الموضوع: اوبل استرا 2004 ولا رينو ميجان 2006

متابع

الميجان هتخليك تكره حياتك
وتجار قطع الغيار قاعدين وجاهزين لذبح الزبون

المشاركة الأصلية كتبت بواسطة dr_tamer14

مفيش حد للاسف رد بمنطقيه او دليل بس شكرا للاهتمام و فى انتظار رد الخبراء

وهل من المنطق انك تسال عشاق اوبل عن افضلية ميجان عن اوبل؟
أنا ركبت الاثنين واديتك نصيحة مخلصة من الآخر ، والتجربة أفضل دليل إذا كنت تسأل عن الدليل
وفي النهاية يقول الحكماء:
لولا اختلاف الاذواق لبارت الاسواق

المشاركة الأصلية كتبت بواسطة dr_tamer14

هو حضرتك ركبت الميجان بالتحديد ؟؟ اصل حضرتك كاتب رينو بس؟؟

طب هو انا لما سالت على قطع غيار الاتنين تقريبا كانوا نفس الرينج

ولا حضرتك اصدك ان الميجان اعطالها كتيير؟؟

طب لو كده هل كهربا ولا ميكانبكا و هل الاسترا افضل فى الموضوع ده؟؟

انا اسف انى بطول عليك بس الشراء صعب و القرار لازم ناخد فيه راى المجرب

انا بسال فى الاوبل و فى الرينو كمان عشان اشوف راى الناس هنا و هنا

والله يا دكتور مفيش عربية بهدلتني زي الرينو
يعني ممكن اديلك مثال في شكل قصة قصيرة
كان التكييف مش عاجبني ، رحت توكيل المقطم ، قالولي تعالى بكرة الصبح
رحت تاني يوم ، وقفت في طابور طويل أكتر من 4 ساعات ، لما جه دوري قالولي عربيتك خليجي واحنا ما بنشتغلش فيها ، قلت له ليه ما قلتش كده امبارح ، المهم مشيت ورحت مركز خدمة معتمد
قالولي التكييف عاوز شحن بس ، قلت له اشحن ، دفعت 250 ومشيت لقيت التكييف زي ما هو
رجعت تاني يوم من الصبح لحد المغرب ، قالولي ماسورة عاوزة تغيير ، قلت ماشي دفعت ولقيت التكييف زي ماهو بدون تغيير ، رجعت تالت يوم من الصبح للمغرب ، بعد كشف طويل مش عارفين ، استدعوا صاحب المركز بنفسه ، يمين شمال ، في النهاية قالولي المروحة عاوزة تغيير قلت بكام قالولي 2000 جنيه ، قلت له يفتح الله ، مش عاوز تكييف ، انا لو باعمل تكييف من أول وجديد خيكون أرخص
ده مجرد مثال
وممكن أحكي لك قصص تانية كتير لو عندك وقت عن صقر قريش وما أدراك ما صقر قريش
الخلاصة اني صرفت عليها كتير ، واتبهدلت وبعتها بالخسارة
أنا مغايا دلوقتي ريتو 5 سوبر ، وباعمل شغلها بنفسي لأني حافظها مسمار مسمار
يعني لما لقيت الموتور والعفشة بعافية ، اشتريت نص عربية شبه زيرو وفك وركب بنفسي بدون تدخل أي كفتجي ، ودور وامشي في نفس اليوم
أنا لا أنصحك إطلاقا بالميجان
تحياتي يا دكتور