-
دعامات التريوس والمرور
أعزائي اعضاء المنتدى (وخاصة مالكي التريوس)...
انا عندي تريوس ، وقد قمت بتركيب طقم دعامات كامل بالتوكيل بحوالي 4 الآف جنيه من 6 شهور . ولكن مع كل لجنة مرور أو أمين عايز شوية فلوس يتم سحب رخصة السيارة، و لكي استردها أذهب للمرور وأدفع اللي فيه النصيب. فهل في حل للمشكلة دي؟ أرجو المساعدة من خبراء المنتدى. وشكرا
-
اللي انا اعرفه انها مش مخالفه للعربيات الجيب
اي عربيه دفع رباعي ومن فئة الجيب اين كان حجمها لها الحق في تركيب هذه الدعامات
وأظن انه شوية استهبال من بتوع المرور مش اكتر
-
شكراً يا أبو عبدالله على مرورك الكريم وعلى الرد، ولكن هل في شئ يثبت الكلام ده. علشان الواحد للأسف ميعرفش ايه اللي ليه وايه اللي عليه في بلدنا :(
-
دي كلها زوائد
و فيها سحب رخص فعلا
الحاله الوحيده المسموح بيها الزوائد دي
انها تكون نازله من بلادها كده
يعني تكون من ضمن مواصفات السياره
زي الفاميه و فوانيس الشبوره
-
حاول حضرتك تروح التوكيل وتجيب ما يفيد أن العربية نازلة كده لو ينفع
لو عرفت روح بعد كده أثبتها على الرخصة وتبقى مشكلتك أتحلت
-
اللي اعرفه ان الدعامات دي ليها مواصفات قياسية
لانه لو دخل في اي عربية تانية ملاكي عادية دخلة بسيطة على سرعة 40 كم مثى هايبهدلة
عشان كدة هيا غلط في المرور ولما تيجي نازل الصحرا ابقى ركبها
لكن في وسط المدينة لو دخل في عربية ملاكي عادية البهدلة كلها لصاحب الملاكي
-
يا جماعة الماتركس مالية الشوارع و بشوقها مراكبة دفيندر و حاجات عجيبة و هى اساسا ملاكى
يبقى التريوس اللى هى جيب اساسا يبقى ممنوع , طيب و كل الماتريكس دى ماشية ازى
-
كل العربيات دي لو ضابط مرور رخم ممكن يسحب رخصه
و فيه ناس تتسحب رخصها و يشيلو الدعامات دي
و يروحوا المرور يفحصوا و بعدين يركبوها تاني
زيها زي الفاميه بالضبط
-
ممنوعه من المرور
لازم تكون مثبته من توكيل العربية وورق الجمارك إن الدفندرات جزء منها و ليست زوائد
في ناس كتير و ماتريكس و خلافه . . . احنا في مصر يا جماعه
-
شكراً على ردودكم القيمة، ولكن عندي استفسار:
واضح من كلام الأخوة ان الدعامات ممنوعة، طيب ليه في التوكيل مسموح بتركيبها؟
و بما ان توكيل ديهاتسو توكيل محترم ، ليه لا يتم تحذيري من مخالفتها من التوكيل؟
وهل يرضي ربنا اني ارمي 4000 جنيه في الأرض {الدعامات متركبة من كام شهر بس} حسبنا الله ونعم الوكيل...
Content Relevant URLs by
vBSEO 3.6.0 PL2