السلام عليكم
امبارح نزلت الصبح لقيت العجلة الخلفية شبه على الارض روحت مطلع العدة وغيرت العجلة وركبت الاستبن ورحت لبتاع كاوتش ثقة من زمان .. المهم عمل العجلة وكان فيها خرم واحد الحمد الله
قلتله يبص على العجلة الامامية شمال لانها بتريح بس على خفيف جداً يعنى لو مزود ومخليها على 30 على بعد اسبوعين القيها على 25 مثلاً قلت يبص عليها بالمرة علشان كنت بصيت عليها قبل كدة عند واحد على الطريق فى سفر بس من غير ما اخلعها وقالى مفيش حاجة ..
فك وكشف عليها قالى العجلة سليمة بس البلف بيسرب وطلعلى نوعين من البلف واحد اسود زى اللى راكب فيها وقالى بــ 15 جنيه والتانى نيكل وكبير كدة بــ 25 جنيه قلتلة لاء خلينا فى ابو 15 جنيه وهيبقى كلة شبه بعضة
المهم الحمد الله ركب وتمام التام ... ربط 3 مسامير وجينا فى الرابعة تربط وتيجى على الاخر وتلف على الفاضى ... طلع يعم المسمار قالى السن بتاعة مفوت .. دور عندة على واحد مقاس 17 ملقاش قالى هاته من اى حد فى سكتك
المشكلة بقى انا عندى الاربع عجلات متركب فيهم طقم مسامير فولكس ( بصراحة محترمة ) ومش نيكل المسمار بيبقى اللانكية وصامولة فى نفس الوقت ..
اجيب منين المسمار دة علشان يبقى الطقم كلة زى بعضة علشان المسامير اللى فى السوق كلها نيكل وصينى
المفضلات