محتاج ارائكوا بين ال 2
قطع غيار ال 2 قريبه من بعض
ال 2 ثبات و امكانيات جمده
صقر قريش جمبى للميجان و فى ميكانيكيه اوبل قريبين برضه
تنصحونى بانهى
طبعا هنكشف فى التوكيل
عرض للطباعة
محتاج ارائكوا بين ال 2
قطع غيار ال 2 قريبه من بعض
ال 2 ثبات و امكانيات جمده
صقر قريش جمبى للميجان و فى ميكانيكيه اوبل قريبين برضه
تنصحونى بانهى
طبعا هنكشف فى التوكيل
متابع
اظن اعتمادية الاسترا افضل شوية (مجرد ظن)
بس الميجان افضل كعربية
الميجان هتخليك تكره حياتك
وتجار قطع الغيار قاعدين وجاهزين لذبح الزبون
مفيش حد للاسف رد بمنطقيه او دليل بس شكرا للاهتمام و فى انتظار رد الخبراء
انا رديت عليك في موضوعك في قسم رينو
هو حضرتك ركبت الميجان بالتحديد ؟؟ اصل حضرتك كاتب رينو بس؟؟
طب هو انا لما سالت على قطع غيار الاتنين تقريبا كانوا نفس الرينج
ولا حضرتك اصدك ان الميجان اعطالها كتيير؟؟
طب لو كده هل كهربا ولا ميكانبكا و هل الاسترا افضل فى الموضوع ده؟؟
انا اسف انى بطول عليك بس الشراء صعب و القرار لازم ناخد فيه راى المجرب
انا بسال فى الاوبل و فى الرينو كمان عشان اشوف راى الناس هنا و هنا
والله يا دكتور مفيش عربية بهدلتني زي الرينو
يعني ممكن اديلك مثال في شكل قصة قصيرة
كان التكييف مش عاجبني ، رحت توكيل المقطم ، قالولي تعالى بكرة الصبح
رحت تاني يوم ، وقفت في طابور طويل أكتر من 4 ساعات ، لما جه دوري قالولي عربيتك خليجي واحنا ما بنشتغلش فيها ، قلت له ليه ما قلتش كده امبارح ، المهم مشيت ورحت مركز خدمة معتمد
قالولي التكييف عاوز شحن بس ، قلت له اشحن ، دفعت 250 ومشيت لقيت التكييف زي ما هو
رجعت تاني يوم من الصبح لحد المغرب ، قالولي ماسورة عاوزة تغيير ، قلت ماشي دفعت ولقيت التكييف زي ماهو بدون تغيير ، رجعت تالت يوم من الصبح للمغرب ، بعد كشف طويل مش عارفين ، استدعوا صاحب المركز بنفسه ، يمين شمال ، في النهاية قالولي المروحة عاوزة تغيير قلت بكام قالولي 2000 جنيه ، قلت له يفتح الله ، مش عاوز تكييف ، انا لو باعمل تكييف من أول وجديد خيكون أرخص
ده مجرد مثال
وممكن أحكي لك قصص تانية كتير لو عندك وقت عن صقر قريش وما أدراك ما صقر قريش
الخلاصة اني صرفت عليها كتير ، واتبهدلت وبعتها بالخسارة
أنا مغايا دلوقتي ريتو 5 سوبر ، وباعمل شغلها بنفسي لأني حافظها مسمار مسمار
يعني لما لقيت الموتور والعفشة بعافية ، اشتريت نص عربية شبه زيرو وفك وركب بنفسي بدون تدخل أي كفتجي ، ودور وامشي في نفس اليوم
أنا لا أنصحك إطلاقا بالميجان
تحياتي يا دكتور
والله يا دكتور أنا شايف الاكتافيا محبوبة وبتحافظ على سعرها
والانواع الثلاثة ألماني ، يعني إذا قررت تركب ألماني
يبقى الافضل الاسكودا عشان لو حبيت تبيع ما تخسرش
ده طبعا بشرط ان تكون السيارة بحالة جيدة
هذا رأيي الشخصي وقد أصيب وقد أخطئ فسامحني
وتقبل تحياتي
باشا يا ريت لو تقول بالظبط العربية اللي بتتكلم عن تجربتك معاها رينو ايه بالظبط
ان كانت مش ميجان فيا ريت حضرتك ما تعممش تجربة عربيتك على عربية تانية مفروض ان ليها مميزات تانية و عيوب تانية و سيب الامر ده لملاك العربية التانية دي , طبعا باقول لو , حضرتك ما قلتش و انا فعلا مش عارف
بالنسبة لصاحب الموضوع , انا ليا قريب معاه استرا موديل 2000 مانيوال
العربية حلوة كعربية فعلا , قطع غيارها مش رخيصة و فيها تكنولوجيا برده
بس الميجان اعلى منها كعربية بصورة واضحة تحسها لما تركب دي و دي
الميجان عموما مع اللي يشتريها حسب حالتها , يعني لو جبتها متهانة هاتكره العربيات كلها , جبتها كويسة مش هاتعرف تركب حاجة بعدها الا لما تحط عليها قد تمنها على الاقل
كمشاكل , نتشة في الفتيس في موديلات 2006 الشكل القديم و ما قبلها , ترس ديفيزور مفروض بيتغير بالتقريب كل 80 الف مثلا , العربية فعلا مش اي حد يشتغل فيها , و الاسترا زيها بالمناسبة , الميجان بيشتغلوا فيها في صقر قريش و الاسترا في الحرفيين
التكييف في العربيتين اوروبي , فمش التلاجة يعني , تكييف نص نص
الاتساع و الفخامة و الكماليات و الارتفاع عن الارض لصالح الميجان
التوكيل في صالح الميجان بفرق واضح
التسارع مش عارف بس طلعتهم تقيلة الاتنين
اعادة البيع في الاتنين زي بعض تقريبا برده
بالنسبة للاوكتافيا الa4 هي احسن من الميجان في الاعتمادية و اعادة البيع , و تقريبا زي بعض في التسارع و قطع الغيار و ممكن الثبات , لكن الميجان تتفوق عليها باكتساح في كل حاجة تانية
بالمناسبة رأيي انا ان الميجان تتقارن مع الشكل اللي بعد ده في ﺍﻻﺳﺘﺮﺍ
ارجو ان حضرتك تكون متفهم دوافعي في الكلام ده و عارف الاسباب اللي بتخلي الواحد يحرص في الاحتياطات ﺩﻱاقتباس:
المشاركة الأصلية كتبت بواسطة hilal
أستاذ تامر
سيادتك أكيد عارف ان موديل 2005 و 2006 فيهم مشاكل
والدليل ان أرخص موديل في الميجان 2 هو 2005 و 2006
طبعا هي عربية فخمة ، وخامات ممتازة ، وركوبة محترمة
بس المشاكل اللي قابلتني كانت لان كان لازم أسال عن المشاكل قبل ما انبهر بالشكل
يعني مثلا تلاحظ ان تويوتا 2008 جنوب أفريقيا أرخص من 2007 ، ليه؟
وكنت على وشك اشتريها لأنها كانت بحالة الزيرو وصاحبها عامل فيها فرش جلد طبيعي ب 5000 جنيه والعربية مفيهاش خدش واحد
بس سألت متخصص وقاللي ان فيها مشاكل في الفتيس ونصحني أبعد عنها ، أخذت بالنصيحة
تقبل تحياتي لشخصك الكريم
انا مازلت حاسس ان حضرتك متضايق مني :)
انا و الله بادقق على ان اللي بيتكلم يبقى مالك للعربية حرصا بس على دقة المعلومة
انا بصراحة اللي اعرفه من ملاك الموديل ده ان الفرق بينه و بين phase 2 اللي هو من 2006 لحد 2010 هو سوفتوير الفتيس بس و كله التوكيل حدثه مجانا
في العموم زي ما قلت اي حد جاب ميجان و ما كانش كاشف عليها كويس بهدلته معاها , دي كلنا عارفينها
لكن عموما كشف التوكيل بيحل القصة دي من جذورها و ياما ناس اشترت و وقعت في عربيات كويسة جدا
ارجو ان حضرتك ما تكونش متضايق و ارجو المعذرة :)