معلش تعالى على نفسك شويه

**Amrgamal1** · 13-06-2013 06:55 AM

انا معاك في كلامك يا باشمهندس عاشور
الناس لو دورت شويه و استخدمت ( ابحث في هذا المنتدي ) اللي فوق ع الشمال في صفحه القسم
هتلاقي اللي هي عايزاة و زياده لدرجه الملل
انا عن نفسي ببقي محتاج اعرف حاجات بخش اعمل سيرش مش بفضل اعمل مواضيع ع الفاضي
و اكتر حاجه بتضايقني بقي كتر الاسألة عن الحرارة هههههههه زي ما بيضايقك المواضيع اللي عن الايزي ترونك :)

**medo111** · 13-06-2013 09:40 AM

صاحب المشكله بيبقي متوتر وعايز يطمن ونفسو حد يرد عليه يطمنو سعات بيعمل موضوع وبيقعد يدور بردو بيعمل الاتنين وكلو في ميزان حسناتك

بس انت معاك حق سؤال زي بتاع الايزي ترونيك دا واضح ان صاحبو مش في مشكله يعني لو عمل بحث هيعرف علي طول

**MAHMOUDKOZZIKA** · 13-06-2013 09:59 AM

يا عاشور مش كل الناس عندها موهبه البحث عن المشكله وانه يلاقى حلها فى ناس معندهاش المبدأ ده ومتعودتش عليه وده الغالبيه العظمى من الناس وده مبيصدق يلاقى واحد فاهم وعنده ضمير عشان يسأله وياخد اجابته بسهوله من واحد دايس وهارس المواضيع دي كذا مره وفى ناس تانيه بتحاول تدور مر واتنين وتلاته وبتغلب وتسال فى الاخر برضه وفى ناس تالته بتدور لحد اما تلاقى اللى هى عايزاه .

وردا على سوالك انت غلطااااان

**mifs** · 13-06-2013 10:20 AM

استاذ عاشور حضرتك راجل زي الفل وعندك معلومات قيمة
اسمحلي هوا بس كلامك فيه شوية عصبية
اللي بيرد على الناس هنا قصده شيء لوجه الله
تقبل تحياتي

**romiobasha** · 13-06-2013 06:09 PM

المشاركة الأصلية كتبت بواسطة فادى محمد

ساعه الرادياتير في الرادياتير من الشمال لتحت شويه هتلاقي خارج منها فيشه ثلاثيه
ترموستات الكوع جوه الكوع الانتيمون اللي ورا خرطوم الرادياتير التخين (فوق شمال)
راجع مواضيع الورشه

المشاركة الأصلية كتبت بواسطة ayman hamdy

والله العظيم والله العظيم انت راجل محترم لان السؤال دة اتكرر اكثر من 1000 مرة من اعضاء كتير مترددين على هذا المنتدى الرئع ومع ذلك بتجاوب عليه بكل حب ولوجه الله تعالى وان دل ذلك فانما يدل على سعة صدرك وتفهمك يعنى ايه معنى كلمة منتدى يعنى تبادل خبرات وافادة الجميع سواء اللى عنده خبره او معندوش وذلك لوجه الله تعالى اكثر الله من امثالك وجعل كل علم علمته للناس للانتفاع به صدقة جارية لك يوم القيامة يوم ينقطع عمل ابن ادم لك كل الشكر والتقدىر والله العظيم انا بحبك فالله

حبيت اجيب مثال من موضوع تانى ده بعد اذن الأستاذ فادى
اصل التصرف ده عجبنى اوى و ده ممكن يبقى رد على الموضوع ده

**ayman hamdy** · 13-06-2013 06:12 PM

المشاركة الأصلية كتبت بواسطة ashourashour

انا بعتذر يا جماعه مش هرد على اسئله اتهرست في المنتدي و اترد عليها بما فيه الكفايه !!! و اكتر شويتين تلات اربع شويات !!!!

ممكن اللي بيسأل على معلومه في عربيه يفر المنتدى 5 دقائق بس مش اكتر

حتى بص عالمواضيع المثبته يا اخي

مش كدا حرام علك

الكسل اللي هيودينا فداهيه ده وكل واحد عايز الحاجه بالمعلقه !

متأخذونيش

ولو انا غلطان قولولي انت غلطان

تحياتي للجميع

استاذ عاشور انت راجل ممتاز وخدوم وعندك خبرة فى مجالك بطبيعة شغلك فى منصور قبل كدة ولكن المترددين على المنتدى في منهم من عنده خبرة لاباس بها وفي منهم الهاوى وفى منهم الجديد فى هذا المجال وفى هذا المنتدى ايضا ولا يعرف نظام الاطلاع على المشاركات والكل يحترم طبعا فهذا منتدى مفتوح للجميع لتبادل الخبرات والأراء والمعرفة فمن يجد عنده معلومة مفيدة ينفع بها الناس فليتفضل لوجه الله فاحنا هنا لمساعدة وخدمة بعض ويا استاذ عاشور لا انت غلطان ولا االاخوة الاعضاء غلطانين هذا منتدى لخدمة الجميع

**الهواء** · 15-06-2013 11:28 AM

اولا تحياتى ليك ياابوعاشور انت انسان محترم وبتساعد كل الناس احنا هانعتبر ده لحظه شيطانه واحنا مسامحينك هههه وانا شخصيا فاهم اللى انت تقصده ، تأتى من هنا اهميه الموضوع اللى اتعمل تحت اسم ورشه اوبل فكنا عايزين الموضوع ده يطور ويكون فيه كل الاصلاحات لجميع الاعطال وانواع سيارات الاوبل يعنى يكون فيه زى كتالوج لصيانه السيارت الاوبل ، واخيرا خادم الناس (سيدهم) طول بالك شويه.....