الموضوع: فيات بونتو 94 كوبيه متسقط لها موتور 75 هورس باور (للهواة فقط) العربية نفاثة

أنا شايف أن الناس مكبرة الموضوع على ايه مش فاهم
زي ما اتقالت فارس لفارس و الميدان واسع
و كلامي محدد أنا بأتكلم على أي عربية ستوك و ليست تربو في الوقت الحالي
بعد ما أركب التربو يبقى فيه كلام تاني زي ما العضو المحترم graffittiii تفضل مشكوراً

و أرجع و أقول ماحدش يحس أنه زعلان لما مايعرفش يحصلني أولاني تاني تالت (عربيات ستوك فقط حتى لو بي إم عدا الموديلات المعدلة أو الرياضية و سيفيك عدا SIR)
بعد كده ولا يفرق معايا أنا بأتكلم عن دراج محدد السرعة و النقلات و ليس دراج مفتوح

أقل مثال أنا كنت ذكرته من قبل
أنا شديت على الدائري مع 318 كوبيه موديل منتصف 2000 تقريباً 2003 لـ 2005
و ماعرفش يجبني من الغرز اللي كنت بأخدها لإختلاف أبعاد العربيتين لأني بأعرف أخد غرز هو مايعرفش ياخدها
لأن عربيته طويلة هههههههههههه و الحاجة التانية لما كنت بأهدي السرعة شوية و أسيبه يقرب مني
حتى لما كان بيجي جنبي كنت بأطلع منه جري و احنا جنب بعض ههههههههههه
و دي فعلاً اللي حرقت دمه و هديت بعدها بشوية و سيبته يجي جنبي و كان عاوز يكلمني
نزلت الإزاز فا بيقولي يا كابتن الجري مايكنش كده قلتله العربية بتجري لوحدها أنا مجرد سواق على قدي
وقلتله أنا نازل اسماعيلية الصحراوي تحب تيجي نشد سوا جاب ورا و قاللي أنا ورايا مشوار
قلتله فرصة تانية بقى بس للأسف الفرصة دي لسه ماجتش ههههههههههههه

هو أنتم ليه مش قادرين تفهموا دماغي ههههههههههه
كل واحد و له فكرته عن رياضة السيارات و أنواعها
أنا اللي يستهويني و أنا بأسوق العربية أني أعرف أسبق و أفرق عن الآخرين في بداية الأمر و ليس آخره
لأن من البداية لحد مرحلة معينة أصعب من باقي المشوار في سباق الدراج و كل التركيز بيكون على بداية السباق
و بعد كده يحلها ألف حلال بالغرز و الحيّل و أنا في الحاجات دي الحمد لله حلو قوي و تشهد الطرق على ذلك
إنما فكرة التوب سبيد مش دماغي حالياً لأنها تطلب عربية بمحرك أعلي من امكانياتي الحالية
و لو حد عنده عربية التوب سبيد بتاعها حلو و سواق ماهر مش شرط يعرف يفرق عن واحد
معاه عربية التوب سبيد بتاعها أقل لو الأولاني عفريت أسفلت و لبّس التاني (بمهارته و حيلته) في عربية قدامهم هما الإتنين
إلاّ لو كان الأولاني أشطر من التاني و زي ما هو معروف السواقة قبل إمكانيات العربية هي إمكانيات سواق
و شكراً...