الموضوع: هاشتري لانسر سوبر اكشن 2006 ارجو المساعده

المشاركة الأصلية كتبت بواسطة mem

الاسعار غير منطقيه
نيسان 2008 اوتوماتيك بتعمل من 75 الى 80 حسب الحاله

انا معاك انه النيسان سعرها حلو بس انا عارف انه سعرها كده عشان اللي معاه كان واخده من قريبه ب50 اصلان فالما ينوي يبيع ب 60 ولحد قريبه تاني يبقي ماخسرش بس هي تمانها في السوق اعلي من كدة بس انا ناويت علي اللانسر مرتاحلها اكتر


شكرا يا جماعة انا تعبتكم كلكم معايا النهارده

المشاركة الأصلية كتبت بواسطة monamize4

اوعى تاكل من حوار رايح ايطاليا و لا رايح الصين ,, انت هتدفع فلوس مش ورق كوتشينة

روح المرور اللى العربية تابعة ليه و اتاكد ان ليها ملف هناك ,, و اتاكد كمان ان العربية سليمة من الناحية الجنائية يعنى مش مسروقة و لا عليها مصايب ,, لو العربية فيها توكيل او اكتر يبقى لازم تشوف تسلسل التوكيلات لحد اول مالك و اكشف على التوكيلات دى ف الشهر العقارى لو قدرت

احسن مكان تكشف فيه على العربية هو التوكيل و بلاش تكتفى براى السمكرى و الميكانيكى و اوعى تشتريها لو راشة دواخل ,, مش مهم العداد كام كيلو , المهم انها تكون سليمة صاج و ميكانيكا و كهربا و عفشة

السوبر اكشن مميزة بأن الفتيس و التابلوة جلد طبيعى طبعا غير ان فيها جنوط و سبويلر و فتحة سقف
غير كدة متبقاش سوبر اكشن

لو احتاجت حاجة انا تحت امرك

ما انا انشالله هاعمل كدة انا اصلان مش هاخلص العربيه غير لما اسجل علي طول في الشهر العقاري و كمان الفلوس الباقية هادفعهلهم علي كام شهر قدام مش هاكيشها كلها و انا قايلهم كدة فاهما عارفين انه لو فيها حاجة هاترجعلهم غير كدة انا النهاردة هاكشف عليها عند مركز صيانه و هايقيسوا الموتور و كل حاجة و انا انشالله تكون مافيهاش حاجة
ادعيلي انت بس
المهم العربيه الفتيس جلد لكن التابلوه اللي هو خشب ابنوس ده بس فيها ال سي دي تشانجر 6 سي دي و الجنوط و العتب وفتحة السقف والفوج لايت موجود فيها متهيائلي كدة تبقي هي السوبر اكشن بس مافيهاش سبويلر بيقول انه كان راكب و اتكسر من صاحبها (وارد برضوا )

للاسف طلع كلكم عندكم حق انا طلعت من بعد الشغل قولت ابص بقي علي العربيه في النور ولاقيت حاجات عجيبة بجد
اولا رشه سقف و شنطه و كبوت
الازاز القدماني ولا اللي وراني مرتاحين
السوكه اللي في السقف فوق مش مظبوطه خالص و ده دليل انها اتقلبت قبل كده
الصدر سليم لكن الكابوت مرحل كام ملي كده
والمفاجاة انه الكلام ده في عربيتين في معرضسن مختلفين الحمدالله اني ماخلصتش فيهم
فاضيلي النيسان لما اكشف عليها هابفي احكيلكم ايه اللي شوفته
شكر للجميع

والله من اول ماقريت موضوعك وانا حاسس كدة علي فكرة ربنا نجاك من مشاكل وبهدله لا تتخيلها اوعي يامعلم تقع في فخ تاني شكلك ابن حلال وطيب واسف يعني شكلك عاوز تشتري ومتسرع ونفسك تركب عربية وتفرح بيها لاكن لو وقعت في عربية فيها مشكله صدقني هتكره شئ اسمه العربيات انا اشتريت عربية رينو اقسم بلله وريتني ايام اسود من شعر راسي وبهدلتني بهدله عمري ماهنساها في حياتي ربنا مايحطك في المطب دا

على فكره ممكن تبقى سوبر اكشن بس 1300

لا كانت 1600 بس كانت مقلوبة و رشه قوايم و سقف و حوارات كتيره كده