عرض للطباعة
السلام عليكم و رحمة الله
واحد صاحبي معاه هيونداي أكسنت 1500 .. موديل 99
عاوز يحولها لأتوماتيك .. عشان بتاعة والده و راجل كبير و كده
هو معندوش مشكلة انه يشتري فتيس أتوماتيك أو موتور بفتيسه .. و رادياتير و كونصوله .. بس هو مش عاوز يلعب في الشاسيه .. يعني في اللانوس بيبقى في فردة شاسه محتاجه يتغير فيها حاجه .. هل في الهيونداي نفس الكلام؟
و هو مش عاوز يبيع العربية و يجيب واحده تانية أتوماتيك.
حد جرب يعمل الموضوع ده في هيونداي قبل كده؟
تقريبا بينزل عليها فتيس فيرنا اوتو بدون مشاكل ... اسأل اى عفشجى و هو هيفيدك .
الكلام ده أكيد ولا ايهاقتباس:
المشاركة الأصلية كتبت بواسطة myself112
انا شفت الحوار ده فى الفيرنا واتهري كتير الموضوع ده ومفيهوش مشاكل وبسيط
راى شخصى يا كريم (على فكرة احنا زمايل فى الشغل :_Alshmokh15[1]: ) بلاش موضوع التحويل لآن نسبه المشاكل فيه كتيير و هتغير حاجات كتيير زى الفتيس و الكنترول و ضفيرة الكهربا و الموضوع مش هيكون زى الأتوماتيك و هتفرق فى سعر البيع جداااااااا لآنه هيبقى مغير ضفيرهاقتباس:
المشاركة الأصلية كتبت بواسطة kar!m
:plusone1:اقتباس:
المشاركة الأصلية كتبت بواسطة haysam2000
الافضل تبيعها زي ما هي وتدور على حاجه اتوماتيك نضيفه
النتيجه مضمونه وهترحم نفسك من المرمطه مع الصنايعيه
اقتباس:
المشاركة الأصلية كتبت بواسطة haysam2000
و الله أنا كاتب بالأحمر انه مش عاوز يبيعها عشان مسمعش الرد ده :-)اقتباس:
المشاركة الأصلية كتبت بواسطة mhkorayem
ما هو اي رد تاني غير كده ممكن يخلي صاحبك يبيع العربيه برضوا بس بعد ما يتمرمط مع الصنايعيه ويدفع فلوس كتير وفي الاخر تبوظ منه ويبيعها بخسارهاقتباس:
المشاركة الأصلية كتبت بواسطة kar!m
الواحد لما بيغير لمبه بيبقى حاطط ايده على قلبه احسن يبوظوا حاجه أقوم اغير فتيس بحاله وسليم كمان
ياباشا ده انا رحت اغير لمبه محروقه في الطابلوه (لمبه بشلن) كسروا القطعه الخاصه بزراير ضبط الساعه وعدادات المسافات ولفيت كعب داير عشان الاقيها ولما لاقتها طلعت معديه الـ 300 جنيه ده عشان اتجننت في عقلي وقررت اغير لمبه محروقه
يبقى ازاي الواحد يطمن يغير فتيس كامل
يا باشا نصيحه لوجه الله يا يبيعها ويجيب حاجه اتوماتيك نضيفه يا يسيبها زي ما هي
لو قلتلك غير كده يبقى انا راجل مش تمام
السلام عليكم
وجزى الله خيرا، كل من ينصح أخيه في الله
اخي العزيز، ان تغيير من عادي إلى أتوماتيك، محتاجة حد يكون مستغني عن العربية، علشان يلعب فيها اللعبة دي، ويكون هيعملها بأيده، ويكون عنده ورشة، واذا العربية لم تعمل بالشكل المطلوب، يقوم يرجع كل حاجة زي ما كانت، والاخوة هنا ما شاء الله عليهم، أبلغوك بالرد المفيد، وبلاش تبهدل نفسك مع الصناعية، وفي الاخر برضه تبيع العربية بخسارة فادحة
يا جدعان ده انا اعرف واحد عامل
بيتلز 2010
كورولا 2001
كورولا 98
من مانيوال لاوتوماتيك وزى الفل
وناس صحابي كتير اوى عملو الحوارات دى
بس اهم حاجه تبقى فاهم انت بتعمل ايه علشان متعكش الدنيا والمصاريف تفتح معاك على الفاضي
اما لو ملكش خبره بالعربيات يبقى الاحسن زى ما الناس قالتلك انك تبيعها ( انا عارف ان الكلمه دى بتضايقك ) :tongue32:
الاخ الحبيب
انا كنت سالت فى الموضوع
بتجيب فتيس استيراد اوتوماتيك و ده كان سعره حوالى 800 و ضفيرة و ووحدة كنترول مش فاكر سعرهم بس انا فاكر ان التكاليف كلها بالمصنعية تقريبا كانت 3000
مفيش تعديل فى الشاسيه
المشكلة ان الفتيس الاوتوماتيك بتاع الاكسنت مش حلو و عمره قصير يعنى حسب الاستخدام برضه
بس لو هيعيش مثلا 3 سنين و بعدين تغيره يعنى طبعا فتيس لوحده بدون باقى المصاريف يعنى 800 بس
لو فكرت فيها هتلاقى انك هتغير طقم الدبرياج تقريبا فى الزمن ده و تكلفته 400 او 500 مثلا يعنى قريبة من بعضها
جزاك الله خيرا على المعلومات.اقتباس:
المشاركة الأصلية كتبت بواسطة meeezo333eg
يا إخواننا.متكسروش نفسية.الراجل ﻷن.الموضوع سهل وبسيط ولكن.يا صديقي الموضوع مش موضوع ميكانيكي الموضوع موضوع ورشة فتايس أوتوماتيك بس هو اللي يعملهالك على مسؤوليته هو يختار فتيس ويقلبهالك وإنت عليك تقفل مكان بدال الدبرياج وتجيب بدال أوتوماتيك بتاع الفرامل بيبقه عريض شوية وعصاية الفتيس وحبشتكناتها وتعيش حياتك وإوعه تروح لميكانيكي تروح لبتاع فتايس أوتوماتيك هو حيحللك الموضوع ودمتم للنضال