc02218y.jpgUploaded with ImageShack.us
نعلم مكان ما خلعنا العوامة لأنها ممكن تركب فى أكتر من مكان لأنها بتبقى راكبة على الجنب وليها 2 مجرى فى العلبة اللى من تحت فى الطرمبة والعلبة كلها من على الجنب مجارى فأنا علمت المجارى اللى كانت راكبة فيها لأن معرفش هل عادى لو ركبتها فى أى مجرى تانى ولا لأنبص فى الصورة دى كدا من تحت على الجزء اللى لونه بيج غامق دا وشوفوا المجارى اللى أنا أقصدها اللى بيبقى راكب فيها عوامة البنزين
https://imageshack.us/scaled/modthum...dsc02211sx.jpgUploaded with ImageShack.us
تانى حاجة أحنا محتاجين نفك الغطاء اللى من تحت دا عشان نوصل للموتور
الغطاء دا راكب ضغط وهنا الجزء دا محتاج فن قوى عشان متكسروش وانت بتفكه
هتجيب سكين رفيع أو مفك رفيع السن بتاعه وتبتدى تحطه فى أماكن معينة فى الغطاء من فوق وتفسح المكان وتضغط لتحت وتفكه ( أغلب الميكانيكة بيشرخوه وهما بيفكوه ودا بيقلل من كفاءة الطرمبة بشكل ملحووووووظ
دا الغطاء بعد ما اتفك وجواه حاجة بلاستيك زى غطاء أصغر منه دى المصفاة بتاع الطرمبة وفى النص فيه خرمين دول بيركب عليهم قاعدة الموتور
https://imageshack.us/scaled/medium/713/dsc02213xf.jpgUploaded with ImageShack.us
نشيل المصفاة ونشوف لقيتها مطينة بطين ونضفتها ودى خطوة حلوة جدا
بس طبعا منصحكش إنك تفك الغطاء اللى من تحت دا لمجرد إنك هتنضف المصفاة دى لأنك معرض إنك تشرخ قاعدة الطرمبة زى ما الميكانيكى المبجل عمل لما بابا راحله
https://imageshack.us/scaled/medium/543/dsc02216l.jpgUploaded with ImageShack.us
هتنضفها بشوية بنزين وبفوطة
دا الغطاء بعد ما شلت منه المصفاة اللى هو الميكانيكى شرخه وهو بيفكه https://imageshack.us/scaled/large/823/dsc02217lf.jpgUploaded with ImageShack.usUploaded with ImageShack.us
ننضفه برضه وهنلاقى فيه جلدة لونها أحمر نرفعها ونشيل الطين اللى تحتها
نرجع بقى للموتور
دا الموتور يا جماعة اللى بيلمع فضى دا بس دا مش الموتور بتاعها دا الموتور اللى الميكانيكى غيره ( موتور معفن وصوته غريب والعربية بتقطع معاه برضه تمنه 75 جنيه ونوع gsp وهو شكله صناعة تحت السلم ووالميكانيكى هو اللى جابه لبابا معنى كدا إنه أرخص من كدا )
https://imageshack.us/scaled/medium/843/dsc02214pt.jpgUploaded with ImageShack.us

دلوقتى عايزن نشيل الموتور بس هو لسة متعلق بسلوكه
نرجع للصورة دى زى ما عملنا مع عوامة البنزين
هنشيل السلك التالت والرابع الباقيين واحد لونه زيتى وواحد لونه أسود وواحد منه الفيشة بتاعته أعرض اللى هو السلك الرابع
ونحفظ ترتيب السللوك الأربعة بدايمة من اليمين للشمال
السلك الأول لونه أسود
السلك التانى أحمر
السلك التالت زيتى
السلك الرابع أسود ولكن فيشته أعرض من باقى السلوك وهو آخر سلك
http://img211.imageshack.us/img211/3287/dsc02222o.jpgUploaded with ImageShack.us
فيه سلك تالت للموتور بيبقى راكب فى الحتة دى نشيله
بصوا فى الصورة دى أنا مشاور بالأحمر مكان السلك التالت بس أنا صورتها بعد ما خلعته بس هو دا مكانه
https://imageshack.us/scaled/medium/809/dsc02219r.jpgUploaded with ImageShack.us
نسلك السلوك دى ونطلع الموتور
ملحوظة هامة الموتور من فوق فيه ماسورة بتبقى راكبة فى فتحة ليها هتشوفوها لما بتفكوا بس فيه حتة بلاستيك صغيرة هتقع أو هتلاقيها راكبة على الماسورة الصغيرة اللى من فوق فى الموتور خلى بالك منها مهمة جدا دى بتضمن إن الموتور ميتهزش كدا وكدا ويركب صح بس نسيت اصورها بس هى مش محتاجة يعنى أنا فكرتك بيها
تانى حاةجة الموتور من تحت فيه حتة جلد فى القاعدة بتاعته دى مهمة جدا لأن الموتور بيركب فوق المصفى زى ما أحنا متفقين ودى بتبقى عازل
بصوا الصورة دى أنا ركبت الموتور على المصفى عشان أوضح لكم
http://img713.imageshack.us/img713/7874/dsc02213xf.jpgUploaded with ImageShack.us

https://imageshack.us/scaled/medium/341/dsc02229le.jpgUploaded with ImageShack.us
دا الموتور نفسه

https://imageshack.us/scaled/medium/194/dsc02223wr.jpgUploaded with ImageShack.us
فيه فيشة داخلة ضغط ليها ودن برضه ندوس عليها ونشدها هتطلع معانا
هنا بقى مقارنة بين الموتور القديم البوش الألمانى وبيبقى مكتوب عليه من فوق
وبين الموتور مجهول المصدر
الموتور الأصلى بتاعها أطول حاجة بسيطة من الموتور الجديد الموتور البوش اللى هو لونه نحاسى دا أما الموتور اللى بيلمع دا الموتور الجديد بس جايز الصورة مش موضحة الفرق فى الطول لكن على الطبيعة البوش أطول بس الفرق مش كبير يعنى
https://imageshack.us/scaled/large/29/dsc02225ve.jpgUploaded with ImageShack.usطبعا هتخلع الجلدة من الموتور القديم اللى انت هتغيره وتركبها فى الموتور الجديد
وكمان القطعة البلاستيك اللى راكبة فى بق الموتور من فوق تشيلها وتحطها فى الموتور الجديد
وتركب تانى وتاخد بالك إن الموتور نازل صح فى القاعدة بتاعته والجلدة دخلت فى المكان المخصص ليها ودى أهم حاجة
هتعيد التركيب زى ما فكيت وبكرر متفكش الطرمبة من غير مفتاحها المخصص لفكها

فنان من يومك
احب الدماغ الشغاله

يا أستاذ أحمد يا مصيتنى :grinder:

قول لى بقى الموتور دا زى بتاع اللانوس ؟؟

الله ينور يا باشا
بس هو ايه ده اللى بـ75 جنيه!!!!!!!
تلاقيه كان شايلها من عربية تانية عشان بايظة
انا جايبها فى عربيتى بـ300 جنيه وصينى

تسلم ايدك والله
تحيه لك
خير العمل ما عمل ابن ادم بيديه

ب75 جديد لانج أنت ممكن يكون انضحك عليك عشان انت فى مصر انت ممكن تلاقى حاجة يعنى ممكن تنزل شارع دمشق تجيب حاجة ب 300 جنيه وتجيبها من مكان تانى ب 100 بس فيه ناس كتير معندهاش ضمير ولا دين ولا دم

اقتباس:

---

المشاركة الأصلية كتبت بواسطة mohammedaladel

ب75 جديد لانج أنت ممكن يكون انضحك عليك عشان انت فى مصر انت ممكن تلاقى حاجة يعنى ممكن تنزل شارع دمشق تجيب حاجة ب 300 جنيه وتجيبها من مكان تانى ب 100 بس فيه ناس كتير معندهاش ضمير ولا دين ولا دم

---

يا باشا انا من اسكندرية مش من القاهرة
والسعر ده مش انا بس اللى شارى بيه, ده كل اللى غير الطرمبة فى قسم سيات جابها بالسعر ده
انا عربيتى ابيزا

طبعا اكيد فيه فرق فى اسعار قطع الغيار بين العربيتين بس مش للدرجة دى
وكمان هى نفس الشكل فى عربياتنا

حتى لو كان فيه فرق الموتور اللى فوق دا فيه ناس برضه اشترته ب 250 و 300 وصينى

أنا عارف أن القطعة هتفرق من عربية للتانية بس كله بيبقى فى رينج معين زى ما حضرتك

خد بال حضرتك أنا أقصد الموتور بس مش الطرمبة كلها على بعض

معلومة نسيت أقولها ..... الموتور اللى فوق الصينى دا تقريبا هو نفسه موتور اللانوس والنوبيرا
حاجة كمان ضغط الطرمبة المفروض يكون 3.5 بار وطبعا الموتور الصينى مش كفاءة أنه يطلع الرقم دا
عشان كدا ممكن ال max speed تفرق معاك ( وجهة نظر مش أكتر)

حاجة كمان ضرورية
لازم تغير فلتر البنزين بصورة دورية عشان تحافظ على عمر الموتور

حاجة كمان

العربية بيبقى فيها 2 فلتر واحد فى الطرمبة اللى أنا نضفته والتانى الفلتر اللى فى العربية من تحت
يعنى لو وقع منك رمل أو بنزين فيه شوائب عمرها ما هتعدى
لكن لو تراب تبقى مشكلة هيدوب ويعدى بس الفلتر هيقلل من تأثيره

مفيش داعى إنك تفضى تانك البنزين طالما مفيش حاجة كبيرة وقعت فيه

الفترة اللى مطلع فيها طرمبة البنزين هتجيب كيس وتغطى بيه التانك وتقفل الغطاء عشان البنزين ميتسربش

أحذر الناااااااااااااااااااااا ااااااااار او إنك تولع سيجارة سهوا وأنت بتشتغل

الله ينور يا باشا

الله ينور

عملتها في الكليو من فتره بس كان معايا ميكانيكي عنده المفتاح بتاع الغطاء

الله عليك ، تسلم إيدك
أنا عملت مفتاح للغطا ، عبارة عن قطعة من الصاج ، ولفيتها زي الماسورة ، وشرشرتها بالمقاس
لأني لما جيت أفك بالمفك لقيت كل الاسنان بتاع الغطا بتتكسر
بس حبيت أضيف حاجة بسيطة
طالما فكيت وعملت المجهود ده كله ، انصحك بتنظيف التانك بالمرة من الرواسب
حاول ما يكونش التانك مليان يعني يكون فيه 5 لتر بس ، وتفضيهم في جركن بواسطة خرطوم
ونظف التانك من أي رواسب موجودة وابدأ على نظافة
تحياتي

إحنا ممكن نفضى التانك قبل ما نفك الطرمبة نفسها
هنوصل خرطوم فى المخرج بتاعها يكون قد مقاسها
بس معرفش إزاى تقدر تشغل الطرمبة والعربية مبطلة تقريبا ليها فيوز

بس أنا كان ممكن أجيب محول 12 فولت وأوصله والطرمبة هتشتغل وتفضى كل اللى فى التانك بس الرواسب هتبقى تحت ممكن تمد إيدك بفوطة نضيفة وتمسح بس هيتوسخ تانى

اقتباس:

---

المشاركة الأصلية كتبت بواسطة MohammedAladel

معلومة نسيت أقولها ..... الموتور اللى فوق الصينى دا تقريبا هو نفسه موتور اللانوس والنوبيرا
حاجة كمان ضغط الطرمبة المفروض يكون 3.5 بار وطبعا الموتور الصينى مش كفاءة أنه يطلع الرقم دا
عشان كدا ممكن ال max speed تفرق معاك ( وجهة نظر مش أكتر)

حاجة كمان ضرورية
لازم تغير فلتر البنزين بصورة دورية عشان تحافظ على عمر الموتور

حاجة كمان

العربية بيبقى فيها 2 فلتر واحد فى الطرمبة اللى أنا نضفته والتانى الفلتر اللى فى العربية من تحت
يعنى لو وقع منك رمل أو بنزين فيه شوائب عمرها ما هتعدى
لكن لو تراب تبقى مشكلة هيدوب ويعدى بس الفلتر هيقلل من تأثيره

مفيش داعى إنك تفضى تانك البنزين طالما مفيش حاجة كبيرة وقعت فيه

الفترة اللى مطلع فيها طرمبة البنزين هتجيب كيس وتغطى بيه التانك وتقفل الغطاء عشان البنزين ميتسربش

أحذر الناااااااااااااااااااااا ااااااااار او إنك تولع سيجارة سهوا وأنت بتشتغل

---

أنا معاك فى موضوع الـtop speed

اقتباس:

---

المشاركة الأصلية كتبت بواسطة mohammedaladel

إحنا ممكن نفضى التانك قبل ما نفك الطرمبة نفسها
هنوصل خرطوم فى المخرج بتاعها يكون قد مقاسها
بس معرفش إزاى تقدر تشغل الطرمبة والعربية مبطلة تقريبا ليها فيوز

بس أنا كان ممكن أجيب محول 12 فولت وأوصله والطرمبة هتشتغل وتفضى كل اللى فى التانك بس الرواسب هتبقى تحت ممكن تمد إيدك بفوطة نضيفة وتمسح بس هيتوسخ تانى

---

أنا أخذت العوامة كاملة فوق في الشقة ، وشغلتها بمحول اللابتوب ، بعد ما لحمت الشرخ (اللي عمله الميكانيكي برضه) بالمكواة بتاع اللحام مع دبوس عادي بتاع دباسة الورق
ونظفت العوامة حتة حتة وركبتها ، وخليتها تسحب ميه سخنة مع شوية إيريال من وعاء كبير لوعاء فارغ وبالعكس عدة مرات ، وانساها للأبد
طبعا عملت الموضوع ده بعد ما دخت عند الصنايعية وصرفت كتير بدون نتيجة

هو غلط طبعا استعمال مياه وإيريال ...البنزين حتى لو كان مش نضيف هيكون قوة تنظيفه أعلى !

الله ينور عليك يا كبير وهى ماتورها الفبريكة Denso يابانى والبوش كويس برضة راكب عندى ومحترم

موتورها الفبريكة بوش مش دينسو جايز يكون نزل فى عربيات دينسو وعربيات بوش لأن دى أول مرة الطرمبة ت تفك عندى

جبته منين البوش وبكام ؟؟

استاااااااااااااااااااااا اااااااااااااذ بس انت فرقت معاك بعد ما انت فكيت ولا لسه زي ماهيه

لحد الوقت مقطعتش بعد ما نضفت المصفاة بتاعتها وغيرت فلتر البنزين بس معرفش لو مشوار طويل هتعمل إيه هجربها

اقتباس:

---

المشاركة الأصلية كتبت بواسطة MohammedAladel

لحد الوقت مقطعتش بعد ما نضفت المصفاة بتاعتها وغيرت فلتر البنزين بس معرفش لو مشوار طويل هتعمل إيه هجربها

---

حط العربية على طريق واديها كيك داون كدة وغير على ال red zone لو فية حاجة هتبان معاك

مشوااااار 50 كيلو رايح جاى يعنى 100 كيلو ...... مقطعتش ولا مرة .... كدا العيب مش من الموتور كان من الفلتر نفسه ولما نضفت الفلتر بتاع الطرمبة .... ولسة هشوف

كالعادة مجهود رائع ,,,

لازم تفكر تنزل مواضيعك على ifixit و ehow و مواقع DIY :)

شكرا ليك يا باشا ورأى حضرتك يهمنى على راسى

بس إيه هو ال ehow وال ifix أنا ساعات لما ببحث بلاقى الحاجات دى بس مش بستفاد منها بحاجة

دى يا باشا مواقع بتعلم الناس ازاى تعمل حاجات كتيرة بنفسهم

و المواقع دى مش متخصصة سيارات ,, بالعكس دى فيها كل المجالات تقريبا

شكرا لحضرتك هبقى أشوف إن شاء الله المواقع دى

بالنسبة للموتور الجديد مش بيقطع بعد ا غيرت الفلتر ونضفت مصفاة الطرمبة لكن للأسف نفسه مش طويل ..... جربت أحرق على الغيارات مش بيقدر يدخل معايا red zone والظاهر كدا لا بد من الموتور الأصلى ... حتى صوت الموتور الجديد سيئ

اقتباس:

---

المشاركة الأصلية كتبت بواسطة MohammedAladel

شكرا لحضرتك هبقى أشوف إن شاء الله المواقع دى

بالنسبة للموتور الجديد مش بيقطع بعد ا غيرت الفلتر ونضفت مصفاة الطرمبة لكن للأسف نفسه مش طويل ..... جربت أحرق على الغيارات مش بيقدر يدخل معايا red zone والظاهر كدا لا بد من الموتور الأصلى ... حتى صوت الموتور الجديد سيئ

---

ليه متكونش أسطوانة دبرياج؟؟
أصلي انا عندي عربيتي علي الخامس مش عايزة تعدي ال 5500rpm وأنا عندي الred zone من بعد 6500rpm
انا محتار بين موتور الطرمبة واسطوانة الدبرياج لان الاتنين ليهم نفس الاعراض

أصل أنا عربيتى أوتوماتيك ع الغيار الأول بتقدر تدخل ع قبل ال red zone بعدها الفتيس بينقل إجبارى لأنه أوتو وأنا ببقى عامله على نظام تحديد الغيار لكن على باقى الغيارات بتهنج معايا

صباح الفل
انا سعيد جدا ان بقى فى ناس بتشتغل بايدها وبحرفيه عاليه كده، عموما انا عايز اقول معلومه بخصوص موتور البنزين ده، انا عندى زيه فى التانك وكنت باشتريه غالى جدا وبعدين اكتشفت ان بتوع قطع الغيار بيبيعوا على حسب عربيتك مش حسب تكلفة القطعه، بالتالى بقيت اشوف القطعه المطلوبه بتركب على انواع وموديلات كتير باختار اقل موديل ممكن وادور عليه.
الموتور ده انا باجيبه بوش أصلى عليه لوجو أوتو بارت الوكيل ب 225 ج من شارع دمشق وفى اماكن بتبيعه تحت ال 200 ج
اسال على موتور بنزين نيسان صنى 98

ألف شكر يا باشا فعلا عندك حق التجار بقوا حاجة صعبة وأنا هشوف موتور محترم غير التعبان اللى مركبه اللى ميسواش 20 جنيه

ماشاء الله شغل عالي
بس قبل ما تفك وتغير شوف ضغط الطلمبه ممكن يكون مظبوط والمشكله ليها سبب تاني
حاجه تانيه عايزين نعرف مفتاح الطلمبه ده بيتباع فين

معنديش مقاس ضغط

البوش الاصلى ضغطه 3 بار و انا كلمت الدعم الفنى بتاع A-part و اتأكدت منهم. و فعلا التجار اخر استعباط واحد كان عايز يبعلى ماتور صينى زى 80 جم ب 550 عشان هو بيبيعه للمرسيدس C180 عشان الطلمبة كلها ب 1400 :(
على العموم انا ركبته ل C180 و زى الفل مش حاسس بفرق او تقل فى السحب

الموتور دا ضغطه 3.5 بار

السلام عليكم

الأخ صاحب الموضوع بارك الله فيك موضوع ممتاز وعرض وتسلسل رائع

احب أضيف معلومة صغيرة ان غطاء الطرومبة اللى غالبا بيتكسر وانت بتضرب بالمفك فى منه جديد وأنا اشتريته ب ٥٠ جنيه

وعلى فكرة بدل ما نفك أسلاك الطرومبة وتكون عرضة لإعادتها لغير أماكنها ، يكفى فقط لفك الموتور ان نشيل الفيشة بتعته اللى فوق

بعد إذن صاحب الموضوع أضيف معلومة مهمة وهى ان عند إعادة تركيب الطرمبة فى التانك يجب الحذر ان لها اتجاه معين محدد بسهم صغير
على وش الطرمبة من فوق ( بجانب فتحة الخرطوم المذدوج اللى لونه احمر). يجب ان يتقابل هذا السهم مع علامة ستجدها فى سن فتحة التانك ( مثل وخذة فى الدوران ) ، ولو التزمت بهذا الاتجاه ستجد اتجاه الطرمبة والخراطيم عاد مثل الأول بالضبط

حاجة ثانية : زى ما أشار الأستاذ محمد عن أهمية تركيب الجوان الكاوتش مكانه علشان لا يسرب بنزين عند التفويل
بس المشكلة ان مكانة على سن فتحة التانك غير محكم وغالبآ هيتحرك عند تركيب الطرمبة ومش هتلاحظ علشان الطرمبة هتكون غطت عليه،، فأخر مرة انا لصقته بسيلكون (مش امير) فى مكانه بالمجرى اللى حول دوران فتحة التانك

عندك حق نسيت أقول المعلومة دى شكرا جزيلا وهى لما بتضغط عليها حتى لو مركبها غلط وابتديت تربط هتلا قيها لوحدها ضبطت مكانها على طول

وعند السهم اللى فى الغطاء دا هتلاقى تحته حتة بلاستيك طويلة عبارة عن دليل للتركيب ليها مكان فى صاج التانك

وأكرر كلامى لو ركبت الطرمبة من غير ما تطابق ا تجاه السهم مع الفتحة اللى فى بق التانك من فوق هتلف لوحدها مع الربط وهتنزل مكانها

ولازم تستعمل مفتاح خاص بالطرمبة

السلام عليكم

الأخ صاحب الموضوع بارك الله فيك وفي جميع الزملاء
بصراحة انا استفدت كتير من هذا المنتدى والقائميين علية
جزاكم الله خير الجزاء
اخي العزيز انا لسة جديد فى موضع العربيات ولسة جايب ميجان 2006 مستعملة اوتوماتيك وبتبطل مني
بصراحة شاكك فى طلمة البنزين وكنت عاوز اعرف فلاتر البنزين القيهم فين وازاى ممكن انظفهم او اغيرهم ومعلش سؤال كمان هو انا بفك الكنبة الخلفية بالكامل علشان اوصل للطلمبة
ولك جزيل الشكر

يمكن عند إعادة تركيب الطرمبة تثبيت الجوان باستخدام الكلة