عاوز الخلاصة والمفيد بخصوص شاريد موديلات التسعينيات

**mous6fa** · 12-06-2013 03:45 PM

السلام عليكم .. بإختصار انا ركبت عربيات كتير جدااا ولكن فى الفترة الحالية عاوز عربية عملية وصغيرة لإستخدامي الشخصي وتكون رخيصة .. أتحققت المعادلة دي مع الدايهاتسو الشاريد مو 90 لحد 93 وخصوصا الموديلات 2 باب منها لإنها هتكون سيارة شخصية ليا فقط لوجود سيارة أخرى للعائلة ..
عشان كده بعد أذن حضراتكم أنا عاوز المفيد والخلاصة والفايدة بخصوص العربية دي .. يعني تستاهل الفلوس ولا لأ !! [gdwl]قطع الغيار الجديدة متوفرة وسعرها معقول ولا كله إستيراد فقط !![/gdwl] هل فى عيب مشهور الواحد يركز عليه وهو بيتفرج عليها ولا لأ !!!
الرجاء الإهتمام بالرد من حضراتكم وخصوصا جزئية قطع الغيار .. وشكرا جزيلا لحضراتكم ..

**wghazi** · 15-06-2013 03:15 PM

السلام عليم

بخصوص سؤالك عن العربيه وبعد تجربتها اكتر من 4 سنين اقدر اقولك مش خساره فيها الفلوس اطلاقا العربيه فيها مميزات كتير بالنسبه لسعرها اولا هى من العربيات الثابته جدا على الطريق . ناعمه . عفشه قويه . مكيفه
بالنسبه لقطع الغيار ح تلاقى كتير منها جديد وفى حاجات مش ح تلاقيها غير استيراد
مش ح اقدر اقولك ان قطع غيارها رخيصه بس فى نفس الوقت مش غاليه اوى زى ما الناس بتقول بس اللى يعوض ارتفاع سعر قطع الغيار انها معمره لو ح تجيب الاصلى منها

اهم حاجه انك تلاقى العربيه اللى حالتها كويسه لان لو حالتها مش تمام ح تتعبك مهما صرفت عليها وقبل ده كله طبعا استخير ربنا

**ahmedabutaleb** · 18-06-2013 11:48 AM

هيا العربيه كانت مع واحد صاحبى وبصراحه جميله وكان بيشكر فيها جدا
وبالسعر بتاعها مش هتلاقى حاجه تانيه فيها نفس الامكانيات خالص

**mous6fa** · 20-06-2013 09:23 PM

متشكر جدااا ع ردوكم وتعاونكم يا رجالة .. بس أنا عندي سؤال برضو عامل صداع ف دماغي .. ....العربية جيلي ck الفروتة الموتور بتاعها هو نفس موتور الشاريد .. وليها قطع غيار مشتركة مع عربيات تانية برضو ... هل الواحد يجيبها بدل الشاريد اللى فات عليها ع الأقل 20 سنة ويكسب فرق موديل وسنين وإستهلاك !!! ولا برضو الياباني ياباني ومش هتفرق إنها ماشية بقالها 20 سنة وهتبقى أحسن من الجيلي الصيني !!!
سؤال محيرني بصراحة وخصوصا إنهم بنفس السعر .. يعني سعر الشاريد من 90 لـ 93 هو نفس سعر الجيلي 2004 و2005 ...

**Qmax** · 23-06-2013 03:06 AM

بالنسبه للشاريد معايا عمرها ما زعلتني ابدا لكن وقت ماكنت بشتريها كتير خوفوني منها لكن الحمدلله اني مسمعتش كلام حد وقبل ما اشتريها ولا كان يخطر في بالي حاجه اسمها شاريد ولا كان عندي اي فكره عنها
نصيحه اي عربيه هاتفكر تشتريها اهم حاجه حالتها

**Vobbynut** · 11-07-2013 08:06 PM

In my opinion you are not right. I can defend the position.

**elottack** · 15-07-2013 10:02 AM

At all personal send today?

**mohamed_rhem** · 15-07-2013 11:37 AM

المشاركة الأصلية كتبت بواسطة mous6fa

متشكر جدااا ع ردوكم وتعاونكم يا رجالة .. بس أنا عندي سؤال برضو عامل صداع ف دماغي .. ....العربية جيلي ck الفروتة الموتور بتاعها هو نفس موتور الشاريد .. وليها قطع غيار مشتركة مع عربيات تانية برضو ... هل الواحد يجيبها بدل الشاريد اللى فات عليها ع الأقل 20 سنة ويكسب فرق موديل وسنين وإستهلاك !!! ولا برضو الياباني ياباني ومش هتفرق إنها ماشية بقالها 20 سنة وهتبقى أحسن من الجيلي الصيني !!!
سؤال محيرني بصراحة وخصوصا إنهم بنفس السعر .. يعني سعر الشاريد من 90 لـ 93 هو نفس سعر الجيلي 2004 و2005 ...

:copy of majd(4):

انت بنفسك جاوبت العربية بقالها 23 سنه وفلوسها فيها اذن اكيد افضل من الصيني اللي بقاله 8 سنين كحالة وكأعطال

خلي بالك من الشاسية لان اغلب العربيات فيها مرمة في الشاسية خاصة الناحية الشمال