كاسيت سي دي اكس علي شاشه 2 خط !!

**sherif moneer** · 13-06-2013 04:47 AM

سلام عليكم :)
كنت سألت حضراتكو قبل كده ان الكاسيت عندي لما بيفتح بيجيب الشاشه ممسوحه
رحت لرمضان الكهربائي امبارح (في المنصوره) قالي روح لبتاع كاسيتات
رحت للمكاوي في شارع المديريه و فك الكاسيت وجربته علي شاشه عنده اشتغل وجايب safe
جاب كاسيت اوبل من عنده وجربه عندي برده الشاشه ممسوحه ومش قاريه حاجه
قالي ارجع لرمضان
رمضان قالي جرب تبرمج كمبيوتر روح لشكري ومكنتش حابب اروحله بس مضطر
احمد بتاع الكمبيوتر ركب وقعد بالجهاز يحاول يبرمج وفي الاخر مرداش يتبرمج وقالي ان الكاسيت ده بتاع سي دي اكس وانا عربيتي جي ال اس
المهم الموقف اللي حرقلي دمي بقي شكري جه وقف جمب العربيه وقالي مش العربيه دي اللي علي عبيه كان بيعملها وكان بيسقطها مكنة تيجرا؟ قلتله اه هيا قالي طيب
بعدها لقيت احمد قالي العيب في الشاشه وغير الشاشه وابقى تعالى تاني اول ما شكري خبط الكلمتين دول
ف انا عايز الحل بدل ما انا عمال اروح من هنا لهنا وكلها مصاريف ولف ع الفاضي
الكاسيت كان شغال زي الفل قبل كده علي نفس الشاشه بس لما العربيه اترشت واتقفلت ظهرت المشكله دي
ومفيش اي سلوك مقطعه في فيشة الكاسيت او الشاشه
اه وموقف ضحكني علي نفسي النهارده وهو اني مكنتش اعرف ان الفيكترا فيها اضائة نور الركن
اللي هو ممكن تنور الجمب اليمين لوحده والشمال لوحده واكتشفته النهارده بالصدفه :D

**ayman hamdy** · 13-06-2013 10:14 AM

اه وموقف ضحكني علي نفسي النهارده وهو اني مكنتش اعرف ان الفيكترا فيها اضائة نور الركن
اللي هو ممكن تنور الجمب اليمين لوحده والشمال لوحده واكتشفته النهارده بالصدفه how

**amr elsisi** · 13-06-2013 10:17 AM

المشاركة الأصلية كتبت بواسطة sherif moneer

سلام عليكم :)
ك
اه وموقف ضحكني علي نفسي النهارده وهو اني مكنتش اعرف ان الفيكترا فيها اضائة نور الركن
اللي هو ممكن تنور الجمب اليمين لوحده والشمال لوحده واكتشفته النهارده بالصدفه :d

وانا كمان عاوز اضحك علي نفسي ازاي

**فادى محمد** · 13-06-2013 11:49 AM

اضاءه الركن بتنور فيراني امامي وخلفي كل جنب لوحده حسب تحكمك فيه عن طريق دراع الاشارات بمعني...
لو راكن اقصي اليمين هتنزل دراع الاشارات لتحت بعد ماتنزل من العربيه هتلاقي فيراني الشمال كله منور علشان يحدد ابعاد العربيه الشمال والعكس صحيح لو راكن اقصي الشمال ارفع دراع الاشارات لفوق هينور الجنب اليمين كله

**ayman hamdy** · 13-06-2013 03:39 PM

المشاركة الأصلية كتبت بواسطة tarekzein

ولا فهمت حاجه
طب ده بيفيدنى فى إيه

ولا انا ومعلش يا استاذ فادى ايه معنى كلمة فيرانى؟؟

**فادى محمد** · 13-06-2013 04:46 PM

-الخاصيه دي موجوده في الالماني كله وهي..
-مثلا لو انك راكن في شارع ظلمه جنب حيطه مثلا (الحيطه علي يمينك)
محتاج تحدد ابعاد عربيتك (ال3 اضلاع المتبقيه) علشان مايجيش حد غشيم
مش شايفها يخبطها ..تمام؟
-في الحاله دي نزل دراع الاشاره (يمين وشمال) لتحت وانزل بعد ماتطفي الموتور
هتلاقي نص العربيه الشمال منور (الفيراني الامامي والخلفي الواطي) وطبعا العكس صحيح
لو راكن شمال هترفع الدراع لفوق علشان تنور النص اليمين
طبعا ده في حاله انك نازل تجيب حاجه وراجع علطول والا البطاريه تعيش انت يا حاج

**ayman hamdy** · 13-06-2013 04:58 PM

المشاركة الأصلية كتبت بواسطة فادى محمد

-الخاصيه دي موجوده في الالماني كله وهي..
-مثلا لو انك راكن في شارع ظلمه جنب حيطه مثلا (الحيطه علي يمينك)
محتاج تحدد ابعاد عربيتك (ال3 اضلاع المتبقيه) علشان مايجيش حد غشيم
مش شايفها يخبطها ..تمام؟
-في الحاله دي نزل دراع الاشاره (يمين وشمال) لتحت وانزل بعد ماتطفي الموتور
هتلاقي نص العربيه الشمال منور (الفيراني الامامي والخلفي الواطي) وطبعا العكس صحيح
لو راكن شمال هترفع الدراع لفوق علشان تنور النص اليمين
طبعا ده في حاله انك نازل تجيب حاجه وراجع علطول والا البطاريه تعيش انت يا حاج

ممتاز والله وديما متألق ربنا يزيدك كمان وكمان من علمه ومن حب الناس لك فانت تستحق كل الحب والاحترام

-

-

الموضوع: كاسيت سي دي اكس علي شاشه 2 خط !!

LinkBack

أدوات الموضوع

عرض

-

-

-

المواضيع المتشابهه

شاشه dvd

سعر شاشه alpine و كاسيت becker

ممكن نوع افضل كاسيت كويس يركب مكان كاسيت الانوس بسهولة

شاشه كاسيت m11

شاشه lcd

الكلمات الدلالية لهذا الموضوع

المفضلات

المفضلات

ضوابط المشاركة