الموضوع: مشكلة غير مفهومة في سكودا فليشيا 97

السلام عليكم ورحمة الله وبركاته
أنا أشتريت عربية فليشيا مو 97 وبعدين لاحظت إن عداد ال rpm مش ثابت ولكن بيتهز ( بمعني وأنا واقف سلانسيه بلاقيه بيتهز حوالين 1000 rpm)

وفجاءة بدأت تنتش مني وأنا ماشي علي الرابع وبعد كده بقيت بتنتش علي الغيار التاني حتي وتبطل وهيه ماشية.
أنا غيرت سير الكاينة وغيرت فلتر البنزين والزيت وكان صاحبها لسة مغيرلها طرمبة البنزين ونظفت الكاربراتير مرتين.
المهم الميكانيكية قالوا في الأخر ده عيب مشط الأسبراتير فغيرته وجبت واحد صيني والعربية مشيت زي الفل لمدة 5 أيام ثم رجعت تقطع تاني. غيرت البوجيهات مرتين وبرضه مفيش فايدة.
الغريبة إن العربية أول لما أشغلها الصبح وأمشي بيها بتبقي ناعمة وجميلة ولكن بعد نص ساعة أو ساعة سواقه بلاقيها بدأت تقطع وتفصل وهيه ماشية وعداد ال rpm بيبقي زي المجنون بوصل لأخره ويمكن يلف دوره كاملة حوالين نفسه.

الخلاصة غيرت الأتي:
1- نظفت الكاربراتير مرتين (مع العلم إني بمون بنزين 92) وظبطت التاكيهات
2-غيرت البوجيهات مرتين
3- غيرت سير الكاتينة بالتروس وفلتر البنزين والزيت
4- صاحب العربية كان لسه مغير طرمبة البنزين
5- غيرت شاكوش الأسبراتير
6- غيرت مشط الأسبراتير (بس واحد صيني)

انا كان عندى نفس المشكلة بس فى الريجاتا قبل ماجيب الفليشيا وفعلا بعد عزاب اكتشفنا ان المشكلة فى المشط وغيرتة مرتين لان الصينى سئ جدا ومفيش تركى او ايطالى فهات استيراد وريح نفسك وربنا معاك.