الموضوع: نصيحة فى شراء سيارة فورد مونديو 1998 .. ؟؟

السلام عليكم ورحمة الله وبركاته

انا قدامى عربية فورد مونديو 1998 .. بصراحة انا خايف من ندرة قطع الغيار والاهم الصيانة بتاعتها لانى اعرف انى مش اى حد يشتغل فيها وكمان انا من طنطا ومعرفش فى حد موجود جبنى شغال فيهم وكفاة ولا لا ... والعربية مواصفاتها 1600 cc - مانيوال - 110000 ك م - والحالة فبريكة دواخل ورشة بره نظافة والتكييف عايز خرطوم كبس واعادة شحن ومعرفش هايتكلف كام ؟؟؟

تنصحونى باية خصوصا موضوع الصيانة .. ولكم جزيل الشكر

استاذ ميدو سعر الماتور اللى حضرتك بتقول عليه ده غير منطقى و مش واقعى
انا جايب ماتور الاسكورت ال 1600 الانجكشن (هو نفس ماتور المونديو باختلاف الكنترول و ضفيرة الكهرباء ) ب 4500 من سنة تقريبا . اسأل تانى حضرتك .
و بالنسبة لموضوع المونديو هى قطع غيارها متوفرة فى القاهرة كتير جديد ة مستعمل . الحرفيين . الوكالة . و فيه فى عمارات رامو فى مدينة نصر . و فيه فى جسر السويس . و كتير يعنى
هى غالية شويتين . بس معمرة حتى فى الاستيراد . و عربية ركوبة ممتازة و احسن من اى عربية فى فئتها السعرية عن تجربة.
و لكن . . . . .
اهم حاجة فى العربية دى الصنايعى اللى هايشتغل فيها . ما ينفعش حد مش فاهم فيها يفتى فيها و الا هاتحس بقرف و مهانة . ده اولا
ثانيا الصنايعى ده لازم يكون قريب منك لان لا قدر الله لو حصل حاجة مش هاينفع تقطرها او ترفعها لحد مصر .
بالنسبة لقطع الغيار هى مالية القاهرة و بورسعيد و الاسماعيلية . و ما تقلقش لأنك كل فين و فين عقبال ما تحتاج لها حاجة ان شاء الله .
بس اهم حاجة الصنايعى و لازم يكون قريب منك افضل