الموضوع: جير بوكس القشقاى بيجيب زيت

المشاركة الأصلية كتبت بواسطة mohie777

السلام عليكم ورحمة الله

الاخوة الافاضل محتاج النصيحة لانى مش عارف اعمل ايه بالضبط احكى لكم الحكاية باختصار
كان عندصوت فى العفشة فرحت اشيك عليه فى التوكيل ( احمد مرعى) وهم بيربطوا العفشة لقوا زيت بينزل من الجير بوكس وقالوا ان الجوان بتاع الجير بيسرب زيت ولازم يتغير بس الجوان مش موجود وحنبعت نطلبه وكانوا عايزينى اسيب السيارة لكنى صممت ان اخدها وقلت لهم مش حامشى بيها مسافات طويلة
وبعد اسبوع اتصلت بيهم اسال قالوا قطع الغيار جت ممكن تتفضل وتركبها لحد دلوقتى شيى طبيعى
لكن المشكلة ان السيارة بقى ليها يومين عندهم وبعد تغير الجوان لسا بتجيب زيت وهم مش عارفين الحل ايه فشديت معاهم فى الكلام فقالوا ممكن يكون الكارتير بتاع الجير فيه مشكله فحنغيره ونشوف يمكن يكون العيب فيه
السيارة لحد دلوقتى عندهم بصراحة مش عارف اعمل ايه محتاج خبرتكم
السيارة موديل 2013 عاملة 5000كيلو

يعنى المشكلة فى الفتيس ؟ غير الفتيس كامل شغل القص واللزق دة ماينفعش لو عندك حاجة زى السبع روح لو تعرف تجيلهم القاهرة احسن

أعتقد الموضوع ده متكرر فى القشقاى

انا مره كنت فى توكيل ناشيونال يونيون ف كأن هناك واحد بردو بيشتكى من الموضوع دا و المهندس قالو هنغير الجير بوكس كله

اولا اشكر كل الزملاء على تجاوبهم فى المشكلة
تانيا: اتصل بيا التوكيل ( احمد مرعى)وقال حضرتك ممكن تيجى تستلم السيارة تم حل المشكلة والعيب طلع وجود شرخ صغير فى كارتير الجيربوكس وتم تغيير الكرتير وجوان الكرتير
والحمد لله مافيش زيت بينزل والمهندس الموجود قال ممكن تعمل مشوار كبير بالسيارة وتتاكد ان كان فى زيت ولا لا
اتمنى من الله ان تكون المشكلة اتحلت