لو إقدرت تنزل فى تمن العربية 3 الاف جنيه تبقى حلوة و توكل على الله لو ما إقدرتش توكل على الله و إشتريها زيرو (رغم تحفظى على التقفيل المصرى) .
عرض للطباعة
لو إقدرت تنزل فى تمن العربية 3 الاف جنيه تبقى حلوة و توكل على الله لو ما إقدرتش توكل على الله و إشتريها زيرو (رغم تحفظى على التقفيل المصرى) .
انا رأى انك تجيب زيرو
الجديد جديد برضة
الزيرو حاجة تانية خالص
+1اقتباس:
هل هى 1300 وللا 1600؟
لو 1300 فلا انصحك بها لأن ال1300 قليل جدا على جير أوتوماتيك
وبعدين لما يكون الفرق بين عربية موديل سنتين فاتوا وعاملة 30 ألف كيلومتر واختها اللى على الزيرو هو 4 آلاف جنيه فقط!!!!!!!!!!!!!!!!!!!!!!! ده غير انك هتدفع تسجيل حوالى أكثر من 1000 يعنى الفرق أقل من 3000 جنيه لان الزيرو مالوش رسوم تسجيل ،والفرق البسيط ده هتاخد بيه 30 ألف كيلومتر زيادة واكياس الفابريكة وضمان من الأول وشكل مختلف وصاج خارجى مافيهوش خدش (هل خدت بالك ان الفوانيس الخلفية والشبكة الامامية والإكصدام والطاسات مختلفة) وتنقى اللون اللى انت عايزه ،(يوجد حاليا 8 ألوان بعد نزول 3 ألوان جديدة) وكاوتش وبطارية جداد
متهيالى انا لو مكانك هشترى نيسان زيرو، لكن العربية اللى انت بتتكلم عليها حاليا مينفعش سعرها يزيد عن 80 ألف جنيه لو هى 1600، لو هى 1300 مفروض يقل عن كدة شوية كمان
+1اقتباس:
استاذ عادل التقفيل الياباني مالوش حل اه لما تبقي حتجيب زيرو انما زي ما قالك الباشمهندس سبعاوي كده العربيه عامله 30 الف كيلو يعني مش زيرو و مهما كانت اكيد لما تجيبها حتصرف عليها كاوتش او مساعدين و حضرتك بنفسك بتقول حالتها 9 علي عشره؟؟ ف يبقي ليه المخاطره غير كده ان الساني المصري موتورها ياباني و مافيهاش حاجات مصري كتير بس الاساسيات كموتور و عفشه و الحاجات دي ياباني.يبقي الاحسن انك تجيب زيرو و تريح دماغك.
الزيرو له طعم تاااااااني حتي لو 128!!!
انا مش عارف ليه الناس متحاملة على الصنى التقفيل المصرى كده ليه مع انى شايف انه كويس جدا
وبعدين فى الاخر ماهى عربية يابانى برضه
لا زيرو ولا مستعمل خليك كده احسن
الميزة الوحيد فى المصرى انه لسه زيرو انما اليابانى 2005 فيه امكانيات اكتر من المصرى بكتر يعنى ex صالون اليابانى 2005 نفس مواصفات السوبر صالون 2008 اما ex صالون المصرى مفيهوش الامكانيات دى يعنى مثلا الراديو منفصل عن الكاسيت كلا على حدا الكنبة الخلفية بها مخدع وبعض الاشياء الاخرى . لك الاختيار.
زيرو احسن
خليك مع المصرى الى هو مش مصرى هو يابانى اساسا ومتجمع هنا مصر معملتش غير الفوطة الى بيتمسح بها زجاج الصنى هى دى المكونات المصرية. هو من امتى واحنا بننتج سيارات دول بس شوية موكيت وخراطيم وكراسى وكله ده بعيد عن الاساس العفشة والموتور.
والله ولى التوفيق