اخبارها ايه يا جماعه ؟؟
فيها مشاكل ؟؟؟
تستحمل سفر وشغل جامد ؟؟؟
عفشتها متعبه ولا مريحه ؟؟؟
عمليه ؟؟؟
اخبار اعادة البيع ايه ؟؟؟
ولا الواحد بالسعر ده يفكر في حاجه تانيه ؟؟؟
عرض للطباعة
اخبارها ايه يا جماعه ؟؟
فيها مشاكل ؟؟؟
تستحمل سفر وشغل جامد ؟؟؟
عفشتها متعبه ولا مريحه ؟؟؟
عمليه ؟؟؟
اخبار اعادة البيع ايه ؟؟؟
ولا الواحد بالسعر ده يفكر في حاجه تانيه ؟؟؟
-أعتقد مش هتستحمل لأن الهيونداي و كيا عامه بيبوظ علب الدريكسيون بسهوله مفرطة صدقني و دي حاجه مقرفه جدا
بس اعتقد مسمعمتش عن مشاكل للاسكترا للالنترا
علبه الدركسيون بتبوظ بسهوله مفرطه إزاي يعني؟؟؟ :11:
عموماً انا مش هتكلم غير عن تجربتي الشخصيه
هيونداي ماتريكس 2008 ماشيه لحد دلوقتي 165000 كم والحمد لله علبه الدركسيون كويسه وزي الفل مفيهاش مشاكل
وعلى فكره علبه الدركسيون للماتريكس الاصليه بره التوكيل عامله حوالي 2000 جنيه وممكن أقل كمان (ده في حاله لاقدر الله حصلها حاجه)
-والله علبه الدريكسيون ممكن تبوظ و حضرتك مش تحس بيها أصلا أنا في ال rb قطمه فقط مش علبه ديركسيون في الضمان سعره في التوكيل داخل ف 4000 جنيه ( مكنتش حاسس أن في أدنى مشكله العربيه عامله 10-11 ألف كيلو بس )
-الألنترا md فيها مشكله علبه الدريكسيون و م.سمير الشهاوي المنسق مغير علبه دريكسيون على 40.000 و هو في عربيه تدفع 150 ألف جنيه بتجيب علبه دريكسيون على 40 ألف :Zb_sor1[1]:
-أنا حبيت أنصح الراجل بدل ما يحصل معاه اللي حصل معاياه و لبست في عربيه بتمشي بالطبطبه جدا و بتجيب علب دريكسيون في الآخر :shine[1]:
-الصوت الشهير لما تيجي تلف الدركسيون يمين و شمال و أنت واقف بس حته صغيره يمين و حته شمال طقطقه خفيفه تك تك تك غيروا القطمه الصوت زاد :shine[1]:
-هي تقريبا نفس علبه دركسيون ال Elantra HD و دي كانت مشهورا جدا بالقطمه و الباور اللي بيبوظ
تويوتا كرولا افضل وبنفس رينج السعر
http://www.nilemotors.net/Nile/355968-a.html
-بص على الموضوع ده هتلاقي كمان ممكن تجيب معاك كوبلن عشان تبقى على نور و أنت بتشتري يا أستاذ
انا كان معايا النترا 2012 العربيه ممتازه فى كل شئ ما عدا العفشه وانا بعت العربيه عامله 10000 كم بسبب ان كان ابتدى يظهر عندى صوت التكتكه اللى فى المطبات وعربيتى كانت خليجى ورقم اتنين العزل بتاع الارضيه وحش معرفش ده بسبب نوعية الكوتش ولا عزل الارضيه وده بيخليك تحس مثلا انك ماشى حافى واخيرا الخامات المستخدمه فى الابواب بتزيق بطريقه غريبه معرفش ده فى الابواب المطنه كمان ولا لا اما المميزات فكتير العربيه شكل اعتقد اجمد شكل الثبات ممتاز مع العلم انى عمرى ما بازود فى السرعه عن 150 تكييف رائع كماليات كتير وايام اما كانت معايا كانت بسعر معقول هاى لاين جنط وفتحه و abs 2 air bag immoblizer كانت ب 144 الف نكمل المميزات فتيس و موتور جامدين واعتقد بتوع شغل واستحمال واخيرا اعادة البيع كويسه بس معرفش اكيد لو اشتريت الهاى لاين ب 180 اكيد مش هتبقى كويسه اوى واتمنالك التوفيق
العربيه مع واحد زميلي بقالها سنه وأربع شهور
وماإشتكاش منها خالص ومبسوط بيها جدا. بس العربيه عامله 15 ألف كيلو بس فلسه ماحسش بقصة علبة الدركسيون دي.
طبعا احنا هدفنا ننصح اللي بيسأل لوجه الله وده هدف المنتدى في الاساس
وعشان كده انا نقلت تجربتي مع عربيتي وحددت نوع العربيه والسنه عشان اكون اكثر دقه عشان لو في فروقات بين الموديلات
اما بخصوص سعر علبه الدركسيون اللي انا كاتبه فده انا لسه سائل عليه الشهر اللي فات في شارع دمشق عشان كنت بظبط حبه حاجات في عفشه العربيه فسألت عليه للمعرفه مش اكتر
واحنا بقى في انتظار ملاك الالنترا يقوللنا رايهم ايه عشان اكيد رايهم هيبقى اصح بحكم تجربتهم للعربيه
بس لو فرضنا اني هشتري عربيه اتوماتيك في رنج الـ 150000 جنيه وده سعر اول فئه النترا اتوماتيك فاكيد مش هجيب الالنترا وهشتري بيجو 308 او لانسر شارك وده من وجهة نظري الشخصيه ودي في النهايه ازواق
-حضرتك حاجات التوكيل غير اللي بره ممكن تلاقي بتاعه الماتريكس غاليه بردو كده
-الناس بتنصح بعربيات بعينها في المنتدي عاما كأن صاحب الشركه والده مثلا لازم نقول العيوب بوضوح عشان لما نتسأل قدام ربنا على الشهاده دي.
- و العربيه تبان عيوبها لما تقدم شويه مش على 15000 ألف
- أنا جبت اقتباس من م.سمير في لقاء أعده مع مدير الصيانه بيقول على العيوب اللي هتظهر
- والله أنا خايف على الراجل ده عايز عربيه تسحمل مش ورق و محدش يضلله
انا شاكر جدا لكل الردود القيمه اللي استفدت منها
بس يا جماعه لو مش الانترا يبقى ايه البديل ؟؟؟؟
العربية زى الفل الحمد لله مفيهاش اى مشاكل
تستحمل طبعا سفر و هى نفس عفشة السيراتو حضرتك شوف السيراتو بقالها كام سنة و عمرها ما اشتكت من العفشة بالذات هى عيبها انها ناشفة لكن مش زى السيراتوو
اعادة البيع اكيد الكورى كله ممتاز جدا خصوصا العربية عشان عليها طلب كبير
بالنسبة للسعر طبعا 150 الف فى النترا و من غير ايموبيليزر كتير جدا و كل العربيات اصلا زادت جدا
انا رأيى ان دا مش وقت شرا جديد حضرتك تشوف حاجة مستعملة لانسر او كورولا هتبقى فلوسها حلال عليها و ممكن لما الاسعار تعقل حضرتك تجيب جديد
هو طبعاً الاسعار في التوكيل اعلى من كده
بس ميزه هيونداي وكيا ان قطع الغيار بتاعتهم بتنتجها شركه موبيس
فاي قطعه بتتباع في التوكيل هتلاقي اختها بره بس باسم موبيس وهي هي نفس القطعه بنفس الخامات والكوالتي فرق شكل العلبه مش اكتر وبيبقى سعرها اقل من الوكيل كتيير (مع ملاحظه ان في برضوا مضروب في السوق عشان كده اللي بيشتري لازم يشتري من حد موثوق فيه وهو ده اللي انا بعمله)
بخصوص النصيحه انا نقلت تجربتي بس وعلى الرغم من كده قلت راي باني لو هجيب حاجه بالسعر ده مش هجيب الالنترا مش لعيوب فيها لكن عشان انا من وجهه نظري الشخصيه في حاجات تانيه عجباني اكتر
اما بخصوص عيوب العربيه بتبان امتى
فانا اتكلمت على الماتريكس كمؤشر لمستوى عربيتات هيونداي بشكل عام ( بس اكيد في فرق بين الماتريكس والالنترا) بس تجربتى مع الماتريكس لمده 5 سنوات و 167000 كم ممكن تساعده على الاختيار لكن يبقى انه يشوف راي ملاك الالنترا ممكن يكون عندهم مشاكل مش عندي
وربنا يعمله اللي فيه الخير ويوفقه لاحسن اختيار ان شاء الله
اول فئه في الالنترا اوتوماتيك بـ 150000 تقريباً
وفي نفس الرينج ده في البيجو 308 و اللانسر الشارك
انت ممكن تبص عليهم وتقارن بينهم وبين الالنترا وتشوف ايه الانسب ليك
لو بقى كنت بتدور على الالنترا الهاي لاين فدي بسعر اعلى بكتير فساعتها هتلاقي مجال الاختيار بالنسبه لك بقى اوسع يعني لازم تحدد الرينج بتاعك الاول عشان تقدر تختار
بس بخصوص البيجو 308 بالتحديد ممكن تدخل تشوف راي ملاك البيجو عشان كنت سامع ان في حبه مشاكل بخصوص الجيربوكس والله اعلم
موش فاهم ايه حكاية الاوروبى والجيربوكس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟
وكل مدى بيخسروا كتير من محبيهم :)
أنا رديت كذا مرة بالتفصيل عن رأيى فى الألنترا بعد أستعمال 2000 كم .. لكن كل المرة الرد ما يتبعتش.. عامة أنا معايا فئة GL single air bag ABS and immopilizer السعر كان 152 ألف .. طبعا المرايات الضم و البلوتوث فى كل الفئات .. تقييم بأختصار شديد ..ثبات ممتاز ..هدوء الماتور و الفتيس (نقلات الفتيس ماتحسش بيها خالص) و أستهلاك بنزين جيد جدا فى ظروف القيادة الهادئة .. ماتور قوى و قيادة رياضية عن طريق الستيبترونيك أو القرص..باور جيد جدا و حساسية الدركسيون ممتاز .. عزل ممتاز عدا صوت الكاوتش .. التكييف جيد جدا .. الطابلوه ممتاز شكلا و العدادات جميلة .. الصالون و مساحة الشنطة ممتاز .. .. الأوبشنز فى الفئة دى معقول و الشكل أزواق..
العيوب صوت الكوتش مزعج و ده بسبب عدم مناسبة النقشة للأسفلت بتاعنا .. لو مشيت على أسفلت ناعم الصوت يختفى تماما.. العفشة مش وحشة بس ناشفة شوية ..خامات الطابلوه و الأبواب متوسط.. صعوبة الركنة نسبيا و الرؤية الخلفية متوسطة و ممكن تتعود على المرايات الجانبية .. العيب الأكبر من وجهة نظرى غلاء قطع الغيار.. أنا بالنسبة لى ماكنتش مشكلة عشان الشركة بتاعتى بتتحمل الجزء الأكبر من الصيانات .. بس مش شايف سعر تيل الفرامل منطقى (700 جنيه) و ماعرفش مع أنتشارها الجامد ده فى بدائل لقطع غيار و صيانة التوكيل ولا لأ!!
الخلاصة كباكج العربية ممتازة و ركوبة بجد .. أنا بركب حاجات أغلى منها مع صحابى و بأمانة بحس الألنترا أفضل بالأخص الماتور الفتيس التسارع .. الألنترا جميلة و رشيقة و ربنا يوفقك للخير ..
شوف يا باشا هو الكلام ده مش كلامي ده كلام عضو معانا في المنتدي معاه بيجو وهو متكلم عن المشكله بالتفصيل وده لينك للموضوع ممكن تشوفه بس طبعاً انا مقدرش احكم على الكلام ده ولان انا مش معايا لا بيجو لا سيتروين اللي هو زكر انها فيها نفس المشكله لانها نفس الجيربوكس
وده لينك الموضوع
http://www.nilemotors.net/Nile/35895...post3875033957