السلام عليكم ورحمة الله و بركاته
يا جماعه انا اشتريت التيريوس من حوالي اربع شهور الا ايام بسيطه و من ساعة ما ركبتها الحمد لله مفيش واحد بتاع مرور وقفني بسبب الموضوع ده و الكام مره اللي حد وقفني كان عشان الزجاج الفاميه واول ما يشوف انه مثبوت علي الرخصه انها جيب مقفول و فاميه فابريكه بيحط لسانه جوا بقه و يسكت (ربنا يستر).
بس اعتقد ان سبب ان مفيش حد كلمني علي الاضافات انها كلها اصليه للسياره مش مجرد مكتوب عليها تيريوس وخلاص لان حتي في التوكيل في دفيندرات شكلها عادي وتتركب علي اي عربيه بس مكتوب عليها تيريوس انما في مجموعه هي الوحيده الاصليه للسياره يعني نازله عشانها هيا بس و شكلها وكانها جزء من السياره وليست دخيله عليها او انها تعديل وطبعا كمان سعرها تقريبا ضعف او مره ونص الكماليات والاضافات العاديه و طبعا زي ما اخونا العزيز تيمور قال انها مش بتحجب الرؤيه عن النمر ودي نقطة مهمه جدا.
وارجو من اخونا العزيز صاحب الموضوع انه ينزل صوره لعربيته عشان نشوف الكماليات اللي مركبها ونعرف شكلها عشان اللي عنده زيهاياخد باله.