الموضوع: ايه الفرق بين الفئة 3 و 5 و 7 ؟

متابع

حضرتك انت بتتكلم عن 3 فئات مختلفين تماما عن بعض يعنى كأننا بنتكلم عن ياريس و كورولا و كامرى مثلا و هوضحلك أكتر و أنا هتكلم فى الموضوع عن موديلات 2013 طبعا


نبدأ بالفئه الثالئه و الرمز بتعها F30 و دى العربيه من فئه السيدان المتوسطه و دى ممكن تقارنها بمرسيدس C-Class او Audi A4 و فيه منها فئات طبعا و كل فئه ليا موصفاتها اولها ال 316 و دى أصغر موتور فيهم 1600cc و سعرها يبدأ من 304,000 إلى 324,000 لأعلى فئه
و بعدها ال 320 و دى موتور أكبر2000cc و سعرها يبدأ من 378,000 إلى 412,000
و بعدها ال 328 و دى موتور 2000cc تربو و سعرها 488,000
و أخرهم 335 و أقواهم من حيث الاداء بموتور 3000cc تربو و سعرها 525,000 ودى صورتها





تانى عربيه تبقى الفئه الخامسه و الرمز بتعها F10 و العربيه دى من فئه السيدان كبيره الحجم و دى ممكن تتقارن بال E-Class او Audi A6 و فيه برضو منها فئات و كل واحده تفرق عن التانيه فى كماليات و حاجات كتييير و اول فئه فيها ال 520 بمحرك 2000cc و سعرها يبدأ من 500,000 إلى 558,000
تانى فئه ال 528 بمحرك 2000cc تربو و سعرها من 598,000 إلى 685,000
أخر فئه ال 535 بمحرك رهيييب 3000cc تربو و سعرها 800,000 ودى صورتها




أخر فئه و أكثرها فخامه و دى أفخم ما تنتج BMW قبل ال Rolls Royce طبعا و دى فيها خزعبلات حرفيااااا و راحه فوق ما تتصور و دى تتقارن بال S-Class و ال Audi A8 و هنا فى مصر هى فئه واحده بس بسبب سعرها و بتنزل 740 بموتور 4000cc و سعرها 1,200,000 ودى صورتها





أتمنى أن أكون أفدتك بالموضوع على أد ما أقدر و لو أحتجت تسأل عن فرق الفئات و الاسعار و كده ممكن تزور فروع BMW إلى منهم مثلا إلى على الطريق الدائرى ناحيه المعادى ادام برج سما الناحيه التانيه أو إلى فى شارع التسعين فى التجمع الخامس أو إلى على الأوتوستراد بعد النادى الأهلى