الموضوع: هوندا 97 هل السعر ده مناسب ؟

المشاركة الأصلية كتبت بواسطة abo-berry

فئات الجيل السادس lxi , exi , vti , sir , وهو اكيد يقصد ال lxi , لكن مفيش حاجه اسمها lx وحاجه تانيه lxi هما الاتنين واحد
ودى بتبقى اقل فئه فى الكماليات وتمنها ينزل عن ال52 عشان الشغل اللى فيها هيكلف مش اقل من 5000 عشان يوقف العربيه صح ومتكرهوش فى الهوندا

يعني 47 ... او 48 يبقي كويس عليها مش كده يا abo-berry
وشغل السمكرة والبوية والعفشة يتكلف 5000 جنية

المشاركة الأصلية كتبت بواسطة abo-berry

نزل فيها على قد ماتقدر عشان هيفرق معاك جامد عشان المصاريف اللى بعد كده
بالنسبه لشغل السمكره , مدام هتسمكر وترش وهتركب يبقى لازم تتعمل صح مش اللى هو شغل تجارى (بيبقى شغل اى كلام عشان هتبعها ) , فا الشغل الصح انك لازم تنزل العربيه على الصاج عشان فى حاجات مش هتبان غير لما تحل العربيه كلها زى ماحصل معايا فى عريبتى طبعا الرينج هيبقى فى حدود من 4 الى 6 حسب الشغل اللى فيها . ahmedeihab معانا هنا لسه عامل عربيه لواحد معرفته كلفته سمكره و دوكو تقريبا 7 او 8 الاف فا انت لازم تكزن شايل فلوس بزياده عشان الضغل لو فتح مش هتعرف تقفله , فا انت خد سمكرى معاك يبصلك على الشغل اللى شايفه من بره وهيتكلف كام عشان ماتلبسش فى الحيط بعد ماتجبها

تسلم تسلم يا abo-berry
ويا رب ما حد فينا يلبس في عربية تطلع عينه في تصليح وتظبيط معاناه والله لما تيجي تشتري مستعمل لازم الواحد يدوخ السبع دوخات ده غير الاسعار المبالغ فيها من صحاب العربيات المستعملة يعني تلاقي العربية توبها 45 تلاقي صاحبها طالب 65 وفيها شغل كمان

اشكر كل من رد عليا واشكر كل واحد دخل وقرا الموضوع ومردش