السلام عليكم ورحمه الله وبركاته


أخبار الشباب ايه فى القسم و أتمنى ان كلكو تكونو بخير, انا من زمان كنت لما بنزل الحرفيين بلاقى التجار هناك مثلا لما تتطلب منها قطعه يروح فاتح الكمبيوتر و فاتح زى كتالوج PDF كده فيه كل قطعه و كل مسمار فى العربيه بأرقامهم و الكود بتاعهم و بيسهل الموضوع كتييير أوى و برضو كان ناس كتيير بتشتكى ان تشترى حاجه من برا و تيجى تركبها متركبش علشان بيكون جاب حاجه غلط مش بتاعه العربيه فمن ساعتها وانا بدور على حاجه تكون زى البرنامج إلى بيكون عند التجار ده و الحمد لله لقيته و قولت لازم اشارك رجاله القسم إلى أفادونى كتير بالموقع ده

ملحوظه: الموقع ده فيه أرقام قطع (BMW, MINI, Rolls Royce) قال يعنى إلى معاه رولز رويس هيدور على رقم قطعه


نبدأ على بركه الله


.:: الموقع ::.

RealOEM.com � Online BMW Parts Catalog



.:: الشـــــرح::.

دى الصفحه الرئيسيه من الموقع و لو طلع حاجه تانيه غير دى مكتوب فيها اكتب الايميل سيبكو منها و دوسو Click here إلى هتكون تحت الايميل إلى هيطلبو



----------------------------------------------------------------------------------------



فى حاله انك مش معاك الـVIN بتاع العربيه فممكن نعمل تجربه على الموقع اننا عايزين نجيب رقم المساعد الشمال بتاع عربيه BMW E46 318i model 2000 فنختار زى فى الصوره كده




بعد ما ندوس عليها هيطلع المنظر ده يفضل انكو تحولو المنظر و تدوسو على Switch to image drill down علشان يكون أسهل فى البحث



بعد التحويل هيبقى المنظر كده



هنختار ال Front Axle إلى هى العفشه الأماميه



بعدها هنختار الجزء إلى احنا عايزينه من العفشه فحالتنا هنختار صوره المساعد إلى هى FRONT SPRING STRUT/SHOCK ABSORBER




هيطلع لنا بعدها صوره الجزء إلى أحنا اخترناه و تحت الصوره جدول برقم كل قطعه موجوده فى الصوره و سعرها كمان (بس محدش ياخد بالسعر ده طبعا)






و بكده يبقى بالموقع ده اى مسمار فى العربيه عايز تجيب رقمه علشان متجيبش حاجه غلط هتطبق نفس الكلام إلى فوق ده على القطعه إلى محتاجها


أتمنى ان الموضوع يكون أفادكم و اى استفسار انا تحت أمركم