هل نيسان صنى يابانى 2005 احسن من مصرى زيرو

**adel ibrahem** · 02-07-2007 06:10 PM

ارجو الرد من الخبراء
انا معروض على عربية نيسان صنى يابانى 2005 عاملة 30،000 ك فابريكة بره و جوه 9 على10
اوتوماتيك نبيتى بحوالى 86000 جنية
هل يوجد فرق كبير بينها و بين المصرى
هل السعر مناسب احسن اركب يابانى عاملة 30،000 ك من الزيرو التجميع المصرى
هل فيه فروق بينها و بين التجميع من حيث قطع الغيار لحسن يكون فيه اختلاف فى قطة ولا اثنين ادوخ عليهم
ايه رايكم ادام الله عمركم
مع العلم انا ممكن اشترى لانسر جديد

**sab3aawy** · 02-07-2007 06:18 PM

هل هى 1300 وللا 1600؟

لو 1300 فلا انصحك بها لأن ال1300 قليل جدا على جير أوتوماتيك

وبعدين لما يكون الفرق بين عربية موديل سنتين فاتوا وعاملة 30 ألف كيلومتر واختها اللى على الزيرو هو 4 آلاف جنيه فقط!!!!!!!!!!!!!!!!!!!!!!! ده غير انك هتدفع تسجيل حوالى أكثر من 1000 يعنى الفرق أقل من 3000 جنيه لان الزيرو مالوش رسوم تسجيل ،والفرق البسيط ده هتاخد بيه 30 ألف كيلومتر زيادة واكياس الفابريكة وضمان من الأول وشكل مختلف وصاج خارجى مافيهوش خدش (هل خدت بالك ان الفوانيس الخلفية والشبكة الامامية والإكصدام والطاسات مختلفة) وتنقى اللون اللى انت عايزه ،(يوجد حاليا 8 ألوان بعد نزول 3 ألوان جديدة) وكاوتش وبطارية جداد

متهيالى انا لو مكانك هشترى نيسان زيرو، لكن العربية اللى انت بتتكلم عليها حاليا مينفعش سعرها يزيد عن 80 ألف جنيه لو هى 1600، لو هى 1300 مفروض يقل عن كدة شوية كمان

**adel ibrahem** · 02-07-2007 06:22 PM

1600 cc

**adel ibrahem** · 02-07-2007 06:24 PM

بس الناس بتقول التقفيل اليابانى مالوش حل

**معاذ الشرباصى** · 02-07-2007 07:36 PM

بس الناس بتقول التقفيل اليابانى مالوش حل

الفروق مش كبيرة

اما ركبت الاتنين, اشترى زيرو احسن

او نزل سعر العربية دى

**hazem_khidr** · 02-07-2007 07:36 PM

استاذ عادل التقفيل الياباني مالوش حل اه لما تبقي حتجيب زيرو انما زي ما قالك الباشمهندس سبعاوي كده العربيه عامله 30 الف كيلو يعني مش زيرو و مهما كانت اكيد لما تجيبها حتصرف عليها كاوتش او مساعدين و حضرتك بنفسك بتقول حالتها 9 علي عشره؟؟ ف يبقي ليه المخاطره غير كده ان الساني المصري موتورها ياباني و مافيهاش حاجات مصري كتير بس الاساسيات كموتور و عفشه و الحاجات دي ياباني.يبقي الاحسن انك تجيب زيرو و تريح دماغك.
الزيرو له طعم تاااااااني حتي لو 128!!!